ថ្ងៃទី១៣ ខែមករា ឆ្នាំ២០១៧ និស្សិតមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូបានរៀបចំឡើងសម័យប្រឡង “រចនាវត្ថុលំអរ និងគ្រឿងស្ការៈបូជានាថ្ងៃបុណ្យចូលឆ្នាំវៀតណាម” និងកម្មវិធីសមោសរសិល្បៈ”អត្តសញ្ញាណជាតិនៃបុណ្យចូលឆ្នាំវៀតណាម។”
កម្មវិធីសមោសរសិល្បៈរួមមានឈុតសម្តែងថ្មីៗ ទាំង ១៦ ដោយការរួមកម្លាំងនៃនិស្សិតមហាវិទ្យាល័យទាំង១២ ព្រមទាំងនិស្សិតអន្តរជាតិមកពីប្រទេសហ្វីលីពីន និងនិស្សិតកម្ពុជា។
ដោយទេពកោសល្យនិងការច្នៃប្រឌិតខ្ពស់ អរស់រយៈពេល១៨០នាទីក្រុមប្រឡងទាំង៨ បានរចនាវត្ថុលំអរ និងគ្រឿងស្តារៈបូជាសម្រាប់ថ្ងៃចូលឆ្នាំថ្មី គួរអោយចាប់អារម្មណ៍ដូចជា៖ រចនារូបភាពសត្វមាន់ដោយប្រភេទផ្លែឈើផ្សេងៗ ដោយដី ឬដោយផ្លែឪឡឹក ឆ្លាក់ដោយស្នាដៃស្ទាត់ជំនាញ ថាសផ្លែឈើដែលសម្គល់អត្តសញ្ញាណវប្បធម៌ណាមបូ រចនារូបតំណាងឆ្នាំរកា ផើងផ្ការៀបទទួលថ្ងៃចូលឆ្នាំ និងអាំងប៉ាវ។ល។ សរអោយឃើញតម្លៃវប្បធម៌ប្រពៃណីជាតិ។
ម៉ោង ១៩ យប់ ស្នូរស្គររាំម៉ុងសាយបានរោទ៍ឡើងផ្ដល់សញ្ញាចាប់ផ្ដើមបើកឆាកកម្មវិធីសមោសរសិល្បៈអណរបុណ្យចូលឆ្នាំថ្មីដោយមានប្រធានបទ ”អត្តសញ្ញាណជាតិនាថ្ងៃបុណ្យចូលឆ្នាំវៀតណាម”។
មិត្តង្វៀន ធ្វីភឿងនិស្សិតមហាវិទ្យាល័យភាសា-វប្បធម៌- វិចិត្រសិល្បៈខ្មែរណាមបូរីករាយនិយាយថា៖“កម្មវិធីសិល្បៈប្រណិតអស្ចារ្យណាស់ កត់សម្គល់លក្ខណៈវប្បធម៌ជាតិជាពិសេសគឺឈុតកំប្លែង”តាវក្វឹង” មកពីក្លឹបវប្បធម៌ វិចិត្រសិល្បៈខ្មែរណាមបូ បានធ្វើអោយបរិយាកាសមានកំដៅឡើងពួកខ្ញុំពិតជាស្ងើចសរសើរសមត្ថភាពរបស់ពួកគេខ្លាំងណាស់។”
មិត្ត ស៊ីនន់និស្សិតកម្ពុជាបានអោយដឹងថា៖ ”យើងខ្ញុំសែនពេញចិត្តនូវសកម្មភាពដែលកំពុងកើតឡើងនេះ និស្សិតទាំងអស់មានគំនិតយ៉ាងច្រើនសម្រាប់ពិធីតាំងពិព័រណ៍ និងឈុតសម្ដែងសម្គល់លក្ខណៈដោយឡែករបស់ជនជាតិវៀតណាម ធ្វើអោយយើងខ្ញុំបានយល់បន្ថែមអំពីឫសគល់ និងអត្ថន័យទំនៀមទម្លាប់ និងភាពស្រស់ស្អាត់ក្នុងវប្បធម៌បុណ្យចូលឆ្នាំរបស់ជនជាតិវៀតណាម។”
និស្សិតកំពុងព្យាយាមរចនាបដាជូនពរអំណរឆ្នាំថ្មី
ឈុតកំប្លែង តាវក្វឹង សម្តែងដោយក្រុមនិស្សិតមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ
សុខខើយ