មហាវិទ្យាល័យសេដ្ឋកិច្ច -ច្បាប់៖ បំពេញបំណិនមូលបត្រនិងទីផ្សារមូលបត្រដល់និស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 27 មករា 2018
- ចុចដង៖ 504
ថ្ងៃទី ២៥ មករាលោក ង៉ូ គ្វួក ថាំង និង លោក ត្រឹង ក្វាង វ៉ូ ជាអ្នកឯកទេសមូលបត្រនៃគណៈកម្មការមូលបត្ររដ្ឋនៅទីក្រុង ហូ ជី មិញ បានមកដោះដូរបទពិសោធបំណិនអំពីមូលបត្រនិងទីផ្សារមូលបត្រដល់និស្សិតមហាវិទ្យាល័យសេដ្ឋកិច្ច - ច្បាប់នៅសាកលវិទ្យាល័យត្រាវិញ។
មាននិស្សិតចូលរួមប្រមាណជាង ៧០ រូប នៅគ្រប់ផ្នែកសេដ្ឋកិច្ច គ្រប់គ្រងពាណិជ្ជកម្ម ហិរញ្ញវត្ថុធនាគារ។ ពួកគេពេញចិត្តចំពោះបណ្ដាបំណិនដែលអ្នកឯកទេសបានចែករំលេក។
មិត្ត ឡេ ត្រឹង ហ្វៀន ត្រឹន និស្សិតផ្នែកគ្រប់គ្រងពាណិជ្ជកម្ម ឆ្នាំ ២០១៥ បានឲ្យដឹងថា៖ “ក្នុងកម្មវិធីនេះខ្ញុំទទួលបានបំណិនអំពីមូលបត្រ ទីផ្សារមូលបត្រផ្តល់ភាពជឿជាក់លើការវិភាគនិងការស្រាវជ្រាវបន្ថែម ចែករំលែកនូវបទពិសោធន៍ បណ្ដាពត៌មានទិន្នន័យពាក់ព័ន្ធការដោះដូរមូលបត្រ។ ម្យ៉ាងវិញទៀតជួយឲ្យខ្ញុំរំលឹកនូវមេរៀននិងក្រេបបានបំណិនថ្មីៗសម្រាប់មុខជំនាញ។
និស្សិតគ្រប់រូបទទួលបានការចែករំលេកពីលោក ត្រឹង ក្វាង វ៉ូ បានណែនាំ និងបង្ហញ់និស្សិតនូវការដោះដូរក៏ដូចជាបណ្ដាអត្ថប្រយោជន៍និងឧបសគ្គរបស់ទីផ្សារមូលបត្រ។
លោកបនែ្ថមថា “ពេលពួកប្អូនចាប់បាននូវបំណិនអំពីមូលបត្រ ទីផ្សារមូលបត្រអាចជួយប្អូនៗមានឱកាសការងារនៅបណ្ដាស្ថាប័នមូលបត្ររដ្ឋ ឬបណ្ដា
សហគ្រាស ក៏អាចជាអ្នកវិនិយោគ ឬអ្នកប្រតិបត្តិទទួលបានជោគជ័យក្នុងអនាគត”។
បណ្ឌិត ឡេ ធី ធូ យ៉េម ព្រឹទ្ធបុរសរងនៃមហាវិទ្យាល័យ សេដ្ឋកិច្ច - ច្បាប់ឲ្យដឹងថា៖ បច្ចុប្បន្ននេះ វិស័យមូលបត្រកាន់តែជិតស្និទ្ធជាមួយពួកយើង ពិសេសចំពោះនិស្សិតមានមុខជំនាញខាងសេដ្ឋកិច្ច ប៉ុនែ្តដើម្បីក្លាយជាប្រតិបតិ្តករជំនាញ បន្តដំណើរឈានចូលទីផ្សារមូលបត្រក្នុងអនាគត យើងត្រូវតែមានបំណិនជាច្រើន ឆ្លងកាត់នូវបទពិសោធន៍។
នេះជាឱកាសដើម្បីជួយឲ្យនិស្សិតបនែ្ថមនូវបំណិនរបស់ខ្លួនក៏ដូចជាបានដោះដូរយោបល់និងស្ដាប់បណ្ដាអ្នកឯកទេស ដែលមានបទពិសោធន៍ លើវិស័យមូលបត្រ ម្លោះហើយនិស្សិតបានដឹងអំពីបទបញ្ញត្តិថ្មីៗអនុវត្តក្នុងការងារនូវពេលខាងមុខ។
សឺន ធី លីញ