រសៀលថ្ងៃទី២៦ កុម្ភៈ មហាវិទ្យាល័យ វេជ្ជសាស្ត្រ និងឱសថ ព្រមទាំងពហុព្យាបាលដ្ឋានបានរៀបចំឡើង ពិធីជំនួបតាមប្រពៃណីនៃទិវាគ្រូពេទ្យវៀតណាម នៅសាកលវិទ្យាល័យត្រាវិញ។
ការអញ្ជើញចូលរួមពីគណៈកម្មាធិការបក្ខ គណៈនាយកសាកលវិទ្យាល័យ កងបុគ្គលិក គ្រូបង្រៀនព្រមទាំងនិស្សិតនៃពហុព្យាបាលដ្ឋាននិងមហាវិទ្យាល័យវេជ្ជសាស្ត្រ និងឱសថ បានធ្វើអោយបរិយាកាសក្នុងកម្មវិធីប្រព្រឹត្តទៅដោយភាពស្និទ្ធស្នាល។
នេះជាឱកាសសម្រាប់គ្រូពេទ្យរបស់សាកលវិទ្យាល័យត្រាវិញបានជួបជុំ ចែករំលែកភាពរីករាយនិងបទពិសោធន៍របស់ខ្លួនអំពីវិស័យដែលកំពុងដំណើរការ។ ទន្ទឹមនឹងនោះ នេះក៏ជាឱកាសដើម្បីអ្នកដឹកនាំសាកលវិទ្យាល័យជូនពរ សួរសុខទុក្ខនិងផ្តល់កម្លាំងចិត្តដល់គណៈបុគ្គលិកវេជ្ជសាស្ត្រដែលកំពុងបំពេញការងារលើវិស័យអប់រំនិងសុខាភិបាលនៅសាកលវិទ្យាល័យត្រាវិញ។
ស្ថិតនៅក្នុងពេលនោះ លោកបណ្ឌិត ផាម ថេ ហៀន ព្រឹទ្ធបុរសរងនៃមហាវិទ្យាល័យវេជ្ជសាស្ត្រ និងឱសថ ថ្លែងថា៖ "យើងខ្ញុំមានកិត្តិយសដែលបានសង្គមមានទំនុកចិត្តដោយមាននាមជាគ្រូពេទ្យ។ យើងខ្ញុំស្មោះអស់ពីចិត្តដើម្បីអ្នកជំងឺ ចាត់ទុកអ្នកជំងឺដូចជាអ្នកក្នុងគ្រួសាររបស់ខ្លួន ដើម្បីអនុវត្តអោយបានល្អដូចពាក្យបន្តាំរបស់ អុំ ហ៊ូ “គ្រូពេទ្យដូចឳពុកម្តាយ”។ យើងខ្ញុំប្តេជ្ញាចិត្តនឹងធ្វើឱ្យល្អនូវភារកិច្ចរបស់ខ្លួន ជាគំរូក្នុងសកម្មភាពទាំងឡាយ ដើម្បីឱ្យនិស្សិតយកតម្រាបតាម"។
វេជ្ជបណ្ឌិត ផាន វ៉ាន់ តិញ ព្រឹទ្ធបុរសរងនៃមហាវិទ្យាល័យវេជ្ជសាស្ត្រ និងឱសថ បង្ហាញនូវសេចក្តីរីករាយនិងជូនអំណរគុណដល់គណៈនាយកសាកលវិទ្យាល័យ អ្នកដឹកនាំស្រុក អ្នកឯកទេស បណ្តាគ្រូបង្រៀន ដែលបានយកចិត្តទុកដាក់យ៉ាងជ្រាវជ្រៅ។ នេះជាកម្លាំងចិត្តសម្រាប់កងបុគ្គលិកយើងខ្ញុំ ដែលកំពុងដំណើរការលើវិស័យអប់រំនិងសុខាភិបាលនៅសាកលវិទ្យាល័យ ដើម្បីប្តេជ្ញាចិត្តសម្រេចនូវភារកិច្ចរបស់គ្រូពេទ្យនិងជាគ្រូបង្រៀនដល់គ្រូពេទ្យអនាគត។
អញ្ជើញមកចូលរួមនៅកិច្ចជំនួប លោកបណ្ឌិតសាស្ត្រាចារ្យរង ផាម តៀត ខាញ់ លេខាធិការនៃគណៈកម្មាធិការបក្ខនិងជាសាកលវិទ្យាធិការនៃសាកលវិទ្យាល័យត្រាវិញមានប្រសាសន៍ថា៖ "បណ្តាសមាមិត្តគួរតែមោទនៈ ព្រោះយើងបានទទួលនូវការគោរពរបស់សង្គមពីកិច្ចការដ៏ឧត្តុងឧត្តមមួយនេះ និងជាអ្នកដែលស្រោចស្រង់ជីវិតអ្នកជំងឺអោយបានប្រសើរឡើងវិញ។ ស្ថិតនៅក្នុងពេលខាងមុខ ពហុព្យាបាលដ្ឋាន មហាវិទ្យាល័យ វេជ្ជសាស្ត្រ – ឱសថ នឹងបន្តអភិវឌ្ឍន៍ រៀបចំឡើងនូវអង្គសិក្ខាសាលាជាច្រើនទៀត ដើម្បីបង្កើនវិជ្ជាជំនាញដល់កងបុគ្គលិក ជាមួយនឹងពាក្យស្លោក នាំមកនូវឱកាសសុខាភិបាលមានគុណភាពសម្រាប់សមាគមន៍”។
ដា វី