ថ្ងៃទី៣ មីនា ឆ្នាំ២០១៨ វិស្វករថ្មីនិងអ្នកបរិញ្ញាបត្រថ្មីនៃផ្នែកសុខាភិបាល ច្បាប់ គណនេយ្យនិងអប់រំមតេយ្យ បានអញ្ជើញមកចូលរួមកម្មវិធីបិទវគ្គសិក្សានិងប្រគល់សញ្ញាបត្រនៅសាកលវិទ្យាល័យត្រាវិញ។ ស្ថិតនៅក្នុងកម្មវិធី មានអ្នកដឹកនាំនៃក្រុមប្រឹក្សាភិបាល នាយកសាកលវិទ្យាល័យ អ្នកតំណាងការិយាល័យ មហាវិទ្យាល័យ មជ្ឈមណ្ឌលចំណុះសាកលវិទ្យាល័យត្រាវិញ និងអ្នកដឹកនាំនៃបណ្តាអង្គភាពជាដៃគូបានសហការបណ្តុះបណ្តាលនៅតំបន់វាលរាបទន្លេគឺវឡុង ក៏អញ្ជើញចូលរួមអបអរសាទរដល់អ្នកបរិញ្ញាបត្រថ្មីនិងវិស្វករថ្មី។
លោកបណ្ឌិត ង្វៀន វ៉ាន់ ង្វៀន នាយកនៃវិទ្យាស្ថានអភិវឌ្ឍធនធានមនុស្ស - សាកលវិទ្យាល័យត្រាវិញបានអោយដឹងថា នេះជាវគ្គបណ្តុះបណ្តាលរៀនផង ធ្វើការផង សិក្សាតាមអ៊ីនធឺណិត(e-learning)និងពីចម្ងាយ។ វគ្គសិក្សាបានរៀបចំឡើងនៅបណ្តាខេត្តចំណុះតំបន់វាលរាបទន្លេគឺវឡុង។ សាកលវិទ្យាល័យក៏បានសហការជាមួយនឹងបណ្តាអង្គភាព រៀបចំឡើងវគ្គបណ្តុះបណ្តាលអោយបានត្រឹមត្រូវតាមបទប្បញ្ញត្តិដែលកំពុងអនុវត្ត។ អត្រាសិក្ខាកាមដែលបានទទួលស្គាល់បញ្ចប់ការសិក្សាក្នុងលើកនេះមាន៨៦,៥% ចំពោះចំនួនសិក្ខាកាមរួមប្រឡងបញ្ចប់ការសិក្សា។
វាយតម្លៃជាទូទៅលើវគ្គសិក្សានេះ លោកនាយកបានអោយដឹងបន្ថែមថា ភាគច្រើនសិក្ខាកាមដែលចូលរួមក្នុងវគ្គសិក្សានេះគឺមន្ត្រីរដ្ឋការដែលកំពុងបំពេញការងារនៅស្ថាប័ន អង្គភាព សហគ្រាស ទើបសាកលវិទ្យាល័យបានរៀបចំម៉ោងសិក្សាអោយសមស្របជាមួយនឹងលក្ខខណ្ឌរបស់សិក្ខាកាម។ បណ្តាសិក្ខាកាមតែងអនុវត្តតាមបទប្បញ្ញត្តិរបស់សាកលវិទ្យាល័យ ទន្ទឹមនឹងនោះ កម្មវិធីបិទវគ្គសិក្សានាថ្ងៃនេះបានសបញ្ជាក់អោយឃើញនូវរាល់ការតស៊ូដើម្បីឆ្លងកាត់ឧបសគ្គរបស់អ្នកបរិញ្ញាប័ត្រថ្មីនិងវិស្វករថ្មី។
យោងតាមស្ថិតិរបស់សាកលវិទ្យាល័យ មកដល់ខែមករា ឆ្នាំ២០១៨ មានបេក្ខសិស្សសរុប ៧២៧រូបបានបញ្ចប់ការសិក្សា ក្នុងនោះមាន ៦៩៩រូបមានការងារធ្វើ(ចំនួន៩៦,១៥%)។ ក្រៅពីនោះគឺសិក្ខាកាមមានការងារបណ្តោះអាសន្ត និងកំពុងចូលរួមកម្មវិធីសិក្សាបន្តឡើងកំរិតខ្ពស់ថែមទៀតនៅសាកលវិទ្យាល័យ។
ង្វៀន ធី ង៉ុក អៀន និស្សិតមហាវិទ្យាល័យផ្នែកគណនេយ្យ បានចែករំលេកថា ខ្ញុំមានអារម្មណ៍សប្បាយរីករាយ ព្រោះទទួលបានសញ្ញាប័ត្របញ្ចប់ការសិក្សា នេះក៏ជាលទ្ធផលនៃការតស៊ូរបស់និស្សិតគ្រប់រូប។ សាកលវិទ្យាបានដឹងឮដោយពាក្យស្លោកថា "នាំមកនូវឱកាសសិក្សាមានគុណភាពសម្រាប់សហគមន៍" ទន្ទឹមនឹងនោះសាកលវិទ្យាល័យតែងមានវគ្គសិក្សា កម្មវិធីសិក្សាគ្រប់បែប ដើម្បីសិក្ខាកាមមានឱកាសសិក្សា បង្កើនកម្រិតវិជ្ជានៅគ្រប់វិស័យ ឆ្លើយតបនូវតម្រូវការសិក្សានិងអភិវឌ្ឍមុខជំនាញសម្រាប់មនុស្សគ្រប់រូប។
អ្នកបរិញ្ញាបត្រថ្មី ង្វៀន ធី ង៉ុក អៀន បានអោយដឹងថា៖ សិក្សានៅសាកលវិទ្យាល័យត្រាវិញ យើងខ្ញុំមិនត្រឹមតែទទួលបានចំណេះដែលគ្រូបង្រៀនតាមអត្ថបទសិក្សានិងម៉ោងអនុវត្ត ក្រៅពីនោះ យើងខ្ញុំបានសិក្សានូវបទពិសោធន៍ដ៏ជ្រាវជ្រៅនិងមានតម្លៃក្នុងជីវិត បណ្តាបំណិនជំនាញ សម្រាប់ជាស្ពានដ៏មាំមួនដើម្បីឈានទៅបំពេញការងារតាមមុខជំនាញរបស់ខ្លួន។
អញ្ជើញចូលរួមក្នុងវិធីនិងប្រទានសញ្ញាបត្រដល់និស្សិត លោក វ៉័រ ហ្វាង ខាយ សាកលវិទ្យាធិការរងនៃសាកលវិទ្យាល័យបានជូនពរនិងវាយតម្លៃខ្ពស់ទៅលើការតស៊ូលុះដល់សម្រេចភារកិច្ចរបស់អ្នកបរិញ្ញបត្រថ្មី និងវិស្វករថ្មីក្នុងរយៈពេលកន្លង។ សាកលវិទ្យាធិការរងមានសេចក្តីរំភើបនិងអំណរគុណដល់បណ្តាអង្គភាពដែលបានសហការរៀបចំឡើងវគ្គសិក្សាដោយជោគជ័យ។ ពិសេសគឺអំណរគុណដល់បណ្តានិស្សិតដែលបានជឿជាក់ជ្រើសរើសសាកលវិទ្យាល័យត្រាវិញជាទីសិក្សា ទីបង្កើនកម្រិតវិជ្ជានិងអភិវឌ្ឍនមុខជំនាញ។
អ្នកដឹកនាំសាកលវិទ្យាល័យរំពឹងទុកថា បណ្តានិស្សិតនឹងព្យាយាម អនុវត្តនូវចំណេះដែលបានសិក្សាចូលក្នុងភាពជាក់ស្តែង ក្នុងការងារអោយមានប្រសិទ្ធិភាព សាកលវិទ្យាល័យតែងបើកចិត្តទទួលសម្រាប់សិក្ខាកាមគ្រប់រូបវិលត្រឡប់មកសិក្សានូវកម្រិតខ្ពស់ទៅទៀត។
ដា វី