មហាវិទ្យាល័យវិទ្យាសាស្ត្រមូលដ្ឋាននិងមហាវិទ្យាល័យគីមីអនុវត្តនៃសាកលវិទ្យាល័យត្រាវិញទើបបានរៀបចំពិធីប្រឹក្សាផ្ដល់យោបល់ចិត្តសាស្ត្រនិងតម្រង់ទិសដៅអាជីពអោយសិស្សសាលាវិទ្យាល័យភូតឹម, សាលាអនុវិទ្យាល័យ វ៉ុងធើម និងសាលាអនុវិទ្យាល័យភូតឹននៅស្រុកចូវថាញ់ខេត្តសុកត្រាំងកាលពីថ្ងៃទី២៥ខែវិច្ឆិកាកន្លងហើយនេះ។
ក្នុងរយៈពេលជួបជុំសិស្សនៅតាមសាលា ប្អូនៗទាំងអស់ត្រូវបានលោកគ្រូ អ្នកគ្រូនៃសាកលវិទ្យាល័យត្រាវិញប្រឹក្សាផ្ដល់យោបល់អំពីបញ្ហាចិត្តសាស្ត្រ ដោះស្រាយចំងល់អោយប្អូនៗអំពីបញ្ហាក្នុងរឿងស្នេហា ក្នុងការសិក្សា ក្នុងទំនាក់ទំនងមិត្តភក្ដិ សេចក្ដីសេហារវាងគ្រូនិងសិស្ស ហើយនឹងបណ្ដាបញ្ហាចិត្តសាស្ត្រនៃវ័យ និងភេទ។ ជាពិសេសគណៈប្រតិភូបានណែនាំចង្អុលផ្លូវប្អូនៗ ដោយការឧទ្ទេសនាមបណ្ដាមុខជំនាញដែលសង្គមកំពុងមានតម្រូវការក៏ដូច សក្ដានុភាពនិងឱកាសការងារនៅថ្ងៃអនាគត។
លោក ង្វៀន វ៉ាន់ សៅរ៍ ព្រឹទ្ធបុរសនៃមហាវិទ្យាល័យវិទ្យាសាស្ត្រមូលដ្ឋានបានអោយដឹងថា៖ ឆ្លងកាត់ការប្រឹក្សាផ្ដល់យោបល់និងតម្រង់ទិសដៅអាជីពនេះបានចូលរួមការរម្ងប់ស្មារតីនិងអារម្មណ៍ប្អូនៗជួយ សិស្សឱ្យសំរេចបានក្តីសុបិន្តនិងប្រាថ្នារបស់ពួកគេនិងជួយអោយប្អូនៗមានការជម្រើសល្អប្រសើរសម្រាប់អាជីពរបស់ខ្លួននាពេលអនាគត។
នៅសាលាវិទ្យាល័យ ភូតឹម បណ្ដាគ្រូបង្រៀនទាំងអស់ត្រូវបានគណៈប្រតិភូចែករំលែកអំពីវិធីសាស្ត្របង្រៀនល្អប្រសើរនិងសិល្បៈបង្រៀនអោយសិស្សមានដកពិសោធន៍ក្នុងជីវិត លើកកម្ពស់គុណភាពបង្រៀន ដោះស្រាយរាល់ការលំបាករបស់និស្សិតក្នុងរយៈកាលសិក្សា។ ឆ្លងតាមនោះ ក៏បានជួយអោយគ្រូបង្រៀនទាំងអស់ក្ដាប់យកបានចិត្តគំនិត្យរបស់សិស្សម្នាក់ៗដើម្បីទប់ស្កាត់ទាន់ពេលរាល់សកម្មភាពអវិជ្ជមានឥទ្ធិពលដល់ការសិក្សានិងការរស់នៅប្រចាំថ្ងៃរបស់ប្អូនៗ។
តាមការបញ្ជាក់នៃគណៈប្រតិភូ ការជួបជុំនេះត្រូវទទួលបានការចាប់អារម្មណ៍របស់សិស្សនិស្សិតនិងកងជួគ្រូបង្រៀន ជួយអោយប្អូនៗយល់បន្ថែមអំពីបញ្ហាផ្លូវចិត្ត តម្រង់ទិសដៅអាជីពអោយប្អូនៗជួយប្អូនៗមានបន្ថែមនូវកម្លាំងចិត្តដើម្បីសិក្សាបានល្អជាងនេះ។ ចំណែកខាងគ្រូបង្រៀនវិញនឹងជួយបន្ថែមបទពិសោធន៍អំពីវិធីសាស្ត្របង្រៀនអោយល្អប្រសើរនិងផ្ដល់នៅបំណិនក្នុងការរស់នៅអោយសិស្សសាលា។
ម៉្យាងវិញទៀតននេះជាសកម្មភាពដើម្បីផ្សារភ្ជាប់រវាងបណ្ដាមហាវិទ្យាល័យជាមួយនឹងសាលាវិទ្យាល័យក្នុងនិងក្រៅខេត្ត ផ្ដល់ពត៌មានអំពីសាកលវិទ្យាល័យត្រាវិញដល់ប្អូនៗក៏ដូចជាគោលនយោបាយសិក្សា កម្មវិធីបណ្ដុះបណ្ដានិងសកម្មភាពជម្រើសនិស្សិតរបស់សាលាក្នុងឆ្នាំសិក្សាខាងមុខ។
ឱកាសនេះ គណៈប្រតិភូបានជូនអាហារូបករណ៍ចំនួន៦ចំណែកដល់សិស្សសាលាវិទ្យាល័យភូតឹម សាលាអនុវិទ្យាល័យវ៉ុង ធើម សាលាអនុវិទ្យាល័យ ភូតឹន ដែលស្ថានភាពគ្រួសារក្រលំបាក់តែមានការខិតខំក្នុងការសិក្សា។
សុខ ខើយ