TVU និង Swinburneបន្តគម្រោងការសាកលវិទ្យាល័យពណ៌បៃតងលើកទី៤
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 19 មករា 2017
- ចុចដង៖ 653
ថ្ងៃទី១០ ខែមករា ឆ្នាំ២០១៧ កម្មវិធីអភិវឌ្ឍន៍ជានិរន្តរភាពកំរិតអន្តរជាតិ និយាយកាត់ថា គម្រោងការមហាវិទ្យាល័យពណ៌បៃតង រវាងសាកលវិទ្យាល័យត្រាវិញនិង Swinburne(អូស្រ្តាលី) បានបន្តសកម្មភាព ចាប់ពីថ្ងៃទី៩ ខែមករាកន្លងហើយនៅទីស្នាក់ការកណ្ដាលនៃសាកលវិទ្យាល័យត្រាវិញ។
ក្នុងរយៈកាល៤ឆ្នាំ នេះគឺជាលើកទី៤ហើយដែលសាស្តាចារ្យនិងនិស្សិតអូស្រ្តាលីសហការផ្ទាល់នឹងសាកលវិទ្យាល័យត្រាវិញដើម្បីផ្សព្វផ្សាយនិងអនុវត្តបណ្ដាសកម្មភាពការពារបរិស្ថានតាមទ្រង់ទ្រាយបែបបទផ្សេងៗគ្នា។
បណ្ឌិត ង្វៀន តៀនយុង សាកលវិទ្យាធិការរងត្រាវិញបានមានប្រសាសន៍ថា៖ «កាលពីបួនឆ្នាំមុន បណ្ឌិតFrancoisបានរួមជាមួយយើងខ្ញុំ។ បណ្ឌិត ផាម តៀក ខាញ់និងបណ្ឌិត ហោ ដាក់ តុកបានផ្ដួចផ្ដើមឡើងកម្មវិធីអភិវឌ្ឍន៍យូរអង្វែងអន្តរជាតិ។ សកម្មភាព ៣រដូវកាលកន្លងហើយ បានបន្សល់ទុកនូវភាពជោគជ័យនិងការផ្លាស់ប្ដូរផ្នត់គំនិតនៃសិស្សនិស្សិតចេះថែទាំបរិស្ថាន។យើងខ្ញុំជឿជាក់ថាលើកទី៤នេះច្បាស់ជាទទួលបានលទ្ធផលដ៏ប្រសើរជាងមុនថែមទៀត។»
បណ្ឌិត Francois Malherbeដឹកនាំក្រុមនិស្សិត Swinburne អោយដឹងថា៖លើកនេះ ក្រៅពីនិស្សិតអូស្រ្តាលីទាំង១៦រូបចូលរួមលើកដំបូងនៅមាននិស្សិត២រូបធ្លាប់ចូលរួមគម្រោងការមុនៗ បានបញ្ជូនមកដើម្បីសិក្សារៀនសូត្រយកបទពិសោធន៍ដើម្បីគ្រប់គ្រងគម្រោងការឆ្នាំក្រោយៗនេះ។
លោកបានអោយដឹងបន្ថែមទៀតថា៖ លើកនេះសាកលវិទ្យាល័យSwinburneក៏បានបញ្ជូនគ្រូបង្វឹកកីឡាបាល់បោះ១រូបមកដែរដើម្បីបង្ហាត់សិស្សសាលាបំប៉ន់គរុកោសល្យចំណុះសាកលវិទ្យាល័យត្រាវិញ។
ក្នុងចំណោមនិស្សិត Swinburne ពួកគេសិក្សាវិស័យខុសៗគ្នារួមមាន៖ មនុស្សសាស្ត្រ ជីវវេជ្ជសាស្ត្រ ពាណិជ្ជកម្ម គីមីវិទ្យា បរិស្ថាន វិទ្យាសាស្រ្តសុខាភិបាល ការសែត ច្បាប់ បច្ចេកទេសនិងចិត្តវិទ្យា។ ចំណែកនិស្សិតសាកលវិទ្យាល័យត្រាវិញក៏មកពីបណ្ដាឯកទេសផ្សេងៗគ្នាដែរ៖ ភាសាបរទេស វេជ្ជសាស្ត្រ ឱសថ និងបច្ចេកវិទ្យា។ ពួកគេគឺជានិស្សិតបានជ្រើសរើសដោយផ្អែកលើអត្ថបទសារណា និងការសំភាសន៍ដោយផ្ទាល់។
ង្វៀន ហ្វឺវ ផាត់ និស្សិតឆ្នាំទី៣ផ្នែកភាសាអង់គ្លេសបាននិយាយថា៖ “ពិតជាសំណាងណាស់ដែលសិក្សាក្នុងមជ្ឈដ្ឋានសិក្សាសម្បូរដោយនិស្សិតអន្ដរជាតិនិងពោពេញទៅដោយការច្នៃប្រឌិតដូច្នេះ។ ឆ្នាំ២០១៧ក៏ជារដូវកាលទី៤ដែលនិស្សិតមហាវិទ្យាល័យភាសាបរទេសចូលរួមសកម្មភាពក្រៅម៉ោងមានប្រយោជន៍។ ខ្ញុំសប្បាយណាស់ពេលបានសិក្សានិងធ្វើការជាមួយនិស្សិតមកពីសាកលវិទ្យាល័យSwinburne។ ការស្រុះស្រួលគ្នាក្នុងការប្ដូរយោបល់គឺជាប្រការសំខាន់ដែលធ្វើអោយខ្ញុំរៀនបានចំណុចថ្មីៗជាច្រើន បង្កើនបំណិននិយាយភាសាអង់គ្លេសមានប្រសិទ្ធិភាពក្នុងវប្បធម៌សម្បូរណ៍បែបដូចជាប្រទេសអូស្រ្តាលី។”
បណ្ដាសកម្មភាពនៃគម្រោងការសាកលវិទ្យាល័យពណ៌បៃតងលើកទីបួននេះ នឹងប្រព្រឹត្តឡើងក្នុងពីរសប្ដាហ៍រហូតដល់ថ្ងៃទី២១ខែមករាខាងមុខនេះ។
ក្រៅពីសកម្មភាពចម្បងដូចឆ្នាំមុនៗ គឺការពិនិត្យនិងវាយតម្លៃបរិស្ថាន ផ្សព្វផ្សាយការពារបរិស្ថាននៅបណ្ដាសាលាវិទ្យាល័យក្នុងខេត្ត រៀបចំដោះដូរនិស្សិត ប្រមូលផលកសិផលនៅតាមភូមិភាគនិងធ្វើអនាម័យនៅរមណីដ្ឋានគូស្រះស្រី និងជ្រើសចេញគម្រោងការ៥ ដែលមានប្រសិទ្ធភាពដាក់ជូនដល់នាយកសាលា ឆ្នាំនេះនៅមានបណ្ដាសកម្មភាពរត់ប្រណាំងដើម្បីបរិស្ថាន(3 km International Green Run)ប្រព្រឹត្តិឡើងនៅថ្ងៃអាទិត្យត្រូវនឹងថ្ងៃ១៥ ខែមករា ក្នុងបរិវេណអន្តេវាសិកដ្ឋានមណ្ឌលទី១។
យោងតាមរបាយការអោយដឹងថាមុននឹងនិស្សិត Swinburneមកកាន់ខេត្តត្រាវិញ ពួកគេបានបង្កើតមូលនិធិដើម្បីជួយកុមារមានភាពលំបាក់នៅបណ្ដាខេត្តភូមិភាគកណ្ដាលនៃប្រទេសវៀតណាម។
សុខខើយ