សាកលវិទ្យាល័យត្រាវិញជំរុញសហគ្រិនភាពកៀកជិតទៅនឹងនិស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 មីនា 2018
- ចុចដង៖ 517
ប្រតិបត្តិតាមដីកាសម្រេចទី ៣៥ របស់រដ្ឋាភិបាលអំពីសហគ្រិនភាពជាតិក្រសួងអប់រំ – បណ្តុះបណ្តាល បានចេញសេចក្តីសម្រេចកម្មវិធីធ្វើសមកម្មភាពជំនួយនិស្សិតសម្រាប់សហគ្រិនភាព ជាមួយនឹងភារកិច្ចសំខាន់ៗដូច៖ សហការជាមួយនឹងសហគ្រិនក្នុងការបណ្តុះបណ្តាល – ស្រាវជ្រាវវិទ្យាសាស្ត្រ ស្រាវជ្រាវដើម្បីបង្កើតគម្រោងការណ៍អាជីពចូលក្នុងកម្មវិធីបណ្តុះបណ្តាល កសាងគម្រោងជំនួយនិស្សិតកៀកជិតសហគ្រិនភាព។
សាកលលវិទ្យាល័យត្រាវិញផ្សារភ្ជាប់នឹងបាវចនាអប់រំ “រៀនពិត– អនុវត្តពិត–កិត្តិនាមពិត– អាជីពពិត” ឆ្លងតាមហេតុនោះ សាកលវិទ្យាល័យត្រាវិញជាទីបណ្តុះចំណេះវិជ្ជា ជាទីបណ្តុះពន្លកដ៏ច្នៃប្រឌិត បំពេញរាល់បំណងជោគជ័យសម្រាប់និស្សិតនិងរួមដំណើរការជាមួយនិស្សិតលើវិថីនោះ។ កាលពីឆ្នាំ២០១៦ សាកលវិទ្យាល័យបានលើកតម្កើងសកម្មភាពជំនួយនិស្សិតផ្តើមអាជីពនិងលើកឡើងផែនការជម្រុញសកម្មភាព ស្រាវជ្រាវវិទ្យាសាស្ត្រ អនុវត្តន៍និងផ្តើមអាជីពអោយនិស្សិតកាន់តែមានប្រសិទ្ធិភាព។
លេខាធិការនៃសម្ព័ន្ធយុវជន លោក ង្វៀន ញ៉ឹត ថាញ់ បានអោយដឹងថា ក្នុងរយៈពេលកន្លង សាកលវិទ្យាល័យត្រាវិញបានជម្រុញសហការយ៉ាងជ្រាវជ្រៅជាមួយនឹងសហគមន៍សហគ្រាស ដើម្បីពង្រីកកម្មវិធីបណ្តុះបណ្តាលតាមបែប កូ-អប់ (និស្សិតសិក្សាផង ពិសោធតាមមុខជំនាញនៅក្រុមហ៊ុននិងសហគ្រាសផង ទទួលបានបៀវត្សរ៍តាមសមត្ថភាពការងារ) ជួយអោយនិស្សិតមានបំណិនជំនាញស៊ីជំជ្រៅ ជាពិសេសគឺសាកលវិទ្យាល័យមានគោលនយោបាយជំនួយដល់បណ្តាសកម្មភាពស្រាវជ្រាវវិទ្យាសាស្ត្រ អនុវត្តសម្រាប់និស្សិតនិងគ្រូបង្រៀន ផ្សារភ្ជាប់និងដាក់ពង្រាយគម្រោងសហគ្រិនភាពដែលអាចដំណើរការបានក្នុងពេលកំពុងសិក្សា។
ក្រៅពីនោះ នាំវគ្គសិក្សានិងបំណិនចាំបាច់/ជំនាញទន់ (បណ្តាបំណិនក្រៅពីមុខជំនាញ) ចូលក្នុងកម្មវិធីសិក្សា ដើម្បីជួយអោយនិស្សិតមានទំនុកចិត្តលើខ្លួនឯង សមហរណកម្មចូលក្នុងទីផ្សារការងារឬធ្វើសហគ្រិនភាពដោយខ្លួនឯង។
ទន្ទឹមនឹងនោះ បង្កើតមជ្ឈមណ្ឌលសេវាកម្មបម្រើការងារ មជ្ឈមណ្ឌលយុវជន សហគ្រិនភាបព្រមជាមួយនឹងពង្រីកមូលនិធីសហគ្រិនភាព មូលនិធីស្រាវជ្រាវវិទ្យាសាស្ត្ររបស់និស្សិត ដើម្បីជួយអោយនិស្សិតមានទំនុកចិត្តអភិវឌ្ឍគំនិតស្រាវជ្រាវវិទ្យាសាស្ត្រនិងបណ្តាគំនិតស្វែងរកអាជីពមានភាពជាក់ស្តែង មានការជំនួយលើកដំបូងគឺ២០លានដុងក្នុងគំនិតមួយៗ ដែលអាចអនុវត្តបាន។
ជាប្រចាំ ការរៀបចំឡើងសន្និសិទ សន្និបាតនិងបណ្តាកម្មវិធីប្រឡងពីគំនិតសហគ្រិនភាព គឺដើម្បីបង្កើត “ទីបណ្តុះគំនិតសហគ្រិនភាព” និងឆ្ពោះទៅ “អភិវឌ្ឍទេពកោសល្យសហគ្រិនភាព”។ ឆ្នាំ២០១៧ សាកលវិទ្យាល័យត្រាវិញបានសហការជាមួយនឹងមន្ទីរឧស្សាហកម្មនិងពាណិជ្ជកម្មខេត្តត្រាវិញ និងបណ្តាសាកលវិទ្យាល័យ អនុវិទ្យាល័យ ក្នុងខេត្តទាំង៤ដូច៖ វិញ ឡុង ត្រាវិញ បេនត្រែ សុកត្រាំង ដើម្បីរៀបចំឡើងអង្គសិក្ខាសាលាស្តីពី “បំផុសនូវគំនិតសហគ្រិនភាពចំពោះនិស្សិត” ដល់និស្សិតនៅខេត្តទាំង៤នោះយ៉ាងជោគជ័យ។
ពេលវេលាខាងមុខ សាកលវិទ្យាល័យនឹងបន្តអភិវឌ្ឍពង្រីកមូលនិធិសហគ្រិនភាពនេះពីអតីតនិស្សិត បណ្តាសហគ្រាស ដៃគូសហការរបស់សាកលវិទ្យាល័យនិងគួបផ្សំយ៉ាងស្អិតរមួតពីបណ្តាសកម្មភាពរបស់“ទីបណ្តុះគំនិតសហគ្រិនភាពចំពោះនិស្សិត”“ទីកន្លែងច្នៃប្រឌិតសម្រាប់និស្សិត” ជាមួយនឹងសកម្មភាពជំនួយ សហការស្រាវជ្រាវសម្រាប់ផលិតចេញផលិតផលអនុវត្តន៍ ដើម្បីជួយអោយនិស្សិតមានការឧបត្ថម្ភពីធនធានខាងក្រៅសម្រាប់ដំណើរការសហគ្រិនភាពនិងបង្កើតអាជីវកម្មដោយខ្លួនឯង។
វ៉័រ តឹន បាំង និស្សិតផ្នែកច្បាប់នៃសាកលវិទ្យាល័យត្រាវិញ ដែលជាអ្នកគ្រប់គ្រងហាងម្ហូបអាហារភាគខាងលិចថ្លែងថា សាកលវិទ្យាល័យនិងមជ្ឈមណ្ឌលឧបត្ថម្ភយុវជនសហគ្រិនភាពបាននិងកំពុងជំនួយអោយនិស្សិតមានគំនិតច្នៃប្រឌិតនិងស្វ័យគ្រប់គ្រងព្រមជាមួយនឹងគម្រោងដូចជា៖ ហាងលក់ទំនិញគ្រប់មុខ ថតរូបដ្ឋានយុវជន សម្ភារៈការិយាល័យដ្ឋាន សេវាកម្មទទួលការពារម៉ូតូនិងកង់ ហាងកាហ្វេនិស្សិតនៅអន្តេវាសិកដ្ឋាន អាហារដ្ឋានភាគខាងលិច កសិផលដ្ឋានសុវត្ថិភាព។ល។ នេះជាគម្រោងសហគ្រិនភាពគំរូរបស់និស្សិតដែលបាននិងកំពុងអភិវឌ្ឍនៅសាកលវិទ្យាល័យត្រាវិញ។
ត្រឹន វ៉ាន់ ដាម និស្សិតមហាវិទ្យាល័យសេដ្ឋកិច្ច ច្បាប់នៃសាកលវិទ្យាល័យត្រាវិញជាប្រធានផ្គត់ផ្គង់សម្ភារៈការិយាល័យដ្ឋានបានចែករំឡែកថា៖ ដើម្បីដំណើរអាជីវកម្ម យើងខ្ញុំបានចូលរួមពីជំហ៊ានដំបូងដូចជា៖ រត់លិខិតរដ្ឋបាល ទឹកប្រាក់វិនិយោគ សម្ភារៈ ទីផ្សារ គ្រប់គ្រងនិងផ្គត់ផ្គងទំនិញ។ល។
នាយកនៃមជ្ឈមណ្ឌលជំនួយយុវជនសហគ្រិនភាព នៃសាកលវិទ្យាល័យត្រាវិញ លោក ង្វៀន វ៉ាន់ វ៉ូ អាន មានប្រសាសន៍ថា៖ សាកលវិទ្យាល័យនឹងបន្តនាំមជ្ឈមណ្ឌលជំនួយយុវជនសហគ្រិនភាពរៀបចំឱកាសដើម្បីបង្កើតសហករណ៍និស្សិតមានគំនិតច្នៃប្រឌិតខ្ពស់ ដើម្បីពង្រីកការផ្គត់ផ្គង់នូវសេវាកម្មផ្សេងៗក្នុងនិងក្រៅសាកលវិទ្យាល័យ។ គម្រោងទាំងអស់នោះនឹងជួយអោយនិស្សិតកៀកជិតនឹងទម្រង់ធ្វើពាណិជ្ជកម្មនិងគ្រប់គ្រងនៅពេលកំពុងសិក្សា។
ជាពិសេស មជ្ឈមណ្ឌលនឹងបន្តដោះដូរ ផ្សារភ្ជាប់ជាមួយនឹងអ្នកឯកទេសផ្នែកបណ្តុះបណ្តាល ដើម្បីបង្កើតសហគ្រាសខ្នាត់តូចនិងខ្នាត់មធ្យមនៅខេត្តត្រាវិញ (គម្រោង SME ត្រាវិញ) ដើម្បីគួបផ្សំនិងលើកឡើងនូវដំណោះស្រាយអោយបានងាយស្រួលបំផុតសម្រាប់និស្សិតនៅពេលមានគំនិតសហគ្រិនភាពរបស់ខ្លួន។
ដា វី