(TVU) – ថ្ងៃទី ២៨ មិថុនា ២០១៧ លោកបណ្ឌិត ង្វៀន ទៀន យុង សាកលវិទ្យាធិការរងបានផ្លំកញ្ចែបើកវគ្គកីឡាបាល់ទាត់កុមារដោយមានប្រធានបទ «កីឡាបាល់ទាត់ដើម្បីអភិវឌ្ឍនិងលត់ដំបំណិន»នៅកីឡាដ្ឋាននៃសាកលវិទ្យាល័យត្រាវិញ។
វគ្គកីឡាបាល់ទាត់នឹងចាប់ផ្តើមពីថ្ងៃទី២៨ មិថុនា ដល់ថ្ងៃទី០៣ កក្កដា នៅសាកលវិទ្យាល័យត្រាវិញ ដោយមានកុមារាកុមារីចូលរួម១៤៤ រូប ជាសិស្សានុសិស្សចាប់ពីថ្នាក់ទី២ រហូតថ្នាក់ ទី៨។
នេះជាឆ្នាំទី៥កម្មវិធីបានប្រព្រឹត្តទៅនៅសាកលវិទ្យាល័យត្រាវិញនិងនៅខេត្តកណ្តាលនៃព្រះរាជាណាចក្រកម្ពុជាដោយអង្គការ Sarus សហការរៀបចំឡើង។
អ្នកស្រីង្វៀនធីផឿងធ្វីនាយិកានៃកម្មវិធី Sports for Social Change ឱ្យដឹងថា៖ យើងខ្ញុំតែងរក្សាកម្មវិធីនេះជារៀងរាល់ឆ្នាំនៅសាកលវិទ្យាល័យត្រាវិញ និង នៅខេត្តកណ្តាលនៃព្រះរាជាណាចក្រកម្ពុជា។ ឆ្នាំនេះ កម្មវិធីមានចំណុចលេចធ្លោឡើងដោយការចូលរួមនៃនិស្សិតសាកលវិទ្យាល័យត្រាវិញចំនួន ៩ រូប និស្សិតកម្ពុជាចំនួន ៩ រូប និស្សិតសហរដ្ឋអាមេរិក ១ រូប និងនិស្សិត ៤ រូបទៀតមកពីអង្គការ Sarus។
កីឡាករ ប៊ូយ ត្វឹន ក្វា សិស្សថ្នាក់ទី ៣ រីករាយនេះយាយថា៖ «ខ្ញុំបានចូលរួមកម្មវិធីនេះបានពីរឆ្នាំហើយ កម្មវិធីនេះពិតជាសប្បាយរីករាយ បានចូលរួមផ្ទាល់នូវសកម្មភាពក្រៅម៉ោង ជាពិសេសមានអ្នកគ្រូ លោកគ្រូជាជនជាតិបរទេសជាគ្រូបង្វឹក។
មិត្ត ដុង ឌីញ យ៉ាម និស្សិតឆ្នាំទី ៤ នៃសាកលវិទ្យាល័យត្រាវិញឱ្យដឹងថា៖ កម្មវិធីនេះមានផលប្រយោជន៍ណាស់ បង្កើតនូវទីលានសម្រាប់កុមារលត់ដំបំណិនបាល់ទាត់ និង និស្សិតទាំងឡាយចូលរួមបានធ្វើការជាក្រុម ដោះដូរវប្បធម៌ បង្កើតបំណិនរស់នៅ។ នេះជាឆ្នាំទី បី ហើយ ដែលខ្ញុំបានបម្រើការងាររួមជាមួយនិស្សិតបណ្តាប្រទេស វៀត ណាម កម្ពុជា និងសហរដ្ឋអាមេរិក។
កម្មវិធីបញ្ចប់នៅសាកលវិទ្យាល័យត្រាវិញ និងបន្តប្រព្រឹត្តឡើងនៅខេត្ត កណ្តាលនៃព្រះរាជាណាចក្រកម្ពុជានៅថ្ងៃទី០៤ ដល់ថ្ងៃទី ១៦ ខែកក្កដា។
ហ្វិញ សាង