មហាវិទ្យាល័យវេជ្ជសាស្ត្រនិងឱសថនៃសាកលវិទ្យាល័យត្រាវិញទៅសិក្សាបទពិសោធការថែទាំសុខភាពមនុស្សមានវ័យចាស់នៅជប៉ុន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 01 វិច្ឆិកា 2017
- ចុចដង៖ 616
ថ្ងៃទី ២៨ តុលា ២០១៧ សាកលវិទ្យាល័យត្រាវិញបានជូនសាស្ត្រចារ្យ និងនិស្សិតចូលរួមកម្មវិធីសិក្សាបទពិសោធការថែសុខភាពមនុស្សមានវ័យចាស់នៅមជ្ឈមណ្ឌលថែទាំ Shikahara No Sato ចំណុះសម្ពន្ធសុខុមាលភាពSanyou Fukushikai (SFSW) ជប៉ុន។
ប្រធានសម្ពន្ធសុខុមាលភាព SFSW លោក Yoshimasa Tomiyama និង លោក Yoshio Fukui, នាយកនៃមជ្ឈមណ្ឌលថែទាំ Shikahara No Sato ទទួលស្វាគមន៍និងមានកាលបរិច្ឆេទសម្រាប់គណៈប្រតិភូនៃសាកលវិទ្យាល័យត្រាវិញ។
សកម្មភាពនេះជាខ្លឹមសារមួយក្នុងចំណោមខ្លឹមសារនៃអនុស្សរណៈចុះថ្ងៃទី ១៩ ធ្នូ ២០១៦ រវាង SFSW ជាមួយនឹងសាកលវិទ្យាល័យត្រាវិញ។ ទន្ទឹមនឹងនោះសាកលវិទ្យាល័យត្រាវិញជាគ្រឹះស្ថានបណ្តុះបណ្តាលនិស្សិតជំនាញផ្នែកថែទាំជំងឺនិងទទួលកម្មវិធីថែទាំសុខភាពសម្រាប់មនុស្សមានវ័យចាស់ពីភាគីជប៉ុន។
ភាគី SFSW នឹងទទួលនិស្សិតពីសាកលវិទ្យាល័យត្រាវិញក្នុងកម្មវិធីបំប៉នបំណិនវគ្គខ្លីអំពីបច្ចេកទេសថែទាំមនុស្សមានវ័យចាស់ ម្យ៉ាងវិញទៀតនឹងទទួលនិស្សិតមានមុខជំនាញថែទាំជំងឺក្រោយពីបញ្ចប់ការសិក្សាគ្រប់លក្ខណៈធ្វើការនៅបណ្តាមជ្ឈមណ្ឌលរបស់ជប៉ុន។
នៅអង្គជំនួប លោក Yoshimasa Tomiyama បញ្ជាក់ថានឹងឧបត្ថម្ភនិស្សិតសាកលវិទ្យាល័យត្រាវិញក្នុងរយៈពេលសិក្សានៅទីនេះ និងសង្ឃឹមបណ្តានិស្សិតទាំងនោះនឹងត្រៀមលក្ខណៈចាំបាច់បំផុតដើម្បីមានឱកាសធ្វើការងារនៅបណ្តាមជ្ឈមណ្ដលថែទាំសុខភាពដែលមានមនុស្សចាស់ចំណុះសម្ពន្ធសុខុមាលភាពក្រោយពីបញ្ចប់ការសិក្សា។
ទន្ទឹមនឹងនោះ SFSW តែងស្វាគមន៍ទទួលបណ្តុះបណ្តាលនិងឧទ្ទេសនាមការងារសម្រាប់និស្សិតនិងសង្ឃឹមថាមាននិស្សិតសាកលវិទ្យាល័យត្រាវិញមកសិក្សាបទពិសោធនិងធ្វើការងារនៅពេលខាងមុខ។
នៅវគ្គសិក្សា និស្សិតសាកលវិទ្យាល័យត្រាវិញបានក្រេបយកនូវចំណេះវិជ្ជា សិក្សាអំពីវប្បធម៌ជប៉ុន បង្កើនបំណិនថែទាំមនុស្សមានវ័យចាស់ បច្ចេកទេសថែទាំជំនួយស្មារតី និងសរីរាង្គកាយដើម្បីមនុស្សចាស់មានសុខភាពល្អនិងមាំមួន។ នេះជាឱកាសល្អសម្រាប់គ្រូបង្រៀននិងនិស្សិតបង្កើនបទពិសោធជំនាញឯកទេសនិងស្វែងរកការងារក្រោយពីបញ្ចប់ការសិក្សា។
ហ្វិញ សាង