ពង្រីកការយល់ដឹងនៃបំណងប្រាថ្នា របស់និស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 05 ធ្នូ 2017
- ចុចដង៖ 552
រាត្រីថ្ងៃទី ២៩ វិច្ឆកា ២០១៧ សាកលវិទ្យាល័យត្រាវិញបានរៀបចំសន្និសីទសំណេះសំណាលចំពោះនិស្សិតស្នាក់នៅអន្តេវាសិកដ្ឋាននៅមហាសាល B71.102 នៃសាកលវិទ្យាល័យត្រាវិញ។ លោកស្រី ថាច់ ធី យ៉ឹន សាកលវិទ្យាធិការីរងអញ្ជើញចូលរួមធ្វើជាអធិបតីអង្គសន្និសីទ។
លោក ផាន ហឺវ ភុក ប្រធានគ្រប់គ្រងអន្តេវាសិកដ្ឋាន
អង្គសន្និសីទមានការទាក់ទាញនិស្សិតចាប់អារម្មណ៍ច្រើន មានចំនួននិស្សិតចូលរួមជាង ៣០០រូប និងការចូលរួមរពីគណៈគ្រប់គ្រងអន្តេវាសិកដ្ឋាន អ្នកដឹកនាំបណ្តាការិយាល័យ អង្គភាពដែលមានតួនាទីបម្រើសេវាកម្មសម្រាប់និស្សិត។
លោកស្រី ថាច់ ធី យ៉ឹន សាកលវិទ្យាធិការីរងបានបញ្ជាក់ថា៖ “សាលាតែងតែផ្តល់ទីកន្លែងសិក្សាដ៏ស្និទ្ធស្នាល បរិស្ថាន“សាលាពណ៌ប៉ៃតង” គួរជាទីទុកចិត្តសម្រាប់ការសិក្សា និងស្រាវជ្រាវរបស់និស្សិត រួមកម្លាំងស្ថាបនាខឿនសិក្សាសម្រាប់សហគមន៍។»
នៅអង្គសន្និសីទ មានសំនួរ ចម្ងល់ គំនិត បំណងប្រាថ្នារបស់និស្សិតបានលើកឡើងជាច្រើន និងទទួលបានការឆ្លើយតបដោយអស់ពីចិត្តរបស់អ្នកគ្រប់គ្រង អង្គភាពនានាដែលជាប់ពាក់ព័ន្ធ។
កិច្ចសំណេះសំណាលផ្តោតទៅលើបញ្ហាជុំវិញអំពីបរិស្ថាន គុណភាពបន្ទប់ស្នាក់នៅក្នុងអន្តេវាសិកដ្ឋាន គុណភាពសន្តិសុខ ដំណោះស្រាយជាក់ស្តែងនិងមធ្យោបាយ ដែលបានលើកឡើងដើម្បីធានាបរិស្ថានស្នាក់នៅកែលម្អឡើងថែមទៀត សម្រាប់និស្សិត។
មិត្ត ឡេ ធី ហៀន និស្សិតមុខជំនាញឱសថឆ្នាំទី២ មានប្រសាសន៍ថា៖ “កិច្ចសំណេះសំណាលបានផ្តល់ឱកាសឲ្យនិស្សិតមានយោបល់ គំនិតស្ថាបនានិងលើកឡើងនូវការកង្វះខាត់ដែលសាកលវិទ្យាល័យត្រាវិញទំនុកបំរុងបន្ថែមទៀត។ ម្យ៉ាងវិញទៀតគណៈគ្រប់គ្រងអន្តេវាសិកដ្ឋានបានស្តាប់នូវ មតិយោបល់របស់និស្សិត ដើម្បីមានវិធានការ ទិសដៅសមស្រប ទៅនឹងតម្រូវការចាំបាច់របស់និស្សិត ក៏ដូចផ្គត់ផ្គងបណ្តាសេវាកម្មដ៏ល្អសម្រាប់និស្សិត។”
អង្គសន្និសីទបានការយកចិត្តទុកដាក់ខ្ពស់ពីគណៈកម្មការសាកលវិទ្យាល័យត្រាវិញដើម្បីយល់ដឹងពីបំណងប្រាថ្នារបស់និស្សិត។ ឆ្លងតាមការស្នើនោះ ទើបមានយន្តការផ្លាស់ប្តូរ កែលម្អឲ្យបានត្រឹមត្រូវ ដើម្បីធានានិស្សិតមួយថ្ងៃកាន់តែទទួលបានសេវាអប់រំល្អត្រឹមត្រូវនិងទំនើបសុខសន្តិភាព។
ដា វី
