គណៈកម្មាធិការប្រជាជនខេត្តដាក់ណុងមកទស្សនានិងបំពេញការងារនៅសាលាសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 01 មីនា 2017
- ចុចដង៖ 564
ថ្ងៃទី១៥ ខែកុម្ភៈ ឆ្នាំ២០១៧ លោកស្រី តោន ធី ងុក ហាញ់ អនុប្រធានគណៈកម្មាធិការប្រជាជនខេត្តដាក់ណុងរួមជាមួយគណៈប្រតិភូមកទស្សនានិងបំពេញការងារនៅសាកលវិទ្យាល័យត្រាវិញ។
ទទួលស្វាគមន៍ប្រតិភូមានលោក ត្រឹន ហ្វាង គឹម ប្រធានក្រុមប្រឹក្សា បណ្ឌិត ង្វៀន តៀន យុងព្រមទាំងលោកត្រឹន វ៉ាន់ ត្រុង ជាសាកលវិទ្យាធិការរង នៃសាលាសាកលវិទ្យាល័យត្រាវិញ។
នៅក្នុងអង្គជំនួបលោកស្រី តោន ធី ងុក ហាញ់ បានអោយដឹងអំពីគោលបំណង ដែលលោកស្រីមកកាន់ទីនេះគឺដើម្បីសិក្សារៀនសូត្រយកបទពិសោធ៍ក្នុងការអភិវឌ្ឍប្រព័ន្ធអប់រំអាជីពនិងទម្រង់សាកលវិទ្យាល័យរងសហគមន៍ ដើម្បីយកជាគំរូកសាងនិងអភិវឌ្ឍសាកលវិទ្យាល័យរងសហគមន៍ដាក់ណុង។
លោកស្រី តោន ធី ង៉ុក ហាញ់មានប្រសាសន៍ថា៖“បំពេញការងារនៅសាកលវិទ្យាល័យត្រាវិញលើកនេះ យើងខ្ញុំពិតជាសប្បាយរីករាយយ៉ាងខ្លាំង ព្រោះពួកខ្ញុំបានថ្នាក់ដឹកនាំនៃសាកលវិទ្យាល័យត្រាវិញទទួលស្វាគមន៍យ៉ាងកក់ក្ដៅ និងថែមទាំងបានស្វែងយល់ច្បាស់អំពីទម្រង់សាកលវិទ្យាល័យរងសហគមន៍ដែលជាទម្រង់បណ្ដុះបណ្ដាលច្រើនកំរិត ច្រើនមុខជំនាញ ជាទម្រង់សិក្សាមួយជីវិតដែលសាកលវិទ្យាល័យត្រាវិញអនុវត្តជោគជ័យជាច្រើនឆ្នាំកន្លង ។
ក្នុងរយៈកាលប្ដូរយោបល់រវាងភាគីទាំងពីរ គណៈប្រតិភូដាក់ណុងបានស្ដាប់របាយការណ៍នៃសាកលវិទ្យាល័យត្រាវិញអំពីភាពខុសគ្នារវាងទម្រង់សាកលវិទ្យាល័យរងសហគមន៍និងបណ្ដាទម្រង់ដទៃទៀត។ ការរីកចំរើនបណ្ដាញសាកលវិទ្យាល័យរងសហគមន៍នាំមកគុណប្រយោជន៍ដល់សហគមន៍ ពិសេសគឺការកកើតនិងរីកចំរើនរបស់សាកលវិទ្យាល័យត្រាវិញ។
លោកត្រឹន ហ្វាង គឹម ប្រធានក្រុមប្រឹក្សាថ្លែងថា៖ “ដាក់ណុងមានភាពងាយស្រួលជាងសាកលវិទ្យាល័យត្រាវិញ មានសម្ភរៈឧបទេសគ្រប់គ្រាន់ជាង។ ជាមួយនឹងភាពងាយស្រួលទាំងអស់នោះ ដាក់ណុងច្បាស់ជាកសាងបានសាកលវិទ្យាល័យរងសហគមន៍ក្នុងរយៈពេលខ្លីខាងមុខ ប៉ុន្តែដាកណុងត្រូវមានការចុះសម្រុងគ្នានៃថ្នាក់ដឹកនាំ ជំរុញអោយមានការរីកចំរើនជាលំដាប និងកំណត់គោលដៅច្បាស់លាស់ ជំហានដំបូង ដាក់ណុងត្រូវតែមានការជំនួយពីថ្នាក់ដឹកនាំខេត្ត ហើយមានគោលនយោបាយត្រឹមត្រូវដើម្បីអូសទាញធនធានមនុស្សខាងក្រៅ។ លោកជឿជាក់ថាដាក់ណុងនឹងសម្រេចបានជោគជ័យជាមួយការខិតខំរបស់ខេត្តទាំងមូល”។
បណ្ឌិត ង្វៀន តៀន យុងនិយាយថា៖ ដើម្បីកសាងសាកលវិទ្យាល័យរងសហគមន៍មួយមុនដំបូងត្រូវកំណត់ទម្រង់ ស្វែងយល់តម្រូវការទីផ្សារ មុខជំនាញណាដែលជាតម្រូវការរបស់សហគមន៍ ហើយដាក់ចេញកម្មវិធីបណ្ដុះបណ្ដាល ជ្រើសរើសកងជួរគ្រូបង្រៀននិងបង្កើតបណ្ដាគ្រឹះស្ថានឆ្លើយតបទៅនឹងកម្មវិធីបណ្តុះបណ្តាល។ សាកលវិទ្យាល័យត្រាវិញនឹងជំនួយអស់ពីសមត្ថភាព។ នេះគឺជាបញ្ហាមួយសំខាន់ នៅក្នុងរយៈពេលខ្លីនេះមិនអាចពិភាក្សាបានគ្រប់បញ្ហានោះទេ ហេតុនេះដើម្បីទទួលបានលទ្ធផលល្អប្រសើរជាងនេះ ភាគីទាំងពីនឹងបន្តការប្ដូរយោបល់នៅពេលអនុវត្តផែនការ។
ពេលបញ្ចប់ការពិភាក្សា គណៈប្រតិភូទៅទស្សនានៅបណ្ដាគ្រឹះស្ថានបណ្ដុះបណ្ដាល រោងអនុវត្តនិងអន្តេវាសិកដ្ឋាននៃសាកលវិទ្យាល័យត្រាវិញ។
បកប្រែដោយ៖ សុខ ខើយ