សាកលវិទ្យាល័យត្រាវិញ៖ ទីស្ថានចម្លងចំណេះវិជ្ជាសិប្បកម្មដល់បងប្អូនជនរួមជាតិខ្មែរ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 21 សីហា 2017
- ចុចដង៖ 492
ថ្ងៃទី១៦ ខែសីហា ឆ្នាំ២០១៧ នៅទីស្នាក់ការសាកលវិទ្យាល័យត្រាវិញ វគ្គបង្រៀនមុខវិជ្ជាសិប្បកម្ម នៃគម្រោងជំនួយសកម្មភាពផលិតផលសិប្បកម្មបម្រើការទេសចរណ៍ លើកកម្ពស់សមត្ថភាពសេដ្ឋកិច្ចអោយបងប្អូនជនរួមជាតិខ្មែរនៅទីក្រុងត្រាវិញ បានបញ្ចប់ដោយស្ថាពរ។
ចំនួនទឹកប្រាក់នៃគម្រោងនេះគឺ ៦០០០ Euro ពង្រីកជាង៤០គ្រួសារនៅតំបន់ខណ្ឌទី៨ ខណ្ឌទី៩ ចំណុះទីក្រុងត្រាវិញ។គម្រោងបានអនុវត្តក្នុងរយកាលមួយឆ្នាំ មានការបណ្ដុះបណ្ដាលបំណិននិងចំណេះដឹងអោយបងប្អូនជនរួមជាតិខ្មែរមានការងារធ្វើនៅហ្នឹងកន្លែង ពិសេសគឺបង្កើតឡើងនូវផលិតផលសិប្បកម្មបម្រើរការអោយភ្ញៀវទេសចរណ៍និងសិក្សាស្រាវជ្រាវអំពីវប្បធម៌ជនរួមជាតិ។
លោកស្រីថាច់ធី យ៉ឹនសាកលវិទ្យាធិការីរងអរគុណស្ថានទូតIreland ប្រចាំការនៅប្រទេសវៀតណាម គណៈដឹកនាំភូមិស្រុក សិប្បករ និងការគាំទ្ររបស់សិក្ខាកម្មគ្រប់រូប។ សាកលវិទ្យាធិការីរងសង្ឃឹមថាសិក្ខាកម្មទាំងអស់ដែលបានបណ្ដុះបណ្ដាលនូវបំណិនច្នៃទម្រង់វង់ភ្លេងពិណពាទ្យខ្មែរ ទម្រង់ទូកង ទម្រង់វត្តខ្មែរ ទម្រង់ស្រោមមុខយក្ស ហនុមាន ព្រមទាំងបំណិនភ្ជាប់គ្រាប់អង្កាំនឹងបានរក្សាជំនាញសិប្បកម្មនេះដែលជាប្រពៃណីរបស់ជនរួមជាតិ ជួយអភិវត្តន៍សេដ្ឋកិច្ចនាំមកផលប្រយោជន៍ជាក់ស្ដែង ពិសេសគឺរក្សានិងការពារបានអត្តសញ្ញាណវប្បធម៌របស់ជនជាតិខ្មែរណាមបូ។
លោកស្រី ថាច់ ធី គីម អាញ អនុប្រធានគណៈយេនឌ័រនិងជនជាតិនៃសាកលវិទ្យាល័យត្រាវិញតំណាងគណៈគ្រប់គ្រងគម្រោងការបានមានប្រសាសន៍ថា៖ ក្នុងរយៈពេលបើកថ្នាក់បណ្ដុះបណ្ដាលវិជ្ជាជីវៈ ពួកខ្ញុំទទួលបានការគាំទ្រយ៉ាងសកម្មពីគណៈដឹកនាំក្នុងភូមស្រុក និងគ្រួសារទាំងអស់បានផ្ដល់ភាពងាយស្រួលអំពីទីកន្លែង ក៏ដូចសម្ភារៈប្រើប្រាស់ដល់សិប្បករនិងគ្រូបង្រៀន។
បញ្ចប់វគ្គសិក្សា គណៈគ្រប់គ្រងគម្រោងការបានជ្រើសយកផលិតផលសិប្បកម្មចំនូនជាង ៥១តំណាងអោយវិស័យវប្បធម៌វិចិត្រសិល្បៈខ្មែរណាមបូ។
សិប្បករ ឡឹមផែន និយាយថា៖ ពួកខ្ញុំពិតជាមានការត្រេកអរយ៉ាងខ្លាំងពេលដែល សាកលវិទ្យាល័យត្រាវិញ បានតម្រូវឱ្យពួកខ្ញុំបង្ហាត់បង្រៀននូវមុខជំនាញនេះ ហើយក៏បានជ្រើសយកខណ្ឌទី៨ ខណ្ឌទី៩ ដើម្បីធ្វើការបង្រៀន ទន្ទឹមនឹងនោះលោកបានសម្ដែងសេចក្ដីអរគុណដល់ម្ចាស់ឧបត្ថម្ភ គណៈគ្រប់គ្រងគម្រោងការបានផ្ដល់ឱកាសអោយបងប្អូនខ្មែរបានសិក្សារៀនសូត្រ ស្វែងយល់បន្ថែមពីទម្រង់នៃអត្តសញ្ញាណជាតិខ្លួនព្រមទាំងរកបានប្រាក់ចំណូលបន្ថែម។
សិក្ខាកម្ម សឺន ធី ដាវី ប្រធានសហព័ន្ធនារីខណ្ឌទី៨នៃទីក្រុងត្រាវិញនិយាយដោយក្តីរីករាយថា៖ ពេលសម្រេចទម្រង់វង់ភ្លេងពិណពាទ្យខ្ញុំពិតជារំភើបណាស់។ ដើម្បីធ្វើបានលទ្ធផលល្អត្រូវមានការព្យាយាម អត់ធ្មត់និងពេញចិត្តស្រឡាញ់វប្បធម៌ទើបអាចធ្វើបានប្រសើរ។
លោកស្រី ថាច់ ធី យ៉ឹន សាកលវិទ្យាធិការីរង ប្រធានគណៈគ្រប់គ្រងគម្រោងការក៏បានចុះកិច្ចសន្យាក្នុងពេលខាងមុខគណៈគ្រប់គ្រងគម្រោងការនឹងធ្វើជាស្ពានចម្លងសម្រាប់ការច្នៃលក់ផលិតផលមានចញ្ចប់និងរាយស្រប់ទៅតាមតម្រូវការនៃសហគ្រាសទាំងក្នុងនិងក្រៅខេត្ត បង្កើតទំនាក់ទំនងជាមួយភូមិវប្បធម៌នៅហាណូយដើម្បីឧទ្ទេសនាមផលិតផល។ ពិសេសគឺបង្កើតក្លឹបផលិតផលសិប្បកម្មនៅសាកលវិទ្យាល័យត្រាវិញអញ្ជើញសិក្ខាកម្មនៃគម្រោងការមកបង្រៀនអោយនិស្សិត អញ្ជើញគ្រូបង្រៀនមកនែនាំសកម្មភាពអោយក្លឹបដើម្បីបង្កើតបានផលិតផលប្រសើរនៅពេលមានការកក់ហៅពីអតិថិជន។
សុខ ខើយ