លោកស្រី Laurence Pazlar អ្នកឯកទេសអភិវឌ្ឍន៍អន្តរជាតិក្នុងកម្មវិធី “ពលរដ្ឋសកល” , ប្រទេសកាណាដា មកបំពេញការងារនៅសាកលវិទ្យាល័យត្រាវិញ។
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 07 មីនា 2017
- ចុចដង៖ 629
ថ្ងៃទី២២ ខែកុម្ភៈ ឆ្នាំ២០១៧ បណ្ឌិត ង្វៀន តៀន យុង សាកលវិទ្យាធិការរងនៃសាកលវិទ្យាល័យត្រាវិញ បានទទួលនិងបំពេញការងារជាមួយអ្នកស្រី Laurence Pazlar អ្នកឯកទេសអភិវឌ្ឍន៍អន្តរជាតិក្នុងកម្មវិធី “ពលរដ្ឋសកល”, ប្រទេសកាណាដា។
ក្នុងពេលបំពេញការងារតំណាងបណ្ដាអង្គភាពទទួលបន្ទុកណែនាំនិស្សិតធ្វើកម្មសិក្សាបានរាយការណ៍អំពីការងាយស្រួលក៏ដូចជាការលំបាក់ក្នុងការណែនាំនិស្សិតធ្វើកម្មសិក្សាដើម្បីភាគីទាំងសងខាងពិភាក្សានឹងរកនូវដំណោះស្រាយអោយសកម្មភាពនាពេលខាងមុខនេះ។
បណ្ឌិត ង្វៀន តៀន យុង ថ្លែងថា៖ “កម្មវិធីទទួលនិស្សិតកាណាដាមកធ្វើកម្មសិក្សា របស់សាកលវិទ្យាល័យត្រាវិញបង្ហាញនូវតួនាទីរបស់សាកលវិទ្យាល័យត្រាវិញក្នុងការសហការជាមួយប្រទេសកាណាដា។ សាលាតែងផ្ដល់ឱកាសអោយនិស្សិតកាណាដាមកធ្វើកម្មសិក្សានៅសាកលវិទ្យាល័យត្រាវិញដើម្បីបន្តពង្រឹងពង្រីកនូវលទ្ធផលដែលកាណាដាបានជំនួយក្នុងរយៈកាលកន្លង”។
បណ្ឌិតង្វៀន តៀន យុង សង្ឃឹមថានឹងទទួលបានគម្រោងអំពីការសិក្សា ស្រាវជ្រាវវិទ្យាសាស្ត្រ និងបណ្ដាគម្រោងសង្គម.. បន្ដទៀតដើម្បីពង្រឹងពង្រីកសម្ពន្ធភាពនៃភាគីទាំងពីនាពេលអនាគត។
ឱកាសនេះ អ្នក ស្រី Laurence Pazlar រួមជាមួយគណៈប្រតិភូមកសួរសុខទុក្ខនិងស្វែងយល់អំពីសកម្មភាពរស់នៅរបស់និស្សិតមកធ្វើកម្មសិក្សានៅសាកលវិទ្យាល័យត្រាវិញ។
អ្នកស្រីចែករំលែក៖“ស្រប់ឱកាសមកបំពេញការងារនៅប្រទេសវៀតណាម ខ្ញុំមានកិក្តិយស បានមកសួរសុខទុក្ខនិស្សិតកាណាដាធ្វើកម្មសិក្សានៅសាកលវិទ្យាល័យត្រាវិញ។ ខ្ញុំសង្ឃឹមថានិស្សិតទាំងអស់នឹងខិតខំឆ្លងផុតរាល់ការលំបាក់ដើម្បីបំពេញភារកិច្ចរបស់ខ្លួនអោយបានល្អ”។
អ្នកស្រីក៏សង្ឃឹមថាសាកលវិទ្យាល័យត្រាវិញនឹងបន្តការជំនួយដើម្បីផ្ដល់ឱកាសអោយនិស្សិតធ្វើកម្មសិក្សា បានកៀកជិតការងារយ៉ាងងាយស្រួលនិងបំពេញភារកិច្ចតាមគម្រោងដែលបានដាក់ចេញហើយក៏ទទួលបន្តនិស្សិតកាណាដាមកធ្វើកម្មសិក្សាច្រើនថែមទៀតក្នុងរយៈពេលខាងមុខនេះ។
បកប្រែដោយ៖ សុខ ខើយ