និស្សិតសាកលវិទ្យាល័យត្រាវិញរីករាយអំណរឆ្នាំថ្មី២០១៧
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 មេសា 2017
- ចុចដង៖ 867
ថ្ងៃទី៥មេសា២០១៧ កងគ្រូបង្រៀន សិស្ស និស្សិតខ្មែរបានជួបជុំនៅមហាសាលមហាវិទ្យាល័យភាសាវប្បធម៌វិចិត្រសិល្បៈខ្មែរណាមបូទស្សនាកម្មវិធីសិល្បៈអំណរឆ្នាំថ្មី២០១៧នៃជនរួមជាតិខ្មែរណាមបូ។លោកស្រីថាច់ធី យ៉ឹនអញ្ជើញចូលរួម។
របាំទេពអប្សរាសម្តែងដោយក្រុមនិស្សិតសាកលវិទ្យាល័យត្រាវិញ
កម្មវិធីសិល្បៈទាក់ទាញសិស្សនិស្សិតចូលរួមជាង ៣០០រូបក្នុងនោះមាននិស្សិតកម្ពុជាសិស្សសាលាវិទ្យាល័យជនជាតិអន្តេវាសិកត្រាវិញ សាលាបាលីជាន់ខ្ពស់ត្រាវិញ។ កម្មវិធីនេះ មានឈុតសម្តែងពិសេសៗ រួមមាន៖ ប្រគំឧបករណ៍តន្ត្រីខ្មែរបុរាណ របាំបុរាណ របាំប្រជាប្រិយ បង្ហាញ់ម៉ូតសម្លៀកបំពាក់ខ្មែរ កំប្លែង ជាពិសេសគឺការដោះដូរសិល្បៈរវាងនិស្សិតវៀតណាមនិងនិស្សិតខ្មែរ ល្បែងប្រជាប្រិយខ្មែរណែនាំដោយក្រុមនិស្សិតកម្ពុជា។ល។
លោកស្រីថាច់ ធី យ៉ឹនសាកលវិទ្យាធិការីរងមានប្រសាសន៍ជូនពរដល់កងគ្រូបង្រៀន សិស្សនិស្សិតទាំងឡាយជួបតែសេចក្តីសុខសេចក្តីចំរើន។ លោកស្រីថ្លែងថា៖ បណ្តាឈុតសម្តែងខាងលើគឺជាសមិទ្ធិផលគួរកត់សំគាល់របស់គ្រូនិងសិស្សក្នុងការបណ្តុះបណ្តាល ថែរក្សា និងអភិវឌ្ឍក្នុងរយៈពេលកន្លង។
មិត្ត នីតផែន និស្សិតកម្ពុជាកំពុងសិក្សាមុខជំនាញឱសថរីករាយថ្លែងថា៖ ខ្ញុំរីករាយខ្លាំងណាស់ដែលបានរួមជាមួយមិត្ត ឈាង បូរី ច្រៀនបទចំរៀនមួយបទនៅទីនេះ ធ្វើឱ្យពួកខ្ញុំសាយអារម្មណ៍នឹកស្រុក នឹកផ្ទះ។ យើងខ្ញុំសែនស្ងើចសរសើរចំពោះទឹកចិត្តបងៗសាកលវិទ្យាល័យត្រាវិញបានសម្តែងល្អរាល់ឧបករណ៍តន្ត្រីខ្មែរបុរាណ របាំខ្មែរ ជាពិសេសគឺឈុតកំប្លែងពោរពេញអត្ថន័យ «ឆ្នាំថ្មីគំនិតថ្មី» ដិតជាប់អារម្មណ៍ជានិច្ច។
មិត្ត គៀន ធី សុណាល និស្សិតឆ្នាំទី៣ មុខជំនាញវប្បធម៌នៃបណ្តាជនជាតិភាគតិចវៀតណាម ថ្លែងថា «ការសិក្សានៅសាកលវិទ្យាល័យត្រាវិញ យើងខ្ញុំបានក្រិបយកនូវចំណេះវិជ្ជាឯកទេស និងបានសម្តែងនូវរបាំខ្មែរ ជាពិសេសបានចូលរួមសម្តែង ក្នុងបណ្តាពិធីបុណ្យ កម្មវិធីប្រឡងសិល្បៈ និងសម្តែងទទួលស្វាគមន៍ភ្ញៀវអន្តរជាតិនានា។»
កម្មវិធីសិល្បៈបញ្ចប់ក្នុងភាពសប្បាយរីករាយដោយប្រគំនូវបទភ្លេងខ្មែរបុរាណ ជាចំណងដៃជូនពរឆ្នាំថ្មី ជូនពរជ័យ សិរីមង្គល វិបុលសុខ មហាប្រសើរ និងសុភមង្គល គ្រប់ៗគ្រួសារ។
និស្សិតកម្ពុជា (នីតផែននិងឈាងបូរី) សំណេះសំណាលជាមួយពិធីការនី
ឈុតកំប្លែង «ឆ្នាំថ្មីគំនិតថ្មី»
ប្រគំឧបករណ៍តន្ត្រីខ្មែរបុរាណ
ប្រគំឧបករណ៍ភ្លេងពិណពាទ្យខ្មែរបែបវង់ធំ
បង្ហាញ់ម៉ូតសម្លៀកបំពាក់ខ្មែរ
ព្រះសង្ឃនិងសិស្សនិស្សិតចូលរួមយ៉ាងកុះករ
ហ្វិញ សាង
