កម្មវិធីសិល្បៈអំណរខួបអនុស្សាវរីយ១១ឆ្នាំស្ថាបនាសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 26 មិថុនា 2017
- ចុចដង៖ 557
ថ្ងៃទី១៩ ខែមិថុនា ឆ្នាំ២០១៧ សាកលវិទ្យាល័យត្រាវិញរៀបចំកម្មវិធីសិល្បៈអំណរខួបអនុស្សាវរីយ១១ឆ្នាំស្ថាបនាសាកលវិទ្យាល័យត្រាវិញនៅសាលប្រជុំធំមួយនៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ។
អញ្ជើញចូលរួមមាន លោកត្រឹង វ៉ាន់ ត្រុង និង លោក វ៉ ហ្វាង ខាយ ដែលជាសាកលវិទ្យាធិការរង ព្រមទាំងលោកគ្រូ អ្នកគ្រូតំណាងថ្នាក់ដឹកនាំនៅចំណុះអង្គភាព និងការិយាល័យនានា។
កម្មវិធីសិល្បៈស្ដែងឡើងដោយឈុតឆាកសំដែងលាយចម្រុះរបស់បណ្ដាមហាវិទ្យាល័យ ក្លិបសិល្បៈ យ៉ាងសន្ធឹកសន្ធាប់និងមានអត្ថន័យយ៉ាងជ្រាវជ្រៅ ទាក់ទាញរាប់រយនិស្សិតមកចូលរួមទស្សនា និងសម្តែងឈុតឆាកសិល្បៈពោរពេញដោយមនោសញ្ចេតនា។
មិត្ត ហ្វិញ ធី ញឺ ងុក និស្សិតឆ្នាំទី២ នៃមហាវិទ្យាល័យវេជ្ជសាស្ត្រ- ឱសថរីករាយឱ្យដឹងថា៖ កម្មវិធីសិល្បៈនេះពិតជាអស្ចារ្យណាស់ បទចំរៀងនីមួយៗសុទ្ធតែបង្កប់អត្ថន័យនៃសេចក្ដីសប្បាយ សេចក្ដីមោទនភាពចំពោះសាកលវិទ្យាល័យត្រាវវិញសម្បូរដោយពណ៌បៃតង បទចំរៀង សាកលវិទ្យាល័យត្រាវិញ- មួយដំកាលអភិវឌ្ឍ បានរំលឹកឡើងនូវបណ្ដាស្នាដៃ ការអភិវឌ្ឃន៍របស់សាកលវិទ្យាល័យត្រាវិញ។
បង ត្រឹង វ៉ាន់ ក្វី អតីតនិស្សិតថ្នាក់គ្រប់គ្រងការិយាល័យអណត្តិកាល ២០១៥- ២០១៨បានថ្លែងថា៖ បានវិលត្រឡប់មកសាកលវិទ្យាល័យត្រាវិញក្នុងឱកាសកម្មវិធីសិល្បៈ អនុស្សាវរីយ១១ឆ្នាំស្ថាបនាសាកលវិទ្យាល័យត្រាវិញ។ ខ្ញុំមានការភ្ញាក់ផ្អើលចំពោះការរីកចំរើន នៃវិស័យបណ្ដុះបណ្ដាល សម្ភារៈឧបទេស និងតួលេខនិស្សិតមកចុះឈ្មោះសិក្សា។ ខ្ញុំពិតជាមានមោទនភាពខ្លាំងណាស់ពេលនិយាយជាមួយមិត្តរួមការងារថាខ្ញុំបញ្ចប់ការសិក្សានៅសាកលវិទ្យាល័យត្រាវិញ។ សូមថ្លែងអំណរអរគុណចំពោះលោកគ្រូ អ្នកគ្រូដែលបានបង្ហាត់បង្រៀនណែនាំ និងផ្ដល់នូវចំណេះដឹង បំនិន បទពិសោធដ៏មានតម្លៃជាច្រើនសម្រាប់យើងខ្ញុំអនុវត្តន៍នៅក្នុងជីវិត។
ក្នុងឱកាសនេះ សាកលវិទ្យាធិការរង លោកត្រឹង វ៉ាន់ ត្រុង ថ្លែងថា៖ មកដល់ថ្ងៃនេះគ្រឹះស្ថានសាកលវិទ្យាល័យត្រាវិញបានក្លាយជាកន្លែងដ៏ល្អ ឆ្លើយតប់នឹងតម្រូវការសិក្សារបស់សហហគមន៍។ ជាពិសេស អន្តេវាសិកដ្ឋានមានទំហំ៣.៥០០កន្លែង បានផ្ដល់ភាពងាយស្រួលក្នុងការសិក្សាក៏ដូចជាជីវភាពរស់នៅរបស់ប្អូនៗនិស្សិត។
សុខ ខើយ
