ក្រុមគ្រូបង្រៀននិងសិស្សសាលាវិទ្យាល័យ វ៉ិញ គីម ខេត្តតៀនយ៉ាង អញ្ជើញមកទស្សនានៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 មករា 2018
- ចុចដង៖ 522
ព្រឹកថ្ងៃទី៣១ ធ្នូ មានគ្រូបង្រៀននិងសិស្សានុស្សិសជាង៣២០រូប តំណាងគណៈអធិការ សហជីព សម្ព័ន្ធយុវជនសាលាវិទ្យាល័យ វ៉ីញ គីម ខេត្តតៀនយ៉ាងបានមកទ្សនានិងចូលរួមអង្គវេទិកាប្រឹក្សាកំណត់អាជីព នៅសាកលវិទ្យាល័យត្រាវិញ។
នៅទីនេះក្រុមគ្រូបង្រៀននិងសិស្សទាំងឡាយ បានថ្នាក់ដឹកនាំសាកលវិទ្យាល័យត្រាវិញឧទ្ទេសនាមនិងនាំទស្សនា បណ្តាអគារមហាវិទ្យាល័យ បន្ទប់ពិសោធន៍ បណ្ណាល័យ អន្តេវាសិកដ្ឋាននិងពហុព្យាបាលដ្ឋានរបស់សាកលវិទ្យាល័យ។ល។
ក្នុងកិច្ចពិគ្រោះយោបល់កំណត់អាជីពបានប្រព្រឹត្តឡើងនៅមហាសាល១០០០កន្លែង ប្អូនៗបានផ្តោះប្តូរសិល្បៈជាមួយនឹងបងៗនិស្សិតសាកលវិទ្យាល័យត្រាវិញ។ អ្នកតំណាងបណ្តាការិយាល័យ មហាវិទ្យាល័យបានណែនាំជាទូទៅរបស់សាកលវិទ្យាល័យត្រាវិញ ផ្តល់ពត៌មានដល់គ្រូបង្រៀននិងប្អូនៗសាលាវិទ្យាល័យ វ៉ិញ គីម អំពីមុខជំនាញណាដែលជ្រើសរើសបណ្តុះបណ្តាល ជ្រើសរើសនិស្សិតឆ្នាំ២០១៨របស់សាកលវិទ្យាល័យត្រាវិញ។
លោក ង្វៀន ឌុង ខើយ ប្រធានការិយាល័យផ្សព្វផ្សាយរបស់សាកលវិទ្យាល័យត្រាវិញ ក៏បានណែនាំដល់ប្អូនៗសិស្សានុសិស្សអំពីគោលនយោបាយសិក្សាមួយចំនួនរបស់សាកលវិទ្យាល័យ។ ចែករំលែកបន្ថែមអំពីសក្តានុពល និងឱកាសការងារនៅមុខរបរមួយចំនួនដែលសាកលវិទ្យាល័យកំពុងបណ្តុះបណ្តាល។ ប្អូនៗនៃសាលាវិទ្យាល័យ វ៉ិញ គីម ដែលបានមកទស្សនានិងចូលរួមពិគ្រោះយោបល់កំណត់អាជីពនៅសាកលវិទ្យាល័យ។
លោកគ្រូ ឡេ ដាក់ ថាំង អានុលេខាធិការនៃសាលាវិទ្យាល័យ វ៉ិញ គីម បានឱ្យដឹងថា ក្នុងពេលទស្សនាសាកលវិទ្យាល័យត្រាវិញលើកនេះ មានសិស្សថ្នាក់ទី១២ចំនួន៥០រូប ក្រៅពីនោះគឺថ្នាក់ទី១១។ ប្អូនៗមានតម្រូវការមកទស្សនា សាកលវិទ្យាល័យនិងគូបផ្សំទស្សនានៅបូជនីយដ្ឋាន ហូ ជី មិញ ឃុំ ឡុង ឌឹក ទីក្រុងត្រាវិញ។
ឆ្លងតាមការទស្សនានេះ អ្នកគ្រូ ង្វៀន ធី ឡេ ហា វិទ្យាធិការរងនៃវិទ្យាល័យ វ៉ិញ គីម មានបំណងឱ្យប្អូនៗរបស់សាលាបានសិក្សាពិសោធន៍ជាក់ស្តែងនិងផ្តោះប្តូរជាមួយនិស្សិតសាកលវិទ្យាល័យត្រាវិញ ដើម្បីកំណត់ទិសដៅសម្រាប់ខ្លួនឯងក្នុងការជ្រើសរើសមុខជំនាញ ជ្រើសរើសសាលាបានសមស្របក្នុងអនាគត។
បានដឹងថា ការគួបផ្សំក្នុងលើកនេះ ក្រុមគ្រូបង្រៀននិងសិស្សបានទស្សនាកេរ្តិ៍ដំណែលប្រវត្តិសាស្ត្រមួយចំនួនក្នុងខេត្តត្រាវិញដូចជា៖ បូជនីយដ្ឋាន ហូ ជី មិញ នៅឃុំឡុង ឌឹក ទីក្រុងត្រាវិញ រម្មណីយដ្ឋានគូស្រះស្រី វត្តកំពង់និគ្រោធ(កំពង់ជ្រៃ)។ល។
ដា វី
