សាកលវិទ្យាល័យត្រាវិញបើកបវេសនកាលឆ្នាំសិក្សា ២០១៧ - ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 កញ្ញា 2017
- ចុចដង៖ 724
ថ្ងៃទី ២៧ កញ្ញា ២០១៧ កងជួរគ្រូបង្រៀននិងសិស្សានិស្សិតនៃសាកលវិទ្យាល័យត្រាវិញរីករាយស្វាគមន៍និស្សិតថ្មីនិងបើកបវេសនកាលឆ្នាំសិក្សា ២០១៧ - ២០១៨ និងមានអ្នកតំណាងនៃស្ថាប័នរដ្ឋ គ្រឹះស្ថានបណ្តុះបណ្តាលជាដៃគូ លោកគ្រូអ្នកគ្រូនិងសិស្សានិស្សិតថ្មី រួមមានជាង ១៧០០ រូបអញ្ជើញចូលរួម។
លោក សាស្ត្រាចារ្យ បណ្ឌិត ផាម ទៀត ខាញ់សាកលវិទ្យាធិការនៃសាកលវិទ្យាល័យត្រាវិញថ្លែងសន្ទរកថា
លោកបណ្ឌិត ង្វៀន ទៀន យុង សាកលវិទ្យាធិការរងមានសន្ទរកថាផ្តើម នូវសារលិខិតជូនពររបស់ប្រធានគណកម្មាធិការប្រជាជនខេត្តត្រាវិញ ផ្ញើជូនកងជួរគ្រូបង្រៀននិងសិស្សានិស្សិតនាឱកាសបើកបវេសនកាល។
លោកសាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញ រីករាយស្វាគមន៍ភ្ញៀវកិត្តិយសជិតឆ្ងាយជាដៃគូ និងជូនពរដល់និស្សិតទើបតែជាប់ថ្មីបានទុកចិត្តជ្រើសរើសយកសាកលវិទ្យាល័យត្រាវិញក្នុងដំណើរបំពេញចំណេះវិជ្ជា ឈានទៅរកការជោគជ័យនៅថ្ងៃអនាគត។
លោកថ្លែងថា៖ ក្នុងឆ្នាំសិក្សាកន្លងសាកលវិទ្យាល័យត្រាវិញទទួលបានជោគជ័យគ្រប់ភារកិច្ចដូចជា កិច្ចការជ្រើសរើសនិស្សិត សកម្មភាពស្រាវជ្រាវវិទ្យាសាស្ត្រ ផ្ទេរជូនបច្ចេកវិទ្យា បង្កើនលទ្ធភាពកងជួរគ្រូបង្រៀន រក្សាបានគុណភាពបណ្តុះបណ្តាល និងសហប្រតិបត្តការអន្តរជាតិបានលើកកម្ពស់។ល។
ឆ្នាំសិក្សា ២០១៧ - ២០១៨ សាកលវិទ្យាល័យត្រាវិញបន្តអនុវត្តយន្តការម្ចាស់ការនៅគ្រប់វិស័យ យកចិត្តទុកដាក់ខ្ពស់គុណភាពបណ្តុះបណ្តាល និងអភិវឌ្ឍធនធានមនុស្ស អនុវត្តមានប្រសិទ្ធភាពរាល់សកម្មភាពដែលបានដាក់ចេញ។
មិត្ត ត្រឹង ង៉ុក មីញ ធូ ប្តេជ្ញាចិត្តចំពោះលោកគ្រូអ្នកគ្រូនៅថ្ងៃបវេសនកាល
តំណាងឱ្យនិស្សិតជាង ២០ ម៉ឺនរូប មិត្ត ត្រឹង ង៉ុក មីញ ធូ ថ្នាក់បរិញ្ញាបត្រឱសថអេ ២០១៧ ថ្លែងថា៖ យើងខ្ញុំប្តេជ្ញាចិត្តនឹងខិតខំសិក្សាបានល្អប្រសើរ លើកកម្ពស់ស្មារតីធ្វើជាម្ចាស់ការ និងសកម្មក្នុងការស្រាវជ្រាវវិទ្យាសាស្ត្រ ឈានមុខ ស្មគ្រចិត្តដើម្បីសហគមន៍ លត់ដំបំណិនក្លាយជាអ្នករឹងមាំ។
ឱកាសនេះម្ចាស់ឧបត្ថម្ភបានជូនអាហារូបការណ៍ដល់និស្សិតចំនួន ១៦៥ រូបទឹកប្រាក់សារុបជាង៥០០ លានដុង។ លោក បណ្ដិត ង្វៀន ទៀន យុង ថ្លែងអំណរគុណដល់ទឹកចិត្តរបស់សប្បុរសជនទាំងឡាយបានជួយចែករំឡែកនិងយកចិត្តទុកដាក់ចំពោះវិស័យអប់រំដើម្បីបុព្វហេតុអភិវឌ្ឍធនធានមនុស្សសម្រាប់កសាងប្រទេសជាតិក៏ដូចបានរួមចំណែកជាមួយសាកលវិទ្យាល័យត្រាវិញក្នុងរយៈពេលកន្លងមក។
លោក សាកលវិទ្យាធិការ ផាម ទៀត ខាញ់ ជូនបាច់ផ្កាដល់អាណាព្យាបាល និងរង្វាន់លើកទឹកចិត្តដល់និស្សិតថ្មីជាប់ចំណាត់ថ្នាក់ឯក និងទោ
និស្សិតសាកលវិទ្យាល័យត្រាវិញទទួលបានអាហារូបករណ៍ជាច្រើន