សាកលវិទ្យាល័យត្រាវិញចាត់តាំងទិវាការងារសម្រាប់និស្សិតឆ្នាំ ២០១៧
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 07 សីហា 2017
- ចុចដង៖ 473
ថ្ងៃទី ៥ សីហា ២០១៧ នៅទីស្នាក់ការកណ្តាលនៃសាកលវិទ្យាល័យត្រាវិញបានរៀបចំឡើងនៅទិវាការងារសម្រាប់និស្សិតឆ្នាំ ២០១៧ ដោយតម្រូវជ្រើសបុគ្គលិក ពលករចំនួនជាង ១០០០ រូប។
មជ្ឈមណ្ឌលបម្រើសេវាការងារចំណុះសាកលវិទ្យាល័យត្រាវិញបានឱ្យដឹងថា៖ ទិវាការងារឆ្នាំនេះមានក្រុមហ៊ុន សហគ្រិននានាចំនួន ២០ ដោយតម្រូវជ្រើសបុគ្គលិក ពលករចំនួនជាង ១០០០ រូប នៅគ្រប់តួនាទីលើវិស័យដូចជា៖ សេដ្ឋកិច្ច កសិកម្ម ជលផល គ្រប់គ្រងទីផ្សារ គណនេយ្យ បសុពេទ្យ មេកានិក អគ្គិសនី អេឡិចត្រូនិក ពត៌មានវិទ្យា សាងសង់សំណង់ ទេសចរណ៍ ភាសាអង់គ្លេស ថែទាំជំងឺ និងឱសថ។
និស្សិត និងពលករជិត ១៣០០រូប ចូលរួមទិវាការងារ។ ពលករចូលរួមសម្ភាសនិងទទួលលទ្ធផល ៣៥៤ រូប។ ជាពិសេសក្នុងលើកនេះបណ្តាពលករយកចិត្តទុកដាក់ដល់ការនាំចេញពលករ។
លោក ត្រឹង វ៉ាន់ ទ្រុង សាកលវិទ្យាធិការរងនិងជាគណៈរៀបចំកម្មវិធីនេះឱ្យដឹងថា៖ ទិវាការងារជាសកម្មភាពតែងបានសាកលវិទ្យាល័យត្រាវិញយកចិត្តទុកដាក់និងរៀបចំឡើងជារៀងរាល់ឆ្នាំ ដើម្បីនាំមកនូវឱកាសទីផ្សារការងារសម្រាប់និស្សិតទើបបញ្ចប់ការសិក្សា។
ម៉្យាងវិញទៀត ទិវានេះក៏បានលើកស្ទួយដល់និស្សិតនិងពលករស្វែងរកការងារដោយសមស្របនឹងមុខជំនាញ និងសមត្ថភាពរបស់ខ្លួន ហើយក៏ជាស្ពានដើម្បីផ្សារភ្ជាប់ចំណងមិត្តភាពរវាងគ្រឹះស្ថានបណ្តុះបណ្តាលជាមួយក្រុមហ៊ុន សហគ្រិននានា។
មិត្ត ត្រឹង មិញ ទ្វឹន និស្សិតផ្នែកភាសាអង់គ្លេស ទើបសម្ភាសរួចនៅក្រុមហ៊ុន Vinpearl Resort ភូក្វូកឱ្យដឹងថា៖ សេវាកម្មនិងតួនាទីការងារនៅទីនេះសមស្របនឹងមុខជំនាញឯកទេសរបស់ខ្ញុះ។ ចំពោះខ្លួនខ្ញុំផ្ទាល់ សំខាន់មានការងារស្របនឹងចំណង់ចំណូលចិត្ត និងសមត្ថភាព ខ្ញុំនឹងចាប់យកឱកាសនោះ មិនរអែងទៅធ្វើការឆ្ងាយពីគ្រួសារឬឧបសគ្គឡើយ។
ទ្វឹនចែករំឡែកបន្ថែម ក្រោយពីការសម្ភាសនៅទិវាការងារ អង្គភាពជ្រើសរើសពលករបន្តទទួលសំណុំដាក់ពាក្យរបស់ខ្ញុំ និងនិស្សិតជាច្រើនទៀត ទន្ទឹមនឹងនោះសន្យារៀបចំសម្ភាសលើកទី ២ និងចូលបំពេញការងារ។
ង្វៀន វ៉ាន់ ឡុង និស្សិតមហាវិទ្យាល័យកសិកម្មនិងជលវប្បកម្មឱ្យដឹងថា ខ្ញុំត្រៀមសុំការងារនៅក្រុមហ៊ុនភាគហ៊ុន C.P វៀតណាម និង C.P មានតួនាទីសមស្របជាមួយមុខជំនាញឯកទេសនិងសមត្ថភាពរបស់ខ្ញុំក្រោយពីបញ្ចប់ការសិក្សា។
ម៉្យាងវិញទៀត មិត្តឡុងបានគម្រោងផ្តើមអាជីពនៅឯស្រុក (ខេត្តដុងថាប) ដោយរបរចិញ្ចឹមគោតាមទម្រង់ឧស្សាហកម្ម។ ទម្រង់នេះនឹងប្រិតសំចៃបានប្រាក់ចំណាយ ប្រើឱ្យអស់កាកសំណល់ក្នុងការចិញ្ចឹម និងស្និទ្ធស្នាលជាមួយបរិស្ថាន ប្រើឱ្យអស់ធនធានដែលមាន និងនាំមកប្រសិទ្ធភាពសេដ្ឋកិច្ច។
ហ្វិញ សាង
