ទិវាសមោសរនីតិជន៖ ផ្តល់សារប្រយោជន៍សម្រាប់ជំរើសនិស្សិតឆ្នាំ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 មីនា 2018
- ចុចដង៖ 649
នៅថ្ងៃទី ១១ មីនា ទិវាសមោសរនីតិជនផ្សារភ្ជាប់នឹងកិច្ចការប្រឹក្សាជំរើសនិស្សិត និងតម្រង់ទិសដៅវិជ្ជាជីវៈ ឆ្នាំ ២០១៨ ដោយសម្ពន្ធយុវជនខេត្តត្រាវិញ សហការជាមួយមន្ទីរសិក្សាធិការខេត្តនិងសាកលវិទ្យាល័យនានានៅក្នុងនិងក្រៅខេត្ត។ កម្មពិធីនេះបានរៀបចំឡើងនៅសាកលវិទ្យាល័យត្រាវិញ។
ទិវាសមោសរនីតិជនឆ្នាំនេះទាក់ទាញសិស្សានុសិស្សជាង ២០០០ រូបមកពីបណ្តាវិទ្យាល័យចំណុះខេត្តនិងសាកលវិទ្យាល័យទាំង ១០ ចំណុះតំបន់វាលរាបទន្លេគឺវឡុងនិងទីក្រុងហូជីមិញ។
សារប្រយោជន៍មុខជំនាញឯកទេសបានដល់បេក្ខសិស្ស
នៅទិវាសមោសរនេះមានប្រឹក្សាជម្រើសនិស្សិតដ្ឋាន របស់សាកលវិទ្យាល័យនានានៅក្នុងនិងក្រៅខេត្តចូលរួម។
នៅទីជម្រើសនិស្សិតដ្ឋានរបស់សាកលវិទ្យាល័យត្រាវិញមានបេក្ខសិស្សជាច្រើនរូបចូលរួមសកម្មភាពជាច្រើនដូចជា៖ ដោះដូរសិល្បៈ គូររូបភាព រចនាអក្សរ ឆ្លើយសំនួរ។ល។ ក្នុងមុខជំនាញទាំង ៤៧ នៅកំរិតបរិញ្ញាបត្រនិង ៣៣ កំរិតបរិញ្ញាបត្ររងដែលសាកលវិទ្យាល័យត្រាវិញជ្រើសរើសឆ្នាំ ២០១៨ បេក្ខសិស្សបានផ្តោតអារម្មណ៍និងដាក់សំនួរជាច្រើនទាក់ទងទៅដល់វិស័យ សុខាភិបាល បច្ចេកវិទ្យា សេដ្ឋកិច្ច នីតិសាស្ត្រ គរុកោសល្យ កសិកម្ម ជលវប្បកម្ម គីមីសាស្ត្រ ភាសា វប្បធម៌ វិចិត្រសិល្បៈខ្មែរណាមបូ ភាសាបរទេស គ្រប់គ្រងរដ្ឋបាលជាតិ ការិយាល័យ និងទេសចរណ៍។ល។
ម្យ៉ាងវិញទៀត បេក្ខសិស្សថែមទាំងបានស្វែងរកនូវបទដ្ឋានជំរើស ពិន្ទុ កំរិតដាក់ពាក្យ ក៏ដូចគោលការណ៍គោលនយោបាយ ថ្លៃសិក្សា លក្ខខ័ណ្ឌសិក្សា ជាពិសេសពួកគាត់ចាប់អារម្មណ៍ទៅលើតម្រូវការការងារក្រោយពេលបញ្ចប់ការសិក្សា។
បេក្ខសិស្ស ឡេ ហ្វាយ ណាម ជាសិស្សានុសិស្សមកពី វិទ្យាល័យ តាប សឺន ស្រុកថ្កូវ បានលើកឡើងថា៖ ទិវាសមោសរនេះជាកម្មវិធីដ៏មានប្រយោជន៍ បានផ្តល់ព័ត៌មានជាច្រើនអំពីកិច្ចការប្រឡងទុតិយភូមិខាងមុខ ក៏ដូចជាតម្រង់ទិសដៅវិជ្ជាជីវៈដល់យើងខ្ញុំក្នុងការជ្រើសរើសមុខជំនាញទៅថ្ងៃអនាគត។
ទទួលស្វាគមន៍បេក្ខសិស្សមកទស្សនានៅបណ្តាអាគារសិក្សាស្រាវជ្រាវ
នៅក្នុងឱកាសនេះ មាន វិទ្យាល័យចំណុះខេត្តជាង ២០ បានមកចូលរួមទស្សនានៅសាកលវិទ្យាល័យត្រាវិញ។
ហ្វិញ មិញ ធៀន ជាសិស្សានុសិស្សនៃ វិទ្យាល័យ កូវង៉ាង មានសេចក្តីរីករាយហើយបានឱ្យដឹងថា៖ ជាលើកដំបូងហើយ ដែលខ្ញុំបានឈានជើងដល់សាកលវិទ្យាល័យត្រាវិញ យើងខ្ញុំទទួលបានការយកចិត្តទុកដាក់អំពីលោកគ្រូអ្នកគ្រូ និងបងៗជានិស្សិតរីករាយទទួលស្វាគមន៍យ៉ាងកក់ក្តៅ។ ខ្ញុំបានផ្តោតអារម្មណ៍យ៉ាងខ្លាំងនៅពេលដែលចូលរួមទស្សនានិងបានផ្តល់នូវអន្តរកម្មចំពោះសាកលគំរូនៃការសិក្សា សម្ភារៈឧបទេសរបស់មហាវិទ្យាល័យចំណុះសាកលវិទ្យាល័យត្រាវិញ។
ង្វៀន វូ លីញ ជាសិស្សានុសិស្សនៃវិទ្យាល័យ យឿង ក្វាង ដុង (ត្រាវិញ) បានលើកឡើងថា៖ បច្ចុប្បន្ន ខ្ញុំមិនទាន់បានកំណត់មុខជំនាញសិក្សា ប៉ុន្តែខ្ញុំមានបំណងដាក់ពាក្យចូលរៀននៅសាកលវិទ្យាល័យត្រាវិញ ដែលខ្ញុំមានក្តីសុបិនទាំងពីយូរមកហើយ។
ម្យ៉ាងវិញទៀត សាកលវិទ្យាល័យត្រាវិញនូវមានទទួលស្វាគមន៍កងគ្រូបង្រៀននិងសិស្សវិទ្យាល័យ តាម ណុង (ខេត្តដុងថាប) អញ្ជើញមកទស្សនានិងចូលរួមកម្មវិធីប្រឹក្សាតម្រង់ទិសដៅវិជ្ជាជីវៈឆ្នាំ២០១៨ ផងដែរ។
នៅអង្គប្រជុំ សិស្សានុសិស្សបានជួបសំណេះសំណាលជាមួយនឹងលោកគ្រូអ្នកគ្រូជំនាញ ចែករំឡែកបទពិសោធនិងផ្តល់ព័ត៌មានប្រឡងទុតិយភូមិថ្នាក់ជាតិ និងលក្ខន្តិកជ្រើសរើសនិស្សិតឆ្នាំ២០១៨ ក៏ដូចឆ្លើយបំភ្លឺនូវព័ត៌មានសំខាន់ៗដល់មុខជំនាញសិក្សានិងឱកាសការងារក្រោយពេលបញ្ចប់ការសិក្សា។
ហ្វិញ សាង
