សម័យប្រឡងបង្កើនបំណិនគរុកោសល្យ៖ ឱកាសមាសសម្រាប់អនុវត្តទេពកោសល្យ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 កុម្ភៈ 2017
- ចុចដង៖ 624
កម្មវិធី ”ប្រឡងគរុកោសល្យចំណាត់ថ្នាក់មហាវិទ្យាល័យ” បានរៀបចំឡើងដោយមហាវិទ្យាល័យគរុកោសល្យនៅទីស្នាក់ការកណ្ដាលនៃសាកលវិទ្យាល័យត្រាវិញ ក្នុងរយៈពេល៣ថ្ងៃ ពីថ្ងៃ១៧ ដល់ថ្ងៃទី១៩ ខែមករា ឆ្នាំ២០១៧។លោកស្រី ឡឹម ធី បត្រ ត្វៀក ថ្លែងយោបល់បើកសម័យប្រជុំ។
កម្មវិធីប្រឡងរួមមាន៦វគ្គគឺ៖វគ្គទី១ចំណេះដឹងគរុកោសល្យ វគ្គទី២ដោះស្រាយបញ្ហាគរុកោលស្យ វគ្គទី៣ទេពកោសល្យស្ដែងពីសកម្មភាពក្រៅសាលាអោយសិស្ស វគ្គទី៤វិធីសាស្ត្របង្រៀន វគ្គទី៥ឧបករណ៍បង្រៀន និងវគ្គទី៦គឺវោហាស័ព្ទ។
នេះជាកម្មវិធីសកម្មភាពក្រៅម៉ោងបានរៀបចំឡើងជារៀងរាល់ឆ្នាំសម្រាប់និស្សិតឆ្នាំបញ្ចប់។ ចូលរួមប្រឡងមាន៣ក្រុមគឺថ្នាក់បរិញ្ញាបត្រមតេយ្យ ថ្នាក់បរិញ្ញាបត្ររងមតេយ្យ និងថ្នាក់បរិញ្ញាបត្ររងបឋមសិក្សា សរុបបេក្ខសិស្សចូលរួមមាន១៧២រូប។
វត្ថុបំណងនៃកម្មវិធីនេះគឺដើម្បីវាយតម្លៃសមត្ថភាពក៏ដូចជាការយល់ដឹងអំពីអាជីពរបស់និស្សិត លើកកម្ពស់គុណភាពបណ្ដុះបណ្ដាលកងជួរគ្រូបង្រៀនអោយស្របទៅនឹងតម្រូវការរបស់សង្គម បន្ថែមបំណិនគរុកោសល្យអោយនិស្សិតសម្រាប់ការធ្វើកម្មសិក្សានាពេលខាងមុខ ជាពិសេសគឺដើម្បីលើកកម្ពស់សតិសម្បជញ្ញៈ និងភាពស្រឡាញ់ការងារសម្រាប់អនាគត។
លោកគ្រូ ឡេ ង៉ុក វ៉ូ សមាជិកគណៈរៀបចំកម្មវិធីបានមានប្រសាសន៍ថា៖ “នេះគឺជាកម្មវិធីសម្រាប់និស្សិតគរុកោសល្យហ្វឹកហាត់បន្ថែមអំពីបំណិននិងចំណេះដឹងអាជីព។នេះជាសកម្មភាពសម្គាល់លក្ខណៈពិសេសអោយមហាវិទ្យាល័យគរុកោសល្យ។ ឆ្នាំនេះពួកប្អូនមានការត្រៀមបំរុងយ៉ាងហ្មត់ចត់អោយការក្រកួតរបស់ខ្លួន នាំមកនូវការសប្បាយនិងអត្ថប្រយោជន៍ដល់និស្សិតគ្រប់រូប។”
មិត្ត ម៉ាយ ហុង កឹម តៀង សិក្សាបរិញ្ញាបត្ររងគរុកោសល្យបឋមសិក្សាឆ្នាំទី៣និយាយដោយក្ដីសប្បាយថា៖ “ខ្ញុំពិតជាសប្បាយចិត្តណាស់ពេលបានចូលរួមប្រឡងកម្មវិធីនេះ វានាំមកបទពិសោធន៍ឈរលើឆាក ក្លាហានបញ្ចេញទ្រឹស្ដីនៅមុខទស្សនិកជន ហើយធ្វើអោយខ្ញុំមាននូវចំណេះដឹងជួយដល់អាជីពរបស់ខ្ញុំនាពេលអនាគត។ កម្មវិធីនេះសរអោយឃើញនូវភាពសាមគ្គីរវាងគ្នានិងគ្នា។”
មិត្ត បុយ ធី ម៉ីស្វៀង សិក្សាបរិញ្ញាបត្រគរុកោសល្យមតេយ្យឆ្នាំទី៤និយាយថា៖ “ឆ្នាំនេះមានការប្រើសើជាងឆ្នាំមុនគ្រប់វគ្គទាំងអស់ ព្រោះគ្រប់គ្នាមានការដាក់ទុនយ៉ាងច្រើនអោយកម្មវិធីនេះ។ការប្រកួតនេះមិនត្រឹមតែនាំមកនូវចំណេះដឹង បំណិនអោយនិស្សិតបណ្ណោះទេ វានូវធ្វើអោយពួកខ្ញុំបានសប្បាយធូស្រាយក្រោយពីការរៀនសូត្រទៀតផង។
ក្រោយរយៈពេល៣ថ្ងៃនៃការប្រកួតយ៉ាងស្វាហាប់ ទីបំផុតថ្នាក់បរិញ្ញាបត្រគរុកោសល្យមតេយ្យក៏ទទួលបាននូវជ័យលាភីប្រសើជាងគេគឺលេខ១ ខាងផ្នែកទេពកោសល្យ ផ្នែកដោះស្រាយបញ្ហាគរុកោលស្យ ផ្នែកវិធីសាស្ត្របង្រៀននិងឧបករណ៍បង្រៀន លេខ២ខាងចំណេះដឹងគរុកោសល្យនិងវោហាស័ព្ទ។
បកប្រែដោយ៖ សុខខើយ
