វគ្គផ្ដាច់ព្រ័ត្រពិធីប្រកួតគំនិតនៃការចាប់ផ្តើមអាជីវកម្មរបស់និស្សិតលើកទី១- ឆ្នាំ ២០១៧
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 20 វិច្ឆិកា 2017
- ចុចដង៖ 563
ថ្ងៃទី១៦ ខែវិច្ឆិកា ឆ្នាំ២០១៧ ពិធីប្រកួតគំនិតនៃការចាប់ផ្តើមអាជីវកម្មរបស់អតីតនិស្សិត និស្សិតបានរៀបចំឡើងនៅ មហាសាល E21.105នៃសាកលវិទ្យាល័យត្រាវិញ។ គំនិតនៃការចាប់ផ្តើមអាជីវកម្មចំនួន០៨ បានគណៈមេប្រយោគវាយតម្លៃខ្ពស់។
លោកង្វៀន វ៉ាន់ វូ អាន នាយកមជ្ឈមណ្ឌលជំនួយការយុវជនផ្តើមអាជីវកម្មនៃសាកលវិទ្យាល័យត្រាវិញមានប្រសាសន៍ថា: ក្រោយរយៈពេល៤ខែផ្សព្វផ្សាយនិងចលនាអំពីពិធីប្រកួតគំនិតនៃការចាប់ផ្តើមអាជីវកម្មរបស់និស្សិតលើកទី១- ឆ្នាំ ២០១៧ គណៈកម្មការទទួលបានគំនិតគម្រោងចងក្រងចំនួន ៤០ ដែលមកចុះឈ្មោះចូលរួម។ ក្រោយពេលជម្រុះនៅវគ្គដំបូង គណៈកម្មការបានជ្រើសរើសយកគម្រោង ០៨ ដើម្បីឈានចូលវគ្គផ្ដាច់ព្រ័ត្រ។
អ្នកនិពន្ធលោកង្វៀន ហៀន ដាត ជាមួយគម្រោង "ហាងកាហ្វេគួបផ្សំជាមួយទេសចរណ៍ម្ហូបអាហារប្រពៃណី វប្បធម៌ខ្មែរណាមបូ"ត្រូវបានក្រុមប្រឹក្សាវាយតម្លៃខ្ពស់និងបានជាប់ចំណាត់ថ្នាក់លេខ ១។
លេខ២បានទៅលើអ្នកនិពន្ធ ថាច់ ហ្វិញ ថឿន និង ងោ ហ្វាង ផុក ជាមួយនឹងគម្រោង “ផលិតផលសិប្បកម្មប្រពៃណីខ្មែរផ្សារភ្ជាប់ជាមួយអភិវឌ្ឍន៍ផលិតផលកាដូអនុស្សាវរីយ៍ខេត្តត្រាវិញ”។ លេខ៣គឺគម្រោង “គំរូចិញ្ចឹមមាន់បួស”របស់អ្នកនិពន្ធ ឡេ តឹន ផាត់។
លោកបណ្ឌិត ផាម គឹម ឡុង ប្រធានការិយាល័យវិទ្យាសាស្ត្រនិងបច្ចេកវិទ្យា ប្រធានមេប្រយោគវាយតម្លៃយ៉ាងខ្ពស់ចំពោះគំនិតនៃការចាប់ផ្ដើមអាជីវកម្មរបស់និស្សិតគ្រប់រូប។ លោកថ្លែងថា បណ្ដាគម្រោងដែលបានក្រុមប្រឹក្សាវាយតម្លៃល្អ អាចអនុវត្តន៍ទៅបាន គណៈកម្មការនឹងប្រឹក្សាអោយយោបល់ឧបត្ថម្ភថវិកាដើម្បីបន្តគម្រោងទៅដំណាក់កាលបន្ត។
ពិធីប្រឡងបានបញ្ញាក់នូវសេចក្ដីពេញចិត្តស្រាវជ្រាវវិទ្យាសាស្រ្ត បង្កើតទីលានថ្មីសម្រាប់និស្សិតក្នុងការបញ្ចេញសមត្ថភាពច្នៃប្រឌិត ព្រមទាំងអនុវត្តន៍បណ្ដាគំនិតនៃការចាប់ផ្ដើមអាជីវកម្ម ត្រៀមសម្រាប់ការបង្កើតអាជីពក្រោយពេលបញ្ចប់ការសិក្សា។
សុខ ខើយ