អង្គសិក្ខាសាលាវិទ្យាសាស្ត្រស្តីអំពីតួនាទីរបស់ស្ត្រីខ្មែរក្នុងការអភិរក្សនិងអភិវឌ្ឍន៍ភាសាជាតិ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 កក្កដា 2017
- ចុចដង៖ 493
ថ្ងៃទី ១៩ កក្កដា ២០១៧ នៅសាកលវិទ្យាល័យត្រាវិញបានរៀបចំអង្គសិក្ខាសាលាវិទ្យាសាស្ត្រស្តីអំពី តួនាទីរបស់ស្ត្រីខ្មែរក្នុងការអភិរក្សនិងអភិវឌ្ឍន៍ភាសាជាតិ។ លោកស្រី ថាច់ ធី យឹន សាកលវិទ្យាធិការីរង អញ្ជើញចូលរួម។
អង្គសិក្ខាសាលាទាក់ទាញអ្នកតំណាងចូលរួមជិត ១០០ រូប អញ្ជើញមកពីស្ថាប័នខេត្ត អ្នកឯកទេសស្រាវជ្រាវ សាស្ត្រាចារ្យ និងនិស្សិត។
គណៈរៀបចំអង្គសិក្ខាសាលាបានឱ្យដឹងថា ក្នុងអត្ថបទទាំង១៩បានផ្ញើមក គណៈរៀបចំបានជ្រើសចេញអត្ថបទ ១៥ ដែលមានលទ្ធផលស្រាវជ្រាវ និងពិនិត្យពិស្តារដាក់ចូលក្នុងសៀវភៅក្រាំងមាសនៃអង្គសិក្ខាសាលា។
នៅក្នុងអង្គសិក្ខាសាលា អ្នកចូលរួមមានយោបល់ច្រើន ជុំវិញការប្រើប្រាស់ភាសាជាតិរបស់ជនរួមជាតិខ្មែរក្នុងតំណាក់កាលសមាហរណកម្ម គួសបញ្ជាក់តួនាទីរបស់អាណាព្យាបាយជាស្ត្រីភេទក្នុងការបង្កើតនិងរួមចំណែកអភិរក្សភាសាជាតិ និងពិភាក្សាស្វែងរកគោលនយោបាលអប់រំត្រឹមត្រូវដើម្បីឆ្ពោះទៅអភិរក្សនិងអភិវឌ្ឍន៍អក្សរសាស្ត្រខ្មែរស្វេរភាព។
លោក បណ្ឌិត ហូ ស្វឹន ម៉ាយ វិជ្ជាស្ថានសង្គមសាស្ត្រតំបន់ណាមបូគួសបញ្ជាក់ថា៖ ប្រធានបទនៃអង្គសិក្ខាសាលានេះថ្មី និងជាក់ស្តែងនិយម។ លោក ថ្លែងថា៖ ភាសាខ្មែរនៅណាមបូកំពុងប្រឈមនឹងការបាត់បង់អត្ថិភាព និងកំពុងស្ថិតនៅតួលេខទី២ ក្នុងតួលេខទី៥នៃអសុវត្ថិភាព»
លោក អនុបណ្ឌិត គីម ង៉ុក សៀ ប្រធានការិយាល័យនៃគណៈជនជាតិខេត្តត្រាវិញមានប្រសាសន៍ថា៖ ការបង្ហាត់បង្រៀនភាសាខ្មែរគាប់បីត្រួតពិនិត្យដាក់ចូលកម្មវិធីអប់រំនៅមូលដ្ឋានមានជនរួមជាតិខ្មែររស់នៅ និងនៅបណ្តាសាលារៀនតាមវត្តអារាម ជាពិសេសក្នុងស្ថានភាពច្បោលលំភាសា ដែលជះឥទ្ធិពលដល់ការអភិរក្សនិងអភិវឌ្ឍន៍ភាសាជាតិ។
លោក តា ភារិន សាស្ត្រាចារ្យនៃមហាវិទ្យាល័យរងគរុកោសល្យ៍សុកត្រាំងថ្លែងថា៖ ត្រូវការចាំបាច់ដាក់មុខវិជ្ជាភាសាខ្មែរជាលក្ខន្តិកដើម្បីកំណត់ឡើងថ្នាក់នៅបណ្តាកំរិតសិក្សា។ ម្យ៉ាងវិញទៀត សាលាត្រូវបង្កលក្ខណងាយស្រួលក្នុងការចាត់ចែងសម័យប្រឡង សិក្ខាសាលានានា ជាភាសាខ្មែរដើម្បីលើកកម្ពស់ការប្រើប្រាស់ភាសាជាតិ។
អញ្ជើញចូលរួមនិងជាអធិបតីនៃអង្គសិក្ខាសាលា លោកស្រី ថាច់ ធី យឹន សាកលវិទ្យាធិការីរងបាន វាយតម្លៃខ្ពស់រាល់យោបល់ពិភាក្សា ខ្លឹមសារ និងអត្ថន័យនៃអង្គសិក្ខាសាលា។ អង្គសិក្ខាសាលា បានគួសបញ្ជាក់ច្បាស់លាស់នូវតួនាទីរបស់ស្ត្រីខ្មែរក្នុងការអភិរក្សនិងអភិវឌ្ឍន៍ភាសាជាតិ ចំណុចចម្បងទៀតនោះគឺបង្ហាញ់ចេញនូវការកង្វះខាត់អំពីការស្វែងរកគោលនយោបាយ ក៏ដូចកិច្ចការអាទិភាពក្នុងការអភិរក្សនិងអភិវឌ្ឍន៍ភាសាជាតិ។
ហ្វិញសាង
