គម្រោងការណ៍ឥណទានខ្នាតតូចដំណាក់កាលទី៤៖ បើកបញ្ចេញប្រាក់៤០០ លានដុងសម្រាប់គ្រួសារក្រីក្រ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 កុម្ភៈ 2018
- ចុចដង៖ 553
ល្ងាចថ្ងៃទី ០១ កុម្ភៈនៅសាកលវិទ្យាល័យត្រាវិញ គ្រួសារមានជីវភាពលំបាកនៅខេត្តត្រាវិញចំនួន ១០០ គ្រួសារទើបទទួលបានផលប្រយោជន៍ពីគម្រោងការណ៍ឥណទាន ដោយមានទឹកប្រាក់ចំនួន ៤០០លានដុង។
បណ្ដាគ្រួសារបានបើកប្រាក់ចំណាយក្នុងដំណាក់កាលទី៤ រួមមានឃុំ ហ្វាឡើយ ឃុំហឹងម៉ី ឃុំឡឿងហ្វា(ចូវថាញ់) ឃុំចូវឌៀន (កូវកែ)និងសង្កាត់ទី៧ (ទីក្រុងត្រាវិញ)។ ស្ថានភាពគ្រួសារដែលទទួលបានការវិនិយោគទុនគឺជាគ្រួសារមានស្ត្រីក្នុងអាយុពលកម្ម គ្រួសារចិញ្ចឹមកូនរៀនសូត្រ ឬអ្នកដែលបានសមាគមនារីឧទ្ទេសនាមឡើង។
ក្នុងដំណាក់កាលទី៤ គម្រោងការណ៍នេះបានអង្គភាពមូលនិធិសប្បុរសធម៌បញ្ញាខេត្តត្រាវិញ បន្តអនុវត្តនិងចុះកិច្ចព្រមព្រៀងប្រគល់ឱ្យសាកលវិទ្យាល័យត្រាវិញគ្រប់គ្រង ដោយគោលបំណងរូមដៃកាត់បន្ថយភាពក្រីក្រក្នុងតំបន់ ជួយបង្កើនសមិទ្ធិផលដល់កសិករ ស្ងប់អារម្មណ៍ក្នុងជីវភាពនិងចាកផុតភាពក្រីក្រ។
លោក ឡឹម ហ្វាង ឡុក ប្រធានមូលនិធិសប្បុរសធម៌បញ្ញាខេត្តត្រាវិញឲ្យដឹងថា៖មូលនិធិសប្បុរសធម៌បញ្ញាខេត្តត្រាវិញនិងជំនួយមូលនិធិមីក្រូឥណទានពី ៣០០ ដល់ ៤០០ លានដុង។ លោកមានបំណងថាគម្រោងការណ៍នេះនឹងជំនួយទុនដល់គ្រួសារនីមួយៗ លើសពីកម្រិត ៧,៥ លានដុង គឺថាប្រៀបលើសដំណាក់កាលទី៣ ដើម្បីឱ្យក្រុមគ្រួសារសម្រេចបាននូវគោលការផលិត មីក្រូសេដ្ឋកិច្ចនិងមានប្រសិទ្ធិភាព។
លោកមានទំនុកចិត្តថានៅថ្ងៃអនាគត គម្រោងការណ៍នឹងអភិវឌ្ឍថែមទៀត គឺមានន័យថាទឹកប្រាក់ជំនួយឲ្យមូលនិធិមីក្រូឥណទានក៏កើនលើងក្នុងដំណាក់កាលបន្តរទៀត។
យោងតាមរបាយការណ៍នៅដំណាក់កាលទី៣ គណកម្មការគ្រប់គ្រងគម្រោងការណ៍បានឲ្យដឹងថា ក្រោមពីការអនុវត្តអស់រយៈពេល៦ឆ្នាំ គម្រោងការណ៍បានផ្ដល់ផលប្រយោជន៍យ៉ាងច្រើន មានដើមទុនក្នុងការបង្កបង្កើនផលដោយស្ថេរភាពសម្រាប់កសិករ។
លោកបណ្ឌិត ង្វៀន តៀន យុង អនុប្រធានក្រុមប្រឹក្សាភិបាលនៃសាកលវិទ្យាល័យត្រាវិញ និងជាប្រធានគណកម្មការគ្រប់គ្រងគម្រោងការណ៍បានមានប្រសាសន៍ថា៖ "ឆ្លងកាត់ដំណើរការអនុវត្តគម្រោងគ្មានគ្រួសារណាបរាជ័យ។ ជាមួយនឹងភាពជោគជ័យនេះ គម្រោងនឹងបន្តដំណាក់កាលថ្មីឧបត្ថម្ភដោយសមាគមទ្រទ្រង់ប្រពៃណីវៀតណាម "
ក្រៅពីវិនីយោគទុនឲ្យបងប្អូនផលិត មហាវិទ្យាល័យកសិកម្ម ជលវប្បកម្មរបស់សាកលវិទ្យាល័យត្រាវិញជំនួយនូវបច្ចេកវិទ្យាដល់បណ្ដាគ្រួសារ ដើម្បីបង្ការបានជំងឺលើសត្វចិញ្ចឹម ដំណាំឈើហូបផ្លែ រូមចំណែកសម្រេចជោគជ័យនៃគម្រោងការណ៍។
នៅទីនេះ គណៈកម្មការសាកលវិទ្យាល័យត្រាវិញបានថ្លែងអរគុណដល់ម្ចាស់ឧបត្ថម្ភនៃគម្រោងការណ៍បានរូមចំណែកជាមួយនឹងសាកលវិទ្យាល័យត្រាវិញ បានអនុវត្តនិងសម្រេចជោគជ័យផែនការក្នុងរយៈកាលកន្លង និងសង្ឃឹមទទួលបានការយកចិត្តទុកដាក់របស់បណ្ដាសប្បុរសជនទាំងឡាយបន្តរការឧបត្ថម្ភដល់គ្រួសារមានជីវភាពលំបាក់រួមចំណែកកាត់បន្ថយភាពក្រីក្ររបស់ខេត្តត្រាវិញ៕
សឺន ធី លីញ