គណៈវាយតម្លៃមូលនិធិអន្តរជាតិសម្រាប់ការអភិវឌ្ឍន៍កសិកម្មបំពេញការងារនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 វិច្ឆិកា 2017
- ចុចដង៖ 531
ថ្ងៃទី៧ខែវិច្ឆិកាឆ្នាំ២០១៧ លោកបណ្ឌិត ង្វៀន តៀន យុង ដែលជាសាកលវិទ្យាធិការរងនៃសាកលវិទ្យាល័យត្រាវិញបានជួបនិងបំពេញការងារជាមួយគណៈវាយតម្លៃមូលនិធិអន្តរជាតិសម្រាប់ការអភិវឌ្ឍន៍កសិកម្ម (IFAD)និងគណៈចង្អុលការគម្រោងបន្សាំជាមួយនឹងការប្រែប្រួលអាកាសធាតុ (AMD ត្រាវិញ) នៅទីស្នាក់ការកណ្ដាលនៃសាកលវិទ្យាល័យត្រាវិញ។
នៅក្នុងអង្គជំនួប សាកលវិទ្យាល័យត្រាវិញបានរាយការណ៍អំពីការអនុវត្តគម្រោងវិនិយោគអភិវឌ្ឍន៍មជ្ឈមណ្ឌលវិភាគ- ពិសោធន៍ជលផលបម្រើការអោយការលើកកម្ពស់តម្លៃនៃការចិញ្ចឹមបង្កងទឹកសាបខេត្ដត្រាវិញ ហើយក៏រាយការណ៍អំពីវឌ្ឍនភាពចំពោះប្រធានបទស្រាវជ្រាវវិទ្យាសាស្ត្រប្រធានបទទាំង៣ ដែលបានដាក់ចេញផ្សារភ្ជាប់ជាមួយកម្មវិធីស្រាវជ្រាវបន្សាំជាមួយនឹងការប្រែប្រួលអាកាសធាតុ។
គណៈគ្រប់គ្រងគម្រោងបានអោយដឹងថា៖ គម្រោងវិនិយោគអភិវឌ្ឍន៍មជ្ឈមណ្ឌលវិភាគ-ពិសោធន៍ជលផលបម្រើការអោយការលើកកម្ពស់តម្លៃនៃការចិញ្ចឹមបង្កងទឹកសាបខេត្ដត្រាវិញត្រូវបានលើកឡើងចំនួន៤សមសភាគ ៖ សាងសង់អាគារ បន្ទប់ពិសោធន៍ វិនិយោគហើយទិញថ្មីបណ្ដាសម្ភារៈ បណ្ដុះបណ្ដាធនធានមនុស្ស បង្កើតសមត្ថភាពដោយមានការទទួលស្គាល់។
រហូតមកដល់ពេលនេះ សមសភាគទាំងអស់ត្រូវបានអនុម័តផែនការជ្រើសរើសអ្នកម៉ៅការ កញ្ចប់ម៉ៅការ។ ដោយឡែកសមសភាគទី១ត្រូវបានសម្រេច ហើយសមសភាគទី២ បានសម្រេចក្នុងការជម្រើសអ្នកម៉ៅការ ចុះកិច្ចសន្យាជាមួយអ្នកម៉ៅការដែលទទួលបានម៉ៅការ។
ម្យ៉ាងទៀត នៅក្នុងរយៈពេលបំពេញការងារអ្នកឯកទេសទាំងអស់មានការយកចិត្តទុកដាក់យ៉ាងខ្លាំងចំពោះប្រធានបទស្រាវជ្រាវវិទ្យាសាស្ត្រទាំង៣ប្រធានបទដែលផ្សារភ្ជាប់ជាមួយកម្មវិធីស្រាវជ្រាវបន្សាំនឹងការប្រែប្រួលអាកាសធាតុដោយបានគ្រូបង្រៀនមហាវិទ្យាល័យកសិកម្ម - ជលវប្បកម្ម នៃសាកលវិទ្យាល័យត្រាវិញអនុវត្តន៍។
នៅក្នុងរយៈពេលបំពេញការងារ លោក Cornelis Hubrencht Blok សញ្ជាតិហូឡង់ ប្រធានគណៈប្រតិភូមានមតិយោបល់វិជ្ជមានអំពីវឌ្ឍនភាពនៃការអនុវត្តគម្រោង។ លោកសង្ឃឹមថាគណៈគ្រប់គ្រងគម្រោងបន្តការអនុវត្តចំពោះសមសភាគដែលមិនទាន់សម្រេចអោយត្រូវពេលវេលាកំណត់ ដើម្បី មជ្ឈមណ្ឌលបានដំណើរការដើម្បីវិភាគ- ពិសោធន៍ជលផលបម្រើការអោយការលើកកំពស់តម្លៃនៃការចិញ្ចឹមបង្កងទឹកសាប នាំមកផលិតផលមានកិត្យានុភាពនិងគុណភាព។
លោក Roshan Cooke អ្នកឯកទេសផ្លាស់ប្ដូរអាកាសធាតុនិងបរិស្ថានថ្នាក់តំបន់ IFAD បានអោយដឹងថា៖ប្រធានបទទាំងអស់មានភាពជាក់ស្ដែង សមស្រប់ជាមួយស្ថានភាពធម្មជាតិនៅខេត្តត្រាវិញ។ក្រោយពីទទួលបានលទ្ធផលប្រធានបទអាចពង្រីកនឹងដាក់ពង្រាយក្នុងតំបន់វាលរាបទន្លេគឺវឡុង។
លោកបណ្ឌិតង្វៀនតៀនយ៉ុងសាកលវិទ្យាធិការរងនៃសាកលវិទ្យាល័យត្រាវិញអប់អរសាទរការធ្វើដំណើរមកបំពេញការងារនៃអ្នកឯកទេសកត់សំគាល់និងវាយតម្លៃខ្ពស់ចំពោះលទ្ធផលមុនដំបូងនៃគម្រោងការ។សាកលវិទ្យាធិការងសង្ឃឹមថានឹងបន្តទទួលបានការឧបត្ថម្ភពីអង្គការ IFAD ដើម្បីជំរុញសកម្មភាពស្រាវជ្រាវវិទ្យាសាស្ត្ររបស់សាលា ជាពិសេសគឺបន្តការដោះដូរដើម្បីអនុវត្តបណ្ដាលទ្ធផលទទួលបានពីគម្រោងការនេះ។
នៅក្នុងឱកាសនេះ គណៈប្រតិភូមានការធ្វើទស្សនកិច្ចចំពោះសំណង់ និងគម្រោងការស្រាវជ្រាវទាំងអស់ដែលស្ថិតនៅក្នុងកម្មវិធីនៃគម្រោង។
សុខ ខើយ