លោកស្រី Diane Michele Millar អ្នកឯកទេស ភាសាអង់គ្លេសប្រចាំស្ថានកុងស៊ុលសហរដ្ឋអាមេរិកបានបំពេញទស្សនកិច្ចនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 20 មិថុនា 2017
- ចុចដង៖ 597
(TVU) – ថ្ងៃទី១៥មិថុនា២០១៧, លោកស្រី Diane Michele Millar - អ្នកឯកទេស ភាសាអង់គ្លេសប្រចាំស្ថានកុងស៊ុលសហរដ្ឋអាមេរិកបានបំពេញទស្សនកិច្ចនៅសាកលវិទ្យាល័យត្រាវិញនិងចុះសួរសុខទុក្ខសិស្សានុសិស្សក្រីក្រដែលកំពុងសិក្សាភាសាអង់គ្លេសដោយអត់គិតថ្លៃពីគម្រោងការ របស់ស្ថានទូតអាមេរិក។បណ្ឌិត ង្វៀន តៀន យុង សាកលវិទ្យាធិការរងអញ្ជើញចូលរួម។
ថ្លែងចំណាប់អារម្មណ៍មុនដំបូង លោកបណ្ឌិត ង្វៀន តៀន យុង រីករាយស្វាគមន៍ដំណើរទស្សនកិច្ចរបស់គណៈប្រតិភូ និងលោកស្រី Diane Michele Millar បានឆ្លៀតពេលវេលាមានតម្លៃមកសួរសុខទុក្ខសិស្សានុសិស្សសិក្សា កំពុងសិក្សាភាសាអង់គ្លេសរបស់គម្រោងការស្ថានទូតអាមេរិក។ លោក បណ្ឌិត ង្វៀន តៀន យុង មានប្រសាសន៍ថា៖ «ពេលទទូលបានគម្រោងការពីស្ថានទូតអាមេរិកចំនួនទឹកប្រាក់ ៣០ ០០០ ដុល្លា សាកលវិទ្យាល័យត្រាវិញបានសហការជាមួយបណ្តាវិទ្យាល័យនៅក្នុងខេត្ត ចុះពិនិត្យជីវភាពរស់នៅរបស់សិស្សានុសិស្ស និងជ្រើសបានសិស្សចំនួន២៧ រូប ហើយបើកបានថ្នាក់អង់គ្លេសដ៏ពិសេសនេះ។»
នៅអង្គជំនួប និងស្តាប់របាយការណ៍រនៃវគ្គសិក្សា លោក Diane Michele Millar រីករាយ និងពេញចិត្តអំពីកិច្ចការជ្រើសរើសសិស្ស ចំគោលដៅទៅតាមកម្មវិធីនៃគម្រោងការ។ លោកស្រី មានប្រសាសន៍ថា៖ ថ្នាក់សិក្សាភាសាអង់គ្លេសនៅត្រាវិញបានអភិវឌ្ឍប្រសើរ និងពិសេសព្រោះថា សិស្សានុសិស្សបានចូលរួមសកម្មភាពច្រើន ទាំងកម្មភាពសិក្សា និងសកម្មភាពក្រៅម៉ោង ជាមួយគ្រូបង្រៀនវ័យក្មេង និងអ្នកឯកទេសបរទេសជាច្រើន។»
ពេលចុះសួរសុខទុក្ខសិស្សានុសិស្ស លោកស្រី មានអារម្មណ៍រំភើបដែលបានក្មួយៗទទួលស្វាគមន៍យ៉ាងកក់ក្តៅ។ លោកស្រីរីករាយសំណេះសំណាលជាមួយក្មួយៗ ជាង មួយម៉ោង បង្ហាញ់រូបភាព ស្តីពីវប្បធម៌ ការរស់នៅរបស់ជនជាតិអាមេរិក។
ក្មួយ គីវ ង៉ុក យ៉េប ឱ្យដឹងថា «ថ្នាក់សិក្សានេះ ពិតជាមានប្រយោជន៍ខ្លាំងណាស់ ក្មួយបានសិក្សាជាមួយគ្រូបង្រៀនជនជាតិបរទេសជាច្រើន និងបានសិក្សាស្វែងយល់នូវវប្បធម៌នៃបណ្តាប្រទេស ជួយពង្រឹងឱ្យក្មួយមានសមត្ថភាពក្នុងការនិយាយភាសាអង់គ្លេសបានល្អប្រសើរ។»
លោកស្រី បណ្ឌិត ង្វៀន ធី ភឿង ណាម ព្រឹទ្ធបុរសនៃមហាវិទ្យាល័យភាសាបរទេសឱ្យដឹងថា៖គម្រោងការនេះផ្តួចផ្តើមឡើងនៅដើមឆ្នាំ ២០១៦ និងបានបញ្ចប់នៅចុងឆ្នាំ ២០១៧។ វគ្គសិក្សានេះក្មួយៗនឹងបានសិក្សាពីរពេលក្នុងមួយសប្តាហ៍ ទទួលបានសម្ភាៈឧបទេសទំនើប សៀវភៅ និងបានជំនួយដល់ការសិក្សាដោយអត់គិតថ្លៃ។ ម្យ៉ាងវិញទៀត ក្នុងមួយត្រៃមាសក្មួយៗនឹងបានទៅសិក្សាលម្ហែក្រៅម៉ោងជាមួយគ្រូបង្រៀនបរទេសដើម្បីឱ្យក្មួយៗសិក្សា ស្វែងយល់ និងដោះដូរ ពិភាក្សាបង្កើនបំណិន។
ហ្វិញសាង