សាកលវិទ្យាល័យត្រាវិញចាត់តាំងពិធីបិទវគ្គសិក្សានិងប្រគល់សញ្ញាបត្របែបរៀនពីចម្ងាយ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 ឧសភា 2013
- ចុចដង៖ 1605
ព្រឹកថ្ងៃទី ២៧ មេសា ២០១៣ សាកលវិទ្យាល័យត្រាវិញចាត់តាំងពិធីបិទវគ្គសិក្សានិងប្រគល់សញ្ញាបត្របែបរៀនពីចម្ងាយឱ្យបេក្ខជនទើបបញ្ចប់បរិញ្ញាថ្មីៗ ចំនួនជិត ៤០០ រូប។ លោកបណ្ឌិត ផាមទៀតខាញ់ សាកលវិទ្យាធិការ មកចូលរួមនិងជូនសញ្ញាបត្រ។
បណ្ឌិត យៀងធីម៉ាយហាត្រឹម-ព្រឹទ្ធបុរស (ឆ្វេង) បណ្ឌិត ង្វៀនធីផឿងណាម - ព្រឹទ្ធបុរសស្តីទី (ស្តាំ) ជូនលិខិតសរសើរដល់បេក្ខជនមានពិន្ទុពូកែ
មានប្រសាសន៍នៅអង្គពិធី លោកបណ្ឌិត ផាមទៀតខាញ់ថ្លែងអំណរអរគុណដល់បណ្តាអង្គភាពដែលជាដៃគូបានសហការបណ្តុះបណ្តាល បង្កលក្ខណៈងាយស្រួលក្នុងរយៈពេលកន្លង សម្រេចជោគជ័យនូវផែនការយុទ្ធសាស្ត្រនៃកម្មវិធីសិក្សា។ លោកបណ្ឌិតក៏ផ្តាំផ្ញើសួរសុខទុក្ខ និងជូនពរដល់បេក្ខជនទើបបញ្ចប់វគ្គសិក្សាថ្មីៗ សូមប្រកបនៅសុខភាពបរិបូណ៌ ប្រើប្រាស់អស់ពីសមត្ថភាពនូវចំណេះដឹងដែលខ្លួនបានសន្សំក្នុងរយៈពេលសិក្សា អនុវត្តចូលក្នុងការងារប្រចាំថ្ងៃ រួមចំណែកស្ថាបនា អភិវឌ្ឍខ្លួនឯងនិងសង្គមជាតិ។
បេក្ខជន ង្វៀនហ្វាងភីអៀន មានចំណាប់អារម្មណ៍ក្នុងអង្គពិធី
ដំណឹងនិងរូបភាព៖ ថាញ់យ៉ឺ
បកប្រែដោយ៖ ហ្វិញសាង