សាកលវិទ្យាល័យត្រាវិញបន្តរក្សានិងកែលម្អប្រព័ន្ធគ្រប់គ្រងគុណភាពតាមស្តង់ដា ISO 9001:2008
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 18 កញ្ញា 2017
- ចុចដង៖ 647
(TVU) – ថ្ងៃទី ១៥ កញ្ញា ២០១៧ អង្គការ Bureau Veritas Certifications វៀតណាម (BVC) អនុវត្តកម្មវិធីត្រួតពិនិត្យគុណភាពដំណាក់កាលទី ២ ឆ្នាំ ២០១៧ ចំពោះប្រព័ន្ធគ្រប់គ្រងគុណភាពតាមស្តង់ដា ISO 9001:2008 របស់សាកលវិទ្យាល័យត្រាវិញ។ នេះជាឆ្នាំ ទី ១១ ប្រព័ន្ធគ្រប់គ្រងគុណភាពរបស់សាកលវិទ្យាល័យបានទទួលស្គាល់។
ក្រុមការងាររបស់ BVC រួមមានសមាជិក ៣ រូប៖ លោក តាំង ខ្វា ធ្វើជាប្រធាន លោក ឡេ ទ្រី ឌឹក និងលោកផាម ឌីញ ខាយ បានត្រួត ពិនិត្យការងារទៅលើអង្គភាព១២ ដែលកំពុងអនុវត្តប្រព័ន្ធគ្រប់គ្រងគុណភាព ដើម្បីបញ្ជាក់ដំណើរការអនុវត្តតាមស្តង់ដា ISO 9001:2008 កំពុងអនុវត្តនៅសាកលវិទ្យាល័យត្រាវិញ។
លោកបណ្ឌិត ង្វៀន ទៀន យុង សាកលវិទ្យាធិការរងបានឱ្យដឹងថា៖ ក្រោយដំណើរការអនុវត្តជាង ១០ ឆ្នាំ ចូលក្នុងកិច្ចការគ្រប់គ្រងបណ្តុះបណ្តាល សាកលវិទ្យាល័យត្រាវិញបានបន្តរក្សា និងកែលម្អសកម្មភាពតាមតម្រូវការរបស់ស្តង់ដា ISO តម្រូវការកំណត់ដោយច្បាប់ បង្កើតច្បាប់ និងកំណត់ផ្ទៃក្នុងរបស់សាកលវិទ្យាល័យត្រាវិញ។ ការអនុវត្តប្រព័ន្ធគ្រប់គ្រងគុណភាពតាមស្តង់ដា ISO 9001:2008 បាននាំមកនូវប្រសិទ្ធភាពក្នុងការធានាគុណភាពបណ្តុះបណ្តាល។
រយៈពេលត្រួតពិនិត្យការងារនៅបណ្តាអង្គភាព ក្រុមការងារបានចែករំឡែកបទពិសោធមានប្រយោជន៍ក្នុងការពិនិត្យនិងគ្រប់គ្រងបណ្តាសកម្មភាពតាមតម្រូវការស្តង់ដា ជួយដល់សាកលវិទ្យាល័យត្រាវិញបន្តកែលម្អប្រព័ន្ធគ្រប់គ្រង លើកកម្ពស់ប្រសិទ្ធភាពការងារ ធានាគុណភាពរបស់កិច្ចការគ្រប់គ្រង រៀបចំបណ្តុះបណ្តាលនិងផ្គត់ផ្គង់សេវាកម្ម។
លោកស្រី ថាច់ ធី យ៉ឹន សាកលវិទ្យាធិការីរង បានជូនពរដល់អង្គការ BVC និងក្រុមការងារបានចំណាយពេលវេលាបំពេញការងារនៅសាកលវិទ្យាល័យត្រាវិញ កំណត់ការសមស្របរបស់ប្រព័ន្ធគ្រប់គ្រងគុណភាពតាមស្តង់ដា ម្យ៉ាងវិញទៀតក៏ធានាបណ្តាសកម្មភាពរបស់ប្រព័ន្ធនិងអនុវត្តការកែលម្អតាមយោបល់របស់អ្នកឯកទេស ធ្វើជាមូលដ្ឋានដើម្បីឆ្ពោះប្រព័ន្ធ ISO 9001:2015 នៅឆ្នាំ ២០១៨។
ហ្វិញ សាង