ការវិភាគទានរបស់បណ្ឌិត វ៉ូ ង៉ុក កោន នៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 មីនា 2017
- ចុចដង៖ 616
ថ្ងៃទី១០ខែមីនា ឆ្នាំ២០១៧ បណ្ឌិតង្វៀន តៀន យុង សាកលវិទ្យាធិការរងនៃសាកលវិទ្យាល័យត្រាវិញបានជូនប័ណ្ណសរសើររបស់ប្រធានគណៈកម្មាធិការរណសិរ្សមាតុភូមិវៀតណាមខេត្តត្រាវិញដល់បណ្ឌិត វ៉ូ ង៉ុក កោន អ្នកឯកទេសពិគ្រោះយោបល់កម្មវិធីដេប៉ាតឺម៉ង់សាងសង់សំណង់នៅសាកលវិទ្យាល័យត្រាវិញ។
ថ្លែងក្នុងកិច្ចប្រជុំ បណ្ឌិតង្វៀន មិញ ហ្វា ព្រឹទ្ធបុរសនៃមហាវិទ្យាល័យបច្ចេកវិទ្យាបានអោយដឹងថា៖ បណ្ឌិត វ៉ូ ង៉ុក កោន បានចុះកិច្ចសន្យាជាមួយសាលានៅថ្ងៃទី១២ ខែមិថុនា ឆ្នាំ២០១៤ ក្នុងវិស័យពិគ្រោះយោបល់កម្មវិធីបណ្ដុះបណ្ដាលចំណុះដេប៉ាតឺម៉ង់សាងសង់សំណង់នៃសាកលវិទ្យាល័យត្រាវិញ។
រយៈពេលជាងពីរឆ្នាំលោកបណ្ឌិត វ៉ូ ង៉ុក កោន បានជំនួយដល់សាកលវិទ្យាល័យត្រាវិញយ៉ាងច្រើន ជាពិសេសគឺក្នុងការប្រឹក្សាយបល់បើកមុខជំនាញបណ្ដុះបណ្ដាលថ្មី មុខជំនាញបច្ចេកវិទ្យាសាងសង់សំណង់ចរាចរណ៍។
ទន្ទឹមនឹងនោះ បណ្ឌិតក៏បានចូលរួមសកម្មភាពវិទ្យាសាស្ត្រ ចែករំលែកនូវសំណាដៃសិក្សាស្រាវជ្រាវក្នុងវិស័យសាងសង់សំណង់ដល់កងជួរគ្រូបង្រៀននិងនិស្សិតដេប៉ាតឺម៉ង់សាងសង់សំណង់ ចូលរួមបង្រៀននិងប្រឹក្សាយោបល់សិក្សា ចងក្រងឯកសារនិងពិនិត្យផ្ដល់យោបល់ចំពោះឯកសារចំណុះដេប៉ាតឺម៉ង់។
ក្រៅអំពីជំនួយចំនេះដឹងវិទ្យាសាស្ត្រក្នុងវិស័យសាងសង់សំណង់ បណ្ឌិតនៅឧបត្ថម្ភអាហារូបករណ៍ដល់និស្សិត២រូបចំណុះដេប៉ាតឺម៉ង់សាងសង់សំណង់ (៤០0 USD/ចំណែក/ឆ្នាំ) ឧបត្ថម្ភអាហារូបករណ៍១០ចំណែកដល់និស្សិតក្រីក្រមានជីវភាពគ្រួសារលំបាក (១០០ USD/ចំណែក) និង ឧបត្ថម្ភដល់និស្សិតក្រីក្រ៤រូបធ្វើសារណាបញ្ចប់ឆ្នាំសិក្សា(១០០ USD/និស្សិត)។
បណ្ឌិត ង្វៀន តៀង យុង សាកលវិទ្យាធិការរង ថ្លែងអំណរគុណយ៉ាងជ្រាលជ្រៅចំពោះបណ្ឌិតវ៉ូ ង៉ុក កោនបានចូលរួមកសាងកម្មវិធីសិក្សានៅសាកលវិទ្យាល័យត្រាវិញនិងអញ្ជើញលោកចូលក្នុងក្របខណ្ឌសាលា។
បកប្រែដោយ៖ សុខ ខើយ