ក្រុមហ៊ុន FPT ត្រាវិញជំរើសនិស្សិតធ្វើកម្មសិក្សា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 07 កុម្ភៈ 2018
- ចុចដង៖ 788
ថ្ងៃទី០១ កុម្ភៈ ក្រុមហ៊ុន FPT ត្រាវិញបានជួបសំណេះសំណាលជាមួយនិស្សិតសាកលវិទ្យាល័យត្រាវិញដើម្បីស្វែងរកបុគ្គលិកស្មគ្រចិត្តក្នុងកម្មវិធី “ជំរើសនិស្សិតធ្វើកម្មសិក្សា” នៅទីស្នាក់ការកណ្តាល។
កម្មវិធីបានទាក់ទាញនិស្សិតចូលរួមជាង១០០រូប មានសំនួរជាច្រើនរបស់និស្សិតបានដាក់ជូនអ្នកតំណាងនៃក្រុមហ៊ុន អំពីក្របខណ្ឌ និងគោលការណ៍ចំពោះកម្មវិធីនេះ។
អ្នកស្រី ហ្វិញ ធី ហ្វិញ ង៉ឹន ដំណាងការិយាល័យគ្រប់គ្រងបុគ្គលិកនៃក្រុមហ៊ុន FPT ត្រាវិញបានអោយដឹងថា ក្នុងរយៈកាលធ្វើកម្មសិក្សានៅក្រុមហ៊ុន និស្សិតនឹងបានបណ្តុះបណ្តាលបន្ថែមពី៖ បំណិនទំនាក់ទំនង បំណិនលក់ទំនិញ។ល។ ទន្ទឹមនឹងនោះ ពួកគេបានទទួលកិច្ចការជាក់ស្តែង ក្រៅពីនោះទៅទៀតពួកគេក៏អាចមានឱកាសបម្រើការងារនៅក្រុមហ៊ុនក្រោយពីបញ្ចប់ការសិក្សា។
ជាមួយពត៌មាននិងលក្ខខ័ណ្ឌជំរើសធ្វើកម្មសិក្សានៅក្រុមហ៊ុន FPT ត្រាវិញ មិត្ត ថាច់ ធី ធ្វី ហ្វា សិក្សានៅវិស័យអប់រំមត្តេយ្យបានអោយដឹងថា នេះជាឱកាសដ៏ល្អសម្រាប់និស្សិតគ្រប់ៗរូបនៃសាកលវិទ្យាល័យត្រាវិញ ព្រោះវាជាឱកាសសម្រាប់និស្សិតគ្រប់មុខជំនាញ។
អ្នកស្រី ង្វៀន ធី ម៉ាយ ខា ឧបនាយកនៃមជ្ឈមណ្ឌលបម្រើការងាររបស់សាកលវិទ្យាល័យត្រាវិញថ្លែងថា៖ “ឆ្លងតាមកម្មវិធីនេះ នឹងជួយអោយនិស្សិតសាកលវិទ្យាល័យស្វែងរកបានទីកន្លែងធ្វើកម្មសិក្សាបានសមស្រប ហ្វឹកហាត់បំណិនក៏ដូចជាមានឱកាសការងារល្អបំផុតក្រោយពេលបញ្ចប់ការសិក្សា”។
ក្រោយពេលបានផ្តល់យោបល់ និស្សិតច្រើនរូបក៏បានចុះឈ្មោះចូលរួមធ្វើកម្មសិក្សានៅក្រុមហ៊ុនដោយភាពជឿជាក់ ជាមួយនឹងបំណងថាបានពិសោធន៍ ហ្វឹកហាត់សម្រាប់ខ្លួនឯង បំពេញវិជ្ជាជាក់ស្តែង លើសពីនោះទៅទៀតនឹងបានក្រុមហ៊ុនទទួលជាបុគ្គលិកទៅអនាគត។
សឺន ធី លីញ