ការពារសារណាដំបូងនៃមុខជំនាញប្រគំឧបការណ៍តន្ត្រីប្រពៃណីខ្មែរណាមបូ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 កុម្ភៈ 2017
- ចុចដង៖ 575
ថ្ងៃទី១៩ ខែមករា ឆ្នាំ២០១៧ មហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ ចាត់តាំងពិធីការពារសារណាបញ្ចប់វគ្គសិក្សាអោយនិស្សិត ថ្នាក់ប្រគំឧបករណ៍តន្ត្រីប្រពៃណីខ្មែរណាមបូ។
អញ្ជើញចូលរួមកម្មវិធីរួមមាន លោកស្រី ថាច់ ធី យឹន សាកលវិទ្យាធិការរងនៃសាលាសាកលវិទ្យាល័យត្រាវិញ បណ្ឌិត ង្វៀន ធី ហ្វេ ព្រឹទ្ធបុរសនៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ ព្រមទាំងកងជួរគ្រូបង្រៀនសិល្បករនិងនិស្សិតចំណុះមហាវិទ្យាល័យ។
តាមលក្ខន្តិកៈ បណ្ដានិស្សិតចូលរួមការពារសារណាត្រូវតែសម្ដែងអោយបានល្អនៅឈុតដែលខ្លួនជ្រើសយកមកប្រឡង ហើយមានការជំនួយពីមិត្តភ័ក្តិដើម្បីបង្កើតបាននូវឈុតសម្ដែងមួយដ៏ល្អនៅមុខគណៈមេប្រយោគ។
និស្សិតទាំងអស់បានសំដែងនូវឈុតរបស់ខ្លួនបានល្អគួរសម បង្ហាញនូវភាពស្ទាត់ជំនាញក៏ដូចជាការយល់ដឹងអំពីមុខជំនាញផ្ទាល់របស់ខ្លួន ព្រោះពួកគេទាំងអស់គ្នាមានការត្រៀមបម្រុងយ៉ាងហ្មត់ចត់សម្រាប់កម្មវិធីនេះ។
បេក្ខសិស្ស លី ថាញ់ ភឿង ឱ្យដឹងថា៖“នេះគឺជាមុខជំនាញដែលត្រូវនឹងទេពកោសល្យរបស់ខ្លួនទាំងវ័យនៅក្មេង។ខ្ញុំបានហ្វឹកហាត់មកជាច្រើនលើក ខ្ញុំសង្ឃឹមថាខ្ញុំនឹងទទួលបានភាពជោគជ័យនៅក្នុងការប្រឡងនេះ”។
នេះជាសារណាបញ្ចប់វគ្គសិក្សាបានជាបេក្ខសិស្សគ្រប់រូបគេចមិនផុតពីការប៉ះទង្គិចផ្លូវចិត្ត ស្មារតីផុតភ័យពេលឈរលើឆាក។លី ថាញ់ ភឿង នៅមានការអាក់អន់ចិត្តចំពោះការប្រគំរបស់ខ្លួនព្រោះគេធ្វើមិនបានល្អដូចកាលដែរគេហ្វឹករាល់ថ្ងៃ ទោះជាគេទទួលបានលើ៩ពិន្ទុះអំពីគណៈមេប្រយោគក៏ដោយ។ភឿងបានតាំងចិត្តថានឹងខិតខំហាត់ពត់ ស្រាវជ្រាវបន្ថែមអំពីវិស័យដែលខ្លួនពេញចិត្ត ដើម្បីមានការរីកចំរើនទៅថ្ងៃអនាគត។
តាមការសន្និដ្ឋាននៃនិស្សិតមុខជំនាញប្រគំឧបករណ៍តន្ត្រីប្រពៃណីខ្មែរណាមបូ៖ “ពួកខ្ញុំបានសិក្សាក្នុងបរិស្ថានដ៏ល្អ មានលោកគ្រូ អ្នកគ្រូស្រឡាញ់ការងារ បានបង្ហាត់បង្រៀនពួកខ្ញុំអស់ពីចិត្ត អោយពួកខ្ញុំមានឱកាសហ្វឹកហាត់បណ្ដាឧបករណ៍តន្ត្រីប្រពៃណីខ្មែរណាមបូ។ សម័យការពារសារណាបញ្ចប់វគ្គសិក្សានេះគឺជាឱកាសដើម្បីពួកខ្ញុំបង្ហាញ់នូវចំណេះដឹងក៏ដូចជាភាពស្ទាត់ជំនាញដែលពួកខ្ញុំខំក្រេបជញ្ជក់ក្នុងរយៈកាល៤ឆ្នាំកន្លង។
មុខជំនាញប្រគំឧបករណ៍តន្ត្រីប្រពៃណីខ្មែរណាមបូគឺជាមុខជំនាញមួយសំគាល់លក្ខណៈដោយឡែករបស់សាកលវិទ្យាល័យត្រាវិញដែលបានបណ្ដុះបណ្ដាលចាប់ពីឆ្នាំ២០១២ ក្នុងគោលបំណងអភិរក្សនិងពង្រឹងពង្រីកអត្តសញ្ញាណ វប្បធម៌ប្រពៃណីជាតិខ្មែរ និងជួយអនុវត្តភារកិច្ចសំខាន់របស់ប្រទេសជាតិគឺបណ្ដុះបណ្ដាលធនធានមនុស្សអំពីភាសា វប្បធម៌ និងវិចិត្រសិល្បៈខ្មែរណាមបូ។
និស្សិតសិក្សាមុខជំនាញនេះគ្មានការបង់ប្រាក់សាលា ប្រាក់ស្នាក់នៅអន្តេវាសិកដ្ឋាននិងទទួលប្រាក់ជំនួយរាល់ខែតាមសេចក្តីសម្រេចរបស់រដ្ឋាភិបាល។ ក្នុងរយៈកាលសិក្សានិស្សិតបានហ្វឹកហាត់ពីបំណិន ប្រគំតន្ត្រី ការរៀបចំឆាក និងការយល់ដឹងតូរ្យតន្ត្រី ប្រភេទនៃឧបករណ៍តន្ត្រីប្រពៃណីជាតិតីណាមបូ។
បកប្រែដោយ៖ សុខ ខើយ