កាលពីដើមខែ វិច្ឆិកា ២០១៧ នៅសាកលវិទ្យាល័យ Gadjah Mada, Indonesia (UGM) លោក បណ្ឌិត ឡឹម ថាយ ហុង ព្រឹទ្ធបុរសនៃមហាវិទ្យាល័យកសិកម្ម-ជលវប្បកម្មនៃសាកលវិទ្យាល័យត្រាវិញ ព្រមជាមួយសាស្ត្រាចារ្យបណ្ឌិត Ali Agus ព្រឹទ្ធបុរសមហាវិទ្យាល័យចញ្ចឹមសត្វ UGM បានចុះកិច្ចព្រមព្រៀងលើវិស័យបណ្តុះបណ្តាលមានវត្តមានរបស់ សាស្ត្រាចារ្យ Panut Mulyono សាកលវិទ្យាល័យ UGM។
ដំណើរទស្សនកិច្ចនេះ លោកបណ្ឌិត ឡឹម ថាយ ហុង មានកិច្ចជួបសំណេះសំណាលជាមួយមហាវិទ្យាល័យចញ្ចឹមសត្វរបស់ UGM។ លទ្ធផលគឺភាគីទាំងពិរបានឯកភាពគ្នាចុះកិច្ចព្រមព្រៀងលើវិស័យដោះដូរនិស្សិត សាស្ត្រាចារ្យ កិច្ចការស្រាវជ្រាវវិទ្យាសាស្ត្រ ចែករំលែកពត៌មានដែលភាគីទាំងពីរមានលទ្ធភាព។
ទន្ទឹមនឹងនោះ លោកបណ្ឌិត ឡឹម ថាយ ហុង ក៏បានចូលរួមខួបអនុស្សាវរីយ៍បង្កើតមហាវិទ្យាល័យចញ្ចឹមសត្វរបស់ UGM និងទស្សនានូវកសិដ្ឋាន កន្លែងផលិត ពាណិជ្ជកម្មនូវផលិតផលនានារបស់ UGM ដោយនិស្សិតគ្រប់គ្រងផ្ទាល់។
សាស្ត្រាចារ្យ បណ្ឌិត Ali Agus បានពត៌មានដល់ បណ្ឌិត ឡឹម ថាយ ហុង ក្នុងទីប្រជុំខែ សីហា ២០១៨ របស់ប្រព័ន្ធបណ្តុះបណ្តាលមុខជំនាញចញ្ចឹមសត្វនៃបណ្តាប្រទេសអាស៊ីអាគ្នេហ៍ បណ្តាសមាជិកនឹងទទួលសមាជិកថ្មីគឺសាកលវិទ្យាល័យត្រាវិញ។
ឱកាសនេះ ក្រៅពីចូលរួមខួបអនុស្សាវរីយ៍ថ្ងៃបង្កើតមហាវិទ្យាល័យចញ្ចឹមសត្វ របស់ UGM លោកបណ្ឌិត ឡឹម ថាយ ហុង បានពិភាក្សាជាមួយ សាស្ត្រាចារ្យ បណ្ឌិត Aera Jang ប្រធានទទួលបន្ទុកផ្នែកចញ្ចឹមសត្វ នៃសាកលវិទ្យាល័យជាតិ Kangwon ប្រទេសកូរេខាងត្បូង ជំហានមុនដំបូងបានឯកភាពនឹងសហការបណ្តុះបណ្តាល ស្រាវជ្រាវវិទ្យាសាស្ត្រនិងដោះដូរនិស្សិត បន្តពិភាក្សាពិស្តារតាម អីម៉ែវ និងបំរុងចុះកិច្ចព្រមព្រៀងនៅឆ្នាំ ២០១៨។
ហ្វិញ សាង