ឯកអគ្គរដ្ឋទូតកាណាដាប្រចាំការនៅវៀតណាមមកបំពេញទស្សនកិច្ចនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 សីហា 2017
- ចុចដង៖ 490
(TVU) – ព្រឹកថ្ងៃទី២៣ សីហា ២០១៧ លោកស្រី Ping Kitnikone ឯកអគ្គរដ្ឋទូតកាណាដាប្រចាំការនៅវៀតណាមព្រមទាំងគណប្រតិភូបានមកបំពេញទស្សនកិច្ចនៅសាកលវិទ្យាល័យត្រាវិញ។ ទទួលគណប្រតិភូមានគណកម្មការ សាស្ត្រាចារ្យ សិស្សនិស្សិតសាកលវិទ្យាល័យត្រាវិញ។
លោក សាស្ត្រាចារ្យបណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញបានលើកឡើងនូវសមិទ្ធិផលទទួលបានក្នុងឆ្នាំកន្លង គួសបញ្ជាក់នូវលទ្ធផលទទួលបានក្នុងក្របខណ្ឌគម្រោងការមហាវិទ្យាល័យសហគមន៍វៀតណាមនិងកាណាដា តំណាក់កាល ២០០១ -២០០៦ ក៏ដូចជាចំណងមិត្តភាពនាពេលបច្ចុប្បន្នរបស់សាកលវិទ្យាល័យត្រាវិញនិងបណ្តាវិទ្យាស្ថាន សាកលវិទ្យាល័យនៅប្រទេសកាណាដា។
តាំងពីឆ្នាំ ២០០១ ចំណងសហការរវាងសាកលវិទ្យាល័យត្រាវិញនិងបណ្តាដៃគូនៅកាណាដាបានពង្រឹងនិងអភិវឌ្ឍស្ថេរភាព។ បណ្តាខ្លឹមសារនៃចំណងសហការរួមមានពិគ្រោះយោបល់នៃការបណ្តុះបណ្តាល ដោះដូរនិស្សិត ឧបត្ថម្ភគម្រោងការសម្រាប់កម្មវិធីបណ្តុះបណ្តាល។
លោក សាស្រាចារ្យ បណ្ឌិត ផាម ទៀត ខាញ់មានប្រសាសន៍ថា «ជារាងរាល់ឆ្នាំ មានអ្នកឯកទេសកាណាដាជាច្រើន និងអ្នកស្មគ្រចិត្តបានមកសាកលវិទ្យាល័យត្រាវិញដើម្បីជំនួយការដល់យើងខ្ញុំក្នុងវិស័យដូចជាចែករំឡែកបទពិសោធផ្នែកស្រាវជ្រាវ វិធីសាស្ត្របង្ហាត់បង្រៀន។ល។ អភិវឌ្ឍតាំងពីមហាវិទ្យាល័យរងតាមទម្រង់កាណាដា សាកលវិទ្យាល័យត្រាវិញបានរួមតួនាទីសំខាន់ក្នុងបុព្វហេតុ នាំមកឱកាសសិក្សាមានគុណភាពសម្រាប់សហគមន៍»។ ហេតុដូច្នោះ យើងខ្ញុំសង្ឃឹមនិងខិតខំដើម្បីក្លាយជាសាកលវិទ្យាល័យមួយតាមទម្រង់កាណាដាទៅថ្ងៃអនាគត។
ឱកាសនេះ ថ្នាក់ដឹកនាំសាកលវិទ្យាល័យត្រាវិញថ្លែងអំណរគុណដល់រដ្ឋាភិបាលនិងប្រជាជនកាណាដា ជាពិសេសការឧបត្ថម្ភធំបំផុតនិងជាប្រចាំរបស់ស្ថានទូតកាណាដាប្រចាំការនៅវៀតណាម។ លោកមានទំនុកចិត្តថានឹងបន្តទទួលបានការជំនួយបន្ថែមទៀតពីឯកអគ្គរដ្ឋទូតកាណាដាក្នុងការអភិវឌ្ឍសហការជាមួយសាកលវិទ្យាល័យនិងអង្គការរបស់កាណាដា។
ក្រោយពីបានស្តាប់នូវរបាយការរបស់សាកលវិទ្យាល័យត្រាវិញ លោកស្រី Ping Kitnikone រីករាយចំពោះលទ្ធផលទទួលបានរបស់សាកលវិទ្យាល័យត្រាវិញ។ ទន្ទឹមនឹងនោះ លោកស្រីក៏បានពិភាក្សាជាមួយកងជួរគ្រូបង្រៀនរបស់សាលាអំពីបញ្ហាអប់រំនិងបណ្តុះបណ្តាល អភិវឌ្ឍសេដ្ឋកិច្ច គម្រោងការបាននិងកំពុងអនុវត្តនៅសាកលវិទ្យាល័យត្រាវិញនិងជាពិសេសលោកស្រីមានការយកចិត្តទុកដាក់ចំពោះគោលនយោបាយអំពីសិទ្ធយេនឌ័រនិងជនជាតិរបស់សាកលវិទ្យាល័យត្រាវិញ។
លោកស្រី Ping Kitnikone ថ្លែងថានេះជាដំណើរទស្សនកិច្ចដ៏មានតម្លៃនិងកក់ក្តៅបំផុត។ ក្នុងឱកាសនេះ លោកស្រីបាននាំមកនូវព័ត៌មានពិសេសៗនៃវប្បធម៌ការរស់នៅរបស់ប្រជាជនកាណាដា ដល់សិស្សនិស្សិត គ្រូបង្រៀនសាលាក្នុងឱកាសថ្ងៃខូបអនុស្សាវរីយ៍ ១៥០ឆ្នាំបុណ្យឯករាជ្យជាតិ។
គណប្រតិភូ ក៏បានទៅទស្សនានៅមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូនិងដាំដើមឈើនៅទីនោះ ព្រមទាំងទៅទស្សនាអន្តេវាសិកដ្ឋាននិស្សិតនិងសួរសុខទុក្ខអ្នកឯកទេសកាណាដាកំពុងបំពេញការងារនៅសាកលវិទ្យាល័យត្រាវិញ។
ហ្វិញ សាង
