បើកសម័យប្រឡង សិក្សាស្វែងយល់ពីសតិអារម្មណ៍ សីលធម៌ ឥរិយាបថហូជីមិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 វិច្ឆិកា 2017
- ចុចដង៖ 625
ព្រឹកថ្ងៃទី៣ វិច្ឆិកា គណៈកម្មាធិការបក្សសកលវិទ្យាល័យត្រវិញ បើកសម័យប្រឡងសិក្សាស្វែងយល់ពីសតិអារម្មណ៍ សីលធម៌ ឥរិយាបថហូជីមិញ និងជ្រើសរើសគំរូឆ្នើមក្នុងការសិក្សានិងត្រាប់តាមគំរូសីលធម៌របស់ហូជីមិញ។
ចូលរួមបើកសម័យប្រឡង មានលោក ត្រឹង វ៉ាន់ ប៊ូយ អនុប្រធានគណៈ ឃោសនាការនៃគណៈកម្មាធិការបក្សខេត្ត លោក ផាម ទៀត កឿង អនុលេខាធិការបក្សនៃផ្នែកបណ្តាស្ថាប័ន អ្នកតំណាងបណ្ដាសាខា គណៈកម្មាធិការបក្សចំណុះមន្ទីរខេត្ត គណៈកម្មាធិការសាកលវិទ្យាល័យ រួមជាមួយបេក្ខជន៤០ រូប បណ្ដាបក្ខជនតំណាងអោយសាខា ចំណុះបក្ខភាគសាកលវិទ្យាល័យចូលរួមនិងគាំទ្រសម័យប្រឡង។
មានប្រសាសន៍បើកសម័យប្រឡង លោក ផាម ទៀត ខាញ់ លេខាធិការនៃគណៈកម្មាធិការបក្សសាលានិងជាសាកលវិទ្យាធិការនៃសាកលវិទ្យាល័យត្រាវិញថ្លែងថា៖ ប្រធាន ហូជីមិញ បានទុកមកអោយយើងនៅទ្រព្យសម្បត្តិដ៏វិសេសវិសាលជាមួយនិងកេរ្តិ៍ដំណែលដ៏ថ្លែថ្លាបំផុត នោះគឺ «សតិអារម្មណ៍ សីលធម៌និងឥរិយាបថហូជីមិញ»។
សម័យប្រឡងនេះ លោកសង្ឃឹមថាបក្ខជននិងនិស្សិតនិមួយៗក្នុងបក្ខភាគមានការផ្លាស់ប្ដូរយ៉ាងសកម្មអំពីស្មារតីក្នុងការហាត់ពត់លត់ដំសីលធម៌របស់ខ្លួនជាពិសេសគឺលើកកំពស់ការយល់ដឹង ភារកិច្ចនិងការត្រួសត្រាយ គំរូរបស់គណៈកម្មាធិការ អ្នកដឹកនាំ ក្នុងការរៀនសូត្រនិងអនុវត្តតាមសតិអារម្មណ៍ សីលធម៌ ឥរិយាបថហូជីមិញ ទន្ទឹមនឹងនោះបានឃើញនិងជ្រើសរើសបណ្តាគំរូដ៏ពិសេសរបស់ឯកជន សមូហភាពក្នុងការរៀនសូត្រធ្វើតាមដើម្បីអនុវត្តរួមនឹងការបង្កើនភាពផ្សព្វផ្សាយក្នុងគណៈកម្មាធិការបក្សនិងសង្គម។
បេក្ខជនចូលរួមក្នុងពិធីប្រឡងគឺជាលេខា អនុលេខាចំណុះគណៈកម្មាធិការបក្សសាលា បេក្ខជនត្រូវតែឆ្លងកាត់ដំណាក់កាលពីរយ៉ាងគឺ ឆ្លើយសំណួរទ្រឹស្ដីដោយគណៈកម្មាធិការបានរៀបចំចាត់តាំងឡើង ក្នុងនោះរួមមានបណ្ដាខ្លឹមសារអំពីចំណេះដឹងជាមួយនឹង អត្ថបទទាក់ទងដល់ផ្ដើមគំនិតនិងគោលនយោបាយរបស់បក្ស បណ្ដាចំណេះដឹងអំពីសកម្មភាពបក្ស បណ្ដាខ្លឹមសារទាក់ទងដល់សតិអារម្មណ៍ សីលធម៌ហូជីមិញ ការបង្ហាញ់គំរូជាក់ស្ដែងរបស់អង្គភាពដែលបានអនុវត្តនិងធ្វើតាមគំរូសីលធម៌ហូជីមិញ។ សម័យប្រឡងបានប្រព្រឹត្តឡើងក្នុងរយៈពេលពីរថ្ងៃ ថ្ងៃទី៣-៤ ខែវិច្ឆិកា ឆ្នាំ២០១៧។
គណៈចាត់តាំងបានឱ្យដឹងថា សម័យប្រឡងនេះគឺបានសិក្សាអំពីជីវភាពនយោបាយមួយដែលស៊ីជម្រៅដើម្បីយល់ជ្រួតជ្រាបនិងអនុវត្តតាមបទបញ្ជា លេខ០៥-CT/ TW ថ្ងៃទី១៦ ខែ ឧសភា ឆ្នាំ២០១៦ របស់ក្រសួងនយោបាយពីការ រៀនសូត្រនិងអនុវត្តសតិអារម្មណ៍ សីលធម៌ ឥរិយាបថហូជីមិញ និងបណ្ដាអត្ថបទចង្អុលការរបស់ថ្នាក់ដឹកនាំ។
ដា វី