រសៀលថ្ងៃទី ២០ ខែវិច្ឆិកា គ្រូនិងសិស្សនៃសាកលវិទ្យាល័យត្រាវិញបានរៀបចំអង្គជំនួបរំលឹកខួបអនុស្សាវរីយ៍លើកទី៣៥ ទិវាគ្រូបង្រៀនវៀតណាម(20/11/1982 - 20/11/2017) យ៉ាងឱឡារិក។ អ្នកចូលរួមជាង១៥០០រូបបានស្ដាប់លិខិតអបអរសាទររបស់ប្រធានគណៈកម្មាធិការប្រជាជនខេត្តត្រាវិញផ្ញើជូនលោកគ្រូ អ្នកគ្រូវព្រមទាំងប្អូនៗនិស្សិតទាំងអស់។
អង្គជំនួបរីករាយទទួលស្វាគមន៍ថ្នាក់ដឹកនាំ អតីតថ្នាក់ដឹកនាំគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជនខេត្តត្រាវិញ អ្នកម្តាយវៀតណាមវីរភាព បណ្ដាថ្នាក់ដឹកនាំមន្ទីរ អង្គភាព សហគ្រាស ដៃគូ អ្នកឯកទេស អ្នកស្ម័គ្រចិត្តអន្តរជាតិ អតីតនិស្សិត រួមជាមួយបុគ្គលិករាជការទាំងអស់និងនិស្សិតតំណាងសាកលវិទ្យាល័យជាង៣០០រូប។
ក្នុងការថ្លែងសុន្ទរកថារំលឹកប្រពៃណីទិវាគ្រូបង្រៀនវៀតណាម លោកបណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញបានអោយដឹងថា៖ សង្គមសព្វថ្ងៃនេះមានការអភិវឌ្ឍឥតឈប់ឈរ បណ្ដាបុគ្គលិកនិងអង្គភាពគ្រូបង្រៀននៅសាកលវិទ្យាល័យមានលក្ខណៈអំណោយផល និងឱកាសសិក្សាដើម្បីលើកម្ពស់ចំណេះដឹងព្រមទាំងជំនាញវិជ្ជាជីវៈផ្ទាល់ខ្លួន។
ទន្ទឹមនឹងនោះ តម្រូវការសង្គមទាមទារធនធានមនុស្សមួយថ្ងៃកាន់តែខ្ពស់ឡើង។ ដូច្នេះ ភារកិច្ចររបស់គ្រូបង្រៀនសាកលវិទ្យល័យកាន់តែធ្ងន់ទៅ។ គ្រូបង្រៀនក្នុងសង្គមបច្ចុប្បន្ននេះមិនត្រឹមតែពូកែអំពីជំនាញផ្ទាល់ខ្លួននោះទេ តែត្រូវមានឆន្ទៈ ក្លាហានឆ្លងផុតរាល់ភាពអវិជ្ជមាន ការល្បួងក្នុងជីវិតប្រចាំថ្ងៃ ត្រូវការថាមវន្ត នៅក្នុងវិជ្ជាជីវៈ ដើម្បីសិស្សនិស្សិតមាននូវឱកាសរៀនសូត្រព្រមទាំងទទួលសេចក្ដីគោរព ...
ក្នុងពេលបច្ចុប្បន្ន សាកលវិទ្យាល័យត្រាវិញកំពុងឈានចូលតំណាក់កាលថ្មី - សាលាត្រូវបាននាយករដ្ឋមន្ត្រីប្រគាល់ផ្ដាច់សិទ្ធក្នុងការអនុវត្ត។ ទន្ទឹមនឹងឱកាសជាច្រើននោះសាកលវិទ្យាល័យត្រាវិញក៏ត្រូវជួបបញ្ហាលំបាកជាច្រើនដែរ។ នាឱកាសនេះ ថ្នាក់ដឹកនាំសាលាសង្ឃឹមថាគ្រូបង្រៀនទាំងអស់នឹងយល់ច្បាស់ពីតួនាទីហើយរួមដៃចែករំលែកជាមួយថ្នាក់ដឹកនាំសាលាដើម្បីបោះជំហានឈានទៅកាន់តំណាក់កាលអភិវឌ្ឍន៍ថ្មីទៀត។
សាកលវិទ្យាធិការសង្ឃឹមថាថ្នាក់ដឹកនាំនៃមហាវិទ្យាល័យទាំងអស់ត្រូវកែលម្អឡើងទាំងពីអង្គភាពគ្រូបង្រៀន គ្រប់គ្រងល្អបណ្ដាថ្នាក់បណ្ដុះបណ្ដានៅមហាវិទ្យាល័យ; ចូលរួមចុះឈ្មោះនិងពិនិត្យគុណភាពនៃការបណ្ដុះបណ្ដាល ស្រាវជ្រាវត្រួតពិនិត្យនិងលើកឡើងនៅមុខវិជ្ជាណាដែលសមស្រប់ទៅនឹងតម្រូវការរបស់សង្គមហើយស្របទៅនឹងលក្ខណៈជាក់ស្ដែងនៃសាលាផងដែរ។
បណ្ដាអង្គភាពត្រូវកែលម្អរបៀបធ្វើការ ត្រូវធ្វើការតាមវិទ្យាសាស្ត្រនិងប្រសិទ្ធភាពជាងនេះ។ សហការយ៉ាងជិតស្និទ្ធជាមួយបណ្ដាមហាវិទ្យាល័យ អង្គភាពចំណុះនិងផ្ដល់យោបល់ប្រឹក្សាឆាប់រហ័សទៅកាន់ថ្នាក់ដឹកនាំសាលាដើម្បីអនុវត្តន៍ល្អប្រព័ន្ធបណ្ដុះបណ្ដាលនិងធានាគុណភាពសិក្សា។
រាល់គ្រូបង្រៀន បុគ្គលិករាជការ និយោជិតទាំងអស់ត្រូវអនុវត្តន៍ល្អភារកិច្ចនិងតួនាទីរបស់ខ្លួន ជំនួយការនិស្សិតក្នុងការសិក្សាយ៉ាងសកម្ម ចូលរួមការស្រាវជ្រាវវិទ្យាសាស្ត្រ បម្រើការអោយនិស្សិត សិក្ខាកម្មអស់ពីចិត្ត.... តាមសាកលវិទ្យាធិការ គ្រប់ផ្នែកគ្រាប់អង្គភាពសុទ្ធតែមានសារៈសំខាន់ក្នុងការជំនួយបង្កើតរូបភាពសាកលវិទ្យាល័យត្រាវិញជិតស្និទ្ធ អរិយធម៌ ស្រស់ -ស្អាត -ល្អ។
ថ្នាក់ដឹកនាំក៏បានថ្លែងអំណរគុណនិងកត់សំគាល់ចំពោះការខិតខំប្រឹងប្រែង ការលះបង់របស់កម្មាភិបាល បុគ្គលិក និងគ្រូបង្រៀនបានរួមចំណែកជាវិជ្ជមានដល់សាកលវិទ្យាល័យក្នុងរយៈពេលកន្លងមក។
ថ្លែងកថាក្នុងអង្គជំនួប បណ្ឌិត ង្វៀន វ៉ាន់ ង្វៀន នាយកនៃវិទ្យាស្ថានអភិវឌ្ឍន៍ធនធានមនុស្ស ចំណុះសាកលវិទ្យាល័យត្រាវិញបានអះអាងថា៖ ជាង១៧ ឆ្នាំកន្លងមក រួមជាមួយការអភិវឌ្ឍសាកលវិទ្យាល័យត្រាវិញ បុគ្គលិករាជការ សាស្ត្រាចារ និងនិយោជិតទាំងអស់នៃសាកលវិទ្យាល័យត្រាវិញតែងមានការសាមគ្គី រួមគ្នាឆ្ពោះទៅកាន់គោលដៅ បេសកម្មរបស់សាកលវិទ្យាល័យត្រាវិញ។
ដំណាងឲ្យបុគ្គលិកគ្រូបង្រៀននិងអ្នកធ្វើការជាង៨០០រូបរបស់សាលា បណ្ឌិត ង្វៀន វ៉ាន់ ង្វ៉ៀន អំពាវនាវបុគ្គលិកគ្រូបង្រៀនទូទាំងសាលាឲ្យបន្តពង្រីករាល់ស្នាដៃដែលទទួលបានក្នុងពេលវេលាកន្លង។ ទន្ទឹមនឹងនោះ សន្យាថានឹងបន្តពង្រីករាល់គំនិតផ្តួចផ្តើម ការងារល្អ និងប្រឹងប្រែងយកជំនះរាល់ការលំបាកព្រមទាំង ភាពអវិជ្ជមានដើម្បីសម្រេចភារកិច្ចដែលខ្លួនទទួល។
នាឱកាសនេះ ផាម ហុង ស្វៀន និស្សិតមហាវិទ្យាល័យច្បាប់ឆ្នាំ ២០១៥ តំណាងអោយនិស្សិតសាលាជាង២០.០០០រូបថ្លែងកអំណរគុណចំពោះគ្រូបង្រៀនទាំងអស់។ ទន្ទឹមនឹងនោះក៏បានអំពាវនាដល់និស្សិតគ្រប់រូបខិតខំសិក្សារៀនសូត្រ ស្រាវជ្រាវ ហ្វឹកហាត់ជំនាញផ្សេងៗ យកចំណេះដឹងដែលមានទៅអនុវត្តក្នុងការជាក់ស្ដែង ចូលរួមយ៉ាងសកម្មក្នុងចលនាយុវជនសម្ព័ន្ធយុវជននិស្សិតដើម្បីក្លាយទៅជាសិស្សប្រកបដោយភាពច្នៃប្រឌិតផង ល្អផង ពូកែផងហើយដើម្បី ក្រោយបញ្ចប់ការសិក្សាបានបន្តរួមចំណែកក្នុងការកសាងប្រទេសជាតិ។ នៅក្នុងអង្គជំនួប និស្សិតជាច្រើនក៏បានផ្ញើជូនថ្នាក់ដឹកនាំសាលានូវបាច់ផ្កាដ៏ស្រស់បំព្រោងគោរពដឹងគុណដល់លោកគ្រូ អ្នកគ្រូនាឱកាសទិវាគ្រូបង្រៀន។
មកចូលរួមនិងថ្លែងកថាក្នុងអង្គជំនួប លោក ត្រឹន អាញ់ យុង អនុប្រធានគណៈកម្មធិការប្រជាជនខេត្តត្រាវិញបានផ្ញើកថាអបអរសាទរទិវាគ្រូបង្រៀនដល់លោកគ្រូ អ្នកគ្រូ។ លោកមានការកត់សំគាល់និងស្ងើចសសើរចំពោះលទ្ធផលដែលគ្រូនិងសិស្សនៃសាកលវិទ្យាល័យត្រាវិញទទួលបានក្នុងឆ្នាំសិក្សាកន្លងហើយ។
អនុប្រធានខេត្តបានមានប្រសាសន៍ថា: ថ្នាក់ដឹកនាំខេត្តវាយតម្លៃខ្ពស់ទៅលើការដឹកនាំ និងចង្អុលការ របស់ថ្នាក់ដឹកនាំសាលា; ការខិតខំប្រឹងប្រែងឥតឈប់ឈរ របស់គ្រូបង្រៀនគ្រប់ជំនាន់ក្នុងការសិក្សារៀនសូត្រ លើកកំពស់ចំណេះដឹងដោយខ្លួនឯង ការខិតខំកែលម្អវិធីសាស្រ្តបង្រៀននិងការវិនិយោគ ក្នុងការស្រាវជ្រាវវិទ្យាសាស្រ្ត… សម្មភាពនេះបានរួមចំណែកក្នុងវិស័យអប់រំរបស់ខេត្តទាំងមូលយ៉ាងមានប្រសិទ្ធិភាព។
លោកក៏បានលើកឡើងនូវ ភារកិច្ចសំខាន់ៗមួយចំនួននៅក្នុងឆ្នាំសិក្សានេះហើយបានស្នើឱ្យបុគ្គលិកគ្រូបង្រៀននិងនិស្សិតបន្តការអនុវត្តន៍ដើម្បីទទួលលទ្ធផលជោគជ័យ ដើម្បីជំរុញសាកលវិទ្យាល័យត្រាវិញរីកចំរើនសមនឹងភារកិច្ចថ្មី ស្របនឹងតម្រូវការឧស្សាហូបនីយកម្មនិងទំនើបភាវូបនីយកម្មផ្សារភ្ជាប់ ជាមួយការអភិវឌ្ឍសេដ្ឋកិច្ច សមាហរណកម្មអន្តរជាតិនៃប្រទេសជាតិនិយាយរួម និងខេត្តត្រាវិញនិយាយដោយឡែក។
ពិធីជួបជុំនេះ ក៏បានបង្ហាញឃើញនូវគំរូបុគ្គលិករាជការ សាស្រ្តាចារ្យនៃសាលា ដែលបានទទួលប័ណ្ណសរសើររបស់រដ្ឋាភិបាល ប័ណ្ណសរសើររបស់ប្រធានគណៈកម្មាធិការប្រជាជនខេត្តដែលបានបំពេញភារកិច្ចឆ្នើមក្នុងការបណ្តុះបណ្តាលស្រាវជ្រាវវិទ្យាសាស្ត្រក៏ដូចជាការរួមចំណែកនៃការអភិវឌ្ឍវិស័យអប់រំប្រទេសជាតិ។
សុខ ខើយ