និស្សិតកម្ពុជាទទួលអាហាររូបករណ៍ពីសមាគមមិត្តភាពវៀតណាម - កម្ពុជា ខេត្តត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 20 វិច្ឆិកា 2017
- ចុចដង៖ 563
ថ្ងៃទី១៣ វិច្ឆិកា ២០១៧ លោក គីម ហុង យ៉ាញ់ អនុប្រធានប្រចាំសមាគមមិត្តភាពវៀតណាម - កម្ពុជាខេត្តត្រាវិញព្រមទាំងសម្ព័ន្ធបេសកកម្មមានវត្តមាននិងជូនអាហារូបករណ៍ចំនួន១៥ចំណែកដល់និស្សិតកម្ពុជាដែលកំពុងសិក្សានៅសាកលវិទ្យាល័យត្រាវិញនាខួបអនុស្សាវរីយ៍៥០ឆ្នាំថ្ងៃបង្កើតទំនាក់ទំនងការបរទេស វៀតណាម - កម្ពុជា។ លោក ត្រឹង វ៉ាំង ត្រុង សាកលវិទ្យាធិការរងអញ្ជើញចូលរួម ។
នៅកិច្ចប្រជុំ លោក គីម ហុង យ៉ាញ់ អនុប្រធានប្រចាំសមាគមមិត្តភាព វៀតណាម - កម្ពុជា ខេត្តត្រាវិញថ្លែងថា វៀតណាម - កម្ពុជា ជាប្រទេសជិតខាងនិងមានខឿនវប្បធម៌ស្រដៀងគ្នា។ ៥០ឆ្នាំកន្លងទៅ ប្រទេសទាំង២បានបង្កើតទំនាក់ទំនងការបរទេស បណ្តាជំនាន់មេដឹកនាំនិងប្រជាជនរបស់ប្រទេសទាំង២បានរួមដំណើរ គាំទ្រនិងជួយគ្នាទៅវិញទៅមកក្នុងការតស៊ូដើម្បីទទួលបានឯករាជ្យ ក៏ដូចជាសាងសង់និងអភិវឌ្ឍន៍ប្រទេសជាតិ។ ភាពសាមគ្គី មិត្តភាពប្រពៃណីនោះបានក្លាយជាទ្រពសម្បត្តិដ៏មានតម្លៃនិងភាពជ្រះថ្លានៃប្រទេសទាំងពីរ។
នាឱកាសនេះ សមាគមមិត្តភាព វៀតណាម - កម្ពុជាខេត្តត្រាវិញ ជូនអាហាររូបករណ៍១៥ចំណែកមានតម្លៃសរុប១៥លានដុងឲ្យនិស្សិតកម្ពុជា ដែលកំពុងសិក្សានៅសាកលវិទ្យាល័យត្រាវិញ។ ជាមួយបំណងថា កាត់បន្ថយបានភាពកង្វះខាត់របស់និស្សិត ព្យាយាមតស៊ូសិក្សាឲ្យមានលទ្ធផលល្អ តាមក្តីរំពឹងរបស់ថ្នាក់ដឹកនាំសមាគម គណៈកម្មការសាលានិងឱពុកម្តាយ។
ប្អូន នុត ផេង និស្សិតកម្ពុជាឆ្នាំទី៣ មុខជំនាញថែទាំសុខភាពមានប្រសាសន៍ដោយក្តីរីករាយថា “ប្អូនៗជានិស្សិតដែលសិក្សាឆ្ងាយពីផ្ទះ ស្ថានភាពនិងលក្ខណៈផ្សេងៗគ្នា ប៉ុន្តែប្អូនៗមានក្តីស្រមៃតែមួយគឺបានសិក្សា លត់ដំបំណិននិងមានការយល់ដឹង។ ពួកប្អូនសូមអរគុណយ៉ាងជ្រាវជ្រៅនូវការយកចិត្តទុកដាក់របស់សមាគមមិត្តភាពវៀតណាម - កម្ពុជាខេត្តត្រាវិញនិងសាកលវិទ្យាល័យត្រាវិញតែងផ្តល់ឱកាស ជំនួយអស់ពីចិត្តនិងទាន់ពេលដល់និស្សិតបរទេសដែលមានស្ថានភាពក្រលំបាក”។
លោក ត្រឹង វ៉ាំង ត្រុង សាកលវិទ្យាធិការរងថ្លៃងអរគុណដល់គណៈដឹកនាំ សមាគមមិត្តភាព វៀតណាំម កម្ពុជាខេត្តត្រាវិញនិងសម្ព័ន្ធបេសកកម្មបានយកចិត្តទុកដាក់ សួរសុខទុក្ខនិងជូនអាហាររូបករណ៍ដ៏មានតម្លៃដល់និស្សិតបរទេសមានកម្លាំងចិត្តសិក្សានិងដោះស្រាយបញ្ហាក្នុងការរស់នៅ។ សាកលវិទ្យាធិការរងសង្ឃឹមនឹងទទួលបានការយកចិត្តទុកដាក់របស់ថ្នាក់ដឹកនាំសមាគមនិងបណ្តាអង្គភាព ស្ថាប័ននានា របស់ខេត្តជាបន្តទៀត ព្រមជាមួយនឹងសាលាអនុវត្តជោគជ័យក្នុងភារកិច្ចនយោបាយ។
ដា វិ