បណ្ឌិតសាស្រ្តាចារ្យ ង្វៀន ធៀន ញ៉ឹន ប្រគល់ជូនអាហារូបករណ៍ដល់និស្សិតសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 កុម្ភៈ 2018
- ចុចដង៖ 562
នាឱកាសបំពេញទស្សនកិច្ចនៅត្រាវិញ ថ្ងៃទី ៣ មករា ២០១៨ បណ្ឌិតសាស្ត្រាចារ្យ ង្វៀន ធៀន ញ៉ឹន សមាជិកនៃការិយាល័យនយោបាយមជ្ឈិម និងជាលេខាធិការនៃគណកម្មាធិការបក្សទីក្រុងហូជីមិញ បានប្រគល់ជូនអាហារូបការណ៍ចំនួន៥ ចំណែកដល់និស្សិតសាលវិទ្យាល័យត្រាវិញ។
មានប្រសាសន៍ក្នុងអង្គជំនួប បណ្ឌិតសាស្ត្រាចារ្យ ង្វៀន ធៀន ញ៉ឹន មានទំនុកចិត្តលើក្មួយៗនិស្សិតនៃសាកលវិទ្យាល័យត្រាវិញ ពួកគេតែងមានគោលជំហរជឿជាក់លើស្មារតីសិក្សាស្រាវជ្រាវជំនះរាល់ឧបសគ្គរួមចំណែកកសាងមាតុភូមិត្រាវិញកាន់តែអភិវឌ្ឍឡើង។
និស្សិតទាំង៥រូបនោះរួមមាន៖ ង្វៀន ស្វឹន ថៅរ៍, ឃឺវ តៀន ភុង, ផាម ធី គីម ស្វៀន, ថាច់ សុឫទ្ធិ , ត្រឹន យឿង យ៉េវ ហាំង ពួកគេគឺជានិស្សិតចំណុះមហាវិទ្យាល័យវេជ្ជសាស្ត្រ និងឱសថ។
ឱកាសនេះដែរលោកបណ្ឌិតសាស្ត្រាចារ្យក៏បានអញ្ជើញទៅទស្សនាការិយាល័យមូលនិធិអាហារូបករណ៍បណ្ឌិតសាស្ត្រាចារ្យ ង្វៀន ធៀន ថាញ់ និងប្រសិទ្ធិពរឆ្នាំថ្មីដល់សាស្ត្រាចារ្យ សិស្សនិងនិស្សិតសាកលវិទ្យាល័យត្រាវិញ។
មូលនិធិបណ្ឌិតសាស្ត្រាចារ្យ ង្វៀន ធៀន ថាញ់ជាមូលនិធិអាហារូបការណ៍មួយដែលធំបំផុតនៅត្រាវិញបានបង្កើតនៅខែកុម្ភៈឆ្នាំ ២០១០។ បច្ចុប្បន្នមូលនិធិនេះទទួលបានការយកចិត្តទុកដាក់ជាច្រើនពីសំណាក់អ្នកសប្បុរសធម៌ និងអង្គភាពនៅក្នុងនិងក្រៅខេត្ត ហើយទទួលបានទឹកប្រាក់ជាង ១០ កោដដុង។ ជារៀងរាល់ឆ្នាំមូលនិធិនេះបានប្រគល់ជូនអាហារូបករណ៍ដល់សិស្សនិងនិស្សិតដែលជំនះការលំបាកនិងឈានឡើងក្នុងការសិក្សា។
ការិយាល័យមូលនិធិនេះបានបើកសម្ពោធដាក់ឱ្យដំណើរការនៅខែកញ្ញា ២០១៦ ស្ថិតនៅមហាវិទ្យាល័យវេជ្ជសាស្ត្រនិងឱសថនៃសាកលវិទ្យាល័យត្រាវិញ ខាងក្នុងការិយាល័យមានតាំងវត្ថុនិងពត៌មានជាច្រើនទាក់ទងដល់ប្រវត្តសង្ខេបនៃសកម្មភាពរបស់វិរៈភាពនៃបណ្ឌិតសាស្ត្រាចារ្យ ង្វៀន ធៀន ថាញ់។
ហ្វិញ សាង
