អង្គការ WEAV ប្រគល់អាហារូបករណ៍ដល់និស្សិតស្ត្រី ២០ ចំណែកនៅឆ្នាំសិក្សា ២០១៧ - ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 31 សីហា 2017
- ចុចដង៖ 582
(TVU) – ថ្ងៃទី ២៩ សីហា ២០១៧ អង្គការដើម្បីសំឡេងនិងសិទ្ធិរបស់ស្ត្រី (WEAV) បានជូនអាហារូបករណ៍ដល់និស្សិតជាស្ត្រីភេទនៃសាកលវិទ្យាល័យត្រាវិញចំនួន ២០ ចំណែកក្នុងឆ្នាំសិក្សា ២០១៧ -២០១៨ មានចំនួនទឹកប្រាក់មួយចំណែកគឺ ២,៥ លានដុង។
នៅក្នុងអង្គជំនួប លោក វ៉ ហ្វាង ខាយ សាកលវិទ្យាធិការរងបានថ្លែងអំណរអរគុណយ៉ាងជ្រាវជ្រៅដល់អង្គការនេះបានផ្តល់អាហារូបករណ៍ដើម្បីសំឡេងនិងសិទ្ធិស្ត្រី។ លោកថ្លែងថា៖ នេះជាកម្មវិធីមានសារៈសំខាន់ ជាមនុស្សធម៌ អាហារូបករណ៍នីមួយៗមិនត្រឹមជារង្វាន់មានប្រយោជន៍ថែមទាំងបានលើកទឹកចិត្តដល់និស្សិតជាស្ត្រីភេទខិតខំព្យាយាមថែមទៀតក្នុងការសិក្សារ។
តំណាងអង្គការ WEAV លោកស្រី Lois Testa Vietri បានឧទ្ទេសនាមបន្ថែមអំពីកម្មវិធីប្រគល់អាហារូបករណ៍ដល់និស្សិតសាកលវិទ្យាល័យត្រាវិញ។ លោកស្រីថ្លែងថា៖ នេះជាលើកទី ៣ ខ្ញុំបានមកបំពេញការងារនៅសាកលវិទ្យាល័យត្រាវិញ ខ្ញុំនឹងបន្តអភិវឌ្ឍកម្មវិធីនេះ និងរក្សាចំណងសហការជាមួយសាកលវិទ្យាល័យត្រាវិញ។
វត្ថុបំណងរបស់អង្គការនេះគឺដើម្បីឧបត្ថម្ភសម្រាប់ប្អូនៗ និងនិស្សិតជាស្ត្រីភេទអាចអនុវត្តតួនាទីគ្រប់គ្រង និងស្វែងរកសំឡេងរបស់ខ្លួន ធ្វើឱ្យសម្បូរបែបសម្រាប់ការអភិវឌ្ឍសហគមន៍និងជីវភាពគ្រួសារ។
តំណាងឱ្យនិស្សិត ប្អូន ឡឹម ក្វាង ភុក ប៊ីង រៀនថ្នាក់ភាសាអង់គ្លេស២០១៤ បានថ្លែងអំណរគុណដល់អង្គការ WEAV បានជំនួយអាហារូបករណ៍ដ៏មានតម្លៃ ជួយដល់ពួកខ្ញុំ សម្រាលបានប្រាក់សិក្សាក៏ដូចជាសម្រាលបានជីវភាពប្រចាំថ្លៃ ក៏ជាជំរុញទឹកចិត្តដល់ពួកខ្ញុំខំប្រឹងប្រែងថែមទៀតក្នុងការសិក្សា។
ហ្វិញ សាង