កិច្ចពិភាក្សាសហប្រតិបត្តិការជាមួយបណ្តាឯកទេសនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 14 មីនា 2018
- ចុចដង៖ 631
ថ្ងៃទី០៦ មីនា ឆ្នាំ២០១៨ លោក ប៊ូយ ស្វឹន សើន អ្នកឯកទេសនៃវិស័យយន្តសាស្ត្រ -បង្កើតថ្មី និងអ្នកស្រី ហ្វាង ថាញ់ ហ្យាង អ្នកឯកទេសភាសា ដែលបានបង្រៀនជាង៣០ឆ្នាំនៅសហរដ្ឋអាមេរិកក៏បានអញ្ជើញមកបំពេញកិច្ចការនៅសាកលវិទ្យាល័យត្រាវិញ។
ទទួលស្វាគមន៍មានលោកបណ្ឌិត ង្វៀន តៀន យ៉ុង អនុប្រធានក្រុមប្រឹក្សាភិបាលនៃសាកលវិទ្យាល័យត្រាវិញព្រមទាំងគ្រូបង្រៀនដែលជាអ្នកតំណាងបណ្តាមហាវិទ្យាល័យ៖ មហាវិទ្យាល័យបច្ចេកទេស – បច្ចេកវិទ្យា និងមហាវិទ្យាល័យភាសាបរទេសជាដើម។
ស្ថិតនៅក្នុងកិច្ចការសំណេះសំណាល បណ្តាអ្នកឯកទេសក៏បានចែករំឡែកនូវបទពិសោធន៍របស់ខ្លួនដល់គ្រូបង្រៀនសាកលវិទ្យាល័យអំពីវិស័យដែលកំពុងដំណើរការ។ ក្នុងនោះ លោក ប៊ូយ ស្វឹន សើន ដែលជាអ្នកមានការពិសោធន៍ជាង៤០ឆ្នាំ ក៏ចែករំឡែកអំពីខ្លឹមសារលើវិស័យរចនាប្រព័ន្ធប្រតិបត្តិ គ្រឿងម៉ាស៊ីននិងផលិតឧបករណ៍ពេទ្យ បានប្រើប្រាស់នៅគ្លីនិក មន្ទីរពេទ្យ និងអាចជំនួយពាណិជ្ជនីយកម្មនូវបណ្តាការស្រាវជ្រាវវិទ្យាសាស្ត្រអោយមានភាពជាក់ស្តែងរបស់សាកលវិទ្យាល័យត្រាវិញ។
ទន្ទឹមនឹងនោះ អ្នកស្រី ហ្វាង ថាញ់ ហ្យាង ក៏បានពិភាក្សាអំពីឧបសគ្គដែលគ្រូបង្រៀនភាសាអង់គ្លេសតែងជួបប្រទះនៅវៀតណាមដូចជា ការបញ្ចេញសំឡេងនិងស្តាប់។ អ្នកស្រីក៏បានថ្លែងថា នឹងមានឱកាសជំនួយឯកសារបង្រៀនដល់គ្រូបង្រៀននៅតាមសាកលវិទ្យាល័យ និងវិទ្យាល័យ។
លោកបណ្ឌិត ង្វៀន តៀន យ៉ុង អនុប្រធានក្រុមប្រឹក្សាភិបាលនៃសាកលវិទ្យាល័យត្រាវិញថ្លែងអំណរគុណនិងគាំទ្ររាល់មតិដែលបានលើកឡើងនិងរាល់បទពិសោធន៍ដ៏មានតម្លៃរបស់អ្នកឯកទេសទាំងពីររូប។ លោកបណ្ឌិតក៏មានប្រសាសន៍បន្ថែមថា “សាកលវិទ្យាល័យត្រាវិញជាសាកលវិទ្យាល័យវ័យក្មេង ដែលកំពុងស្ថិតនៅនិន្នាការអភិវឌ្ឍ សាកលវិទ្យាល័យតែងយកចិត្តទុកដាក់ទៅលើសកម្មភាពទំនាក់ទំនងសហប្រតិបត្តិការអន្តរជាតិ ជាពិសេសតែងមានការសំយោគចំណេះរវាងអ្នកឯកទេសស្ថិតនៅគ្រប់វិស័យ ដើម្បីជំរុញលើកបង្កើនសកម្មភាពសិក្សាស្រាវជ្រាវរបស់សាកលវិទ្យាល័យទាំងមូល»។
ដា វី