កិច្ចពិភាក្សាសហការរវាងសហគ្រិនជប៉ុននិងសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 15 មករា 2018
- ចុចដង៖ 682
(TVU)- ថ្ងៃទី១២ មករា ឆ្នាំ ២០១៨ មជ្ឈមណ្ឌលបម្រើសេវាការងារ នៃសាកលវិទ្យាល័យត្រាវិញបានទទួលស្វាគមន៍គណៈប្រតិភូនៃសម្ព័ន្ធសមាគមជំរើសពលកម្មថែទាំជំងឺ របស់ខេត្ត Okayama សមាគម Techno Meito (ជប៉ុន)និងក្រុមហ៊ុនផ្គត់ផ្គង់ធនធានមនុស្ស ពាណិជ្ជកម្មអន្តរជាតិបានអញ្ជើញមកទស្សនានិងជួបពិភាក្សាការងារនៅសាកលវិទ្យាល័យត្រាវិញ។
លោក Kashimoto Yukinori ប្រធានសមាគមទទួលបុគ្គលិកថែទាំសុខភាពខេត្ត Okayama តំណាងនៃគណៈប្រតិភូរួមជាមួយលោកយឿង ក្វាង ង៉ុក អនុប្រធាននៃមន្ទីរពលកម្មយុទ្ធជនពិការនិងសង្គមកិច្ចខេត្តត្រាវិញ, ថ្នាក់ដឹកនាំនៃមជ្ឈមណ្ឌលបម្រើសេវាការងារនៃសាកលវិទ្យាល័យត្រាវិញមានកិច្ចជួបពិភាក្សាការងារផ្នែកថែទាំសុខភាពនិងកសិកម្មជលវប្បកម្មនៅជប៉ុនក៏ដូចជាតម្រូវការការងារលើវិស័យនេះនៅត្រាវិញ។
តំណាងនៃគណៈប្រតិភូលោក Kashimoto Yukinori បានធ្វើបទបង្ហាញ់នូវតម្រូវការការងារផ្នែកថែទាំសុខភាពនិងកសិកម្មជលវប្បកម្មនៅជប៉ុននាបច្ចុប្បន្ន លក្ខខណ្ឌនិស្សិតអាចធើ្វការនៅជប៉ុន។ លោកមានប្រសាសន៍ថា និស្សិតសាកលវិទ្យាល័យត្រាវិញអាចទៅជប៉ុនធើ្វការតាមមុខជំនាញដែលបានសិក្សាចាប់ពី ៣ ទៅ៥ ឆ្នាំនិងអាចរៀនបន្ថែមទៀតដើម្បីយកវិញ្ញាបនបត្ររបស់ប្រទេសជប៉ុនតាមមុខជំនាញកំពុងសិក្សា។
លោក យឿង ក្វាង ង៉ុក នាយករងនៃ មន្ទីរពលកម្មយុទ្ធជនពិការនិងសង្គមកិច្ចខេត្តត្រាវិញស្នើចំពោះដៃគូអោយផ្តល់ពត៌មានផែនការការងារជំរើសបុគ្គលិកជាក់សែ្ដង។ ម្យ៉ាងវិញទៀត ជំរុញរៀបចំបណ្ដាសិក្ខាសាលាតម្រង់ទិសដៅវិជ្ជាជីវៈ ដល់និស្សិតសាកលវិទ្យាល័យត្រាវិញដើម្បីភាគីត្រាវិញដាក់ផែនការរៀបចំបណ្ដុះបណ្ដាលធនធានមនុស្សមានចំណេះវិជ្ជានិងគ្រប់សមត្ថភាពដើម្បីឆ្លើយតបនូវតម្រូវការការងារ។
លោក ង្វៀន យី នាយករងនៃមជ្ឈមណ្ឌលបម្រើសេវាការងារ តំណាងសាកលវិទ្យាល័យត្រាវិញមានប្រសាសន៍ថា ធនធានពលកម្មដែលបានបណ្ដុះបណ្ដាលនៅសាកលវិទ្យាល័យត្រាវិញលើគ្រប់វិស័យ និងមានសមត្ថភាពគ្រប់គ្រាន់ឆ្លើយតបនូវតម្រូវការការងារ។ លោកមានទំនុកចិត្តថាភាគីទាំងនឹងបន្តសហការដើម្បីពិនិត្យសារឡើងវិញនូវតម្រូវការជាក់ស្តែងនៃភាគីទាំងពីរនាពេលខាងមុខ។
សឺន ធី លីញ