គណៈប្រតិភូនៃសាកលវិទ្យាល័យត្រាវិញអញ្ជើញទៅទស្សនកិច្ចនៅវិទ្យាស្ថានបច្ចេកវិទ្យា អាស៊ី -AIT ប្រទេសថៃ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 16 មីនា 2018
- ចុចដង៖ 646
នៅថ្ងៃទី៩ មីនា ឆ្នាំ ២០១៨ លោកបណ្ឌិត ង្វៀន ទៀន យុង – អនុប្រធានក្រុមប្រឹក្សាភិបាលលោកបានដឹកនាំគណៈប្រតិភូ រួមមានថ្នាក់ដឹកនាំនៃអង្គភាពចំណុះសាកលវិទ្យាល័យត្រាវិញ និងថ្នាក់ដឹកនាំនៃបណ្តាមហាវិទ្យាល័យរងសហគមន៍វៀតណាមបានអញ្ជើញទៅទស្សនានិងជួបពិភាក្សាជាមួយដៃគូ ជុំវិញកិច្ចការពង្រឹងចំណងមេត្រីភាពសហការពាណិជ្ជកសិកម្ម និងអភិវឌ្ឍបច្ចេកវិទ្យាស្ថេរភាពរវាងវៀតណាមនិងថៃ នៅ AIT។
ទទួលគណៈប្រតិភូនៃសាកលវិទ្យាល័យត្រាវិញមាន សាស្ត្រាចារ្យ Kazuo YamamotoនាយករងនៃAIT លោក Shawn P. Kelly នាយកនៃការិយាល័យកិច្ចការបរទេស លោកបណ្ឌិត Freek Olaf de Groot នាយកនៃមជ្ឈមណ្ឌលភាសា។
សាស្ត្រាចារ្យ Kazuo Yamamoto បានវាយតម្លៃខ្ពស់នូវការប្រឹងប្រែងនិងការតស៊ូរបស់សាកលវិទ្យាល័យត្រាវិញតាមស្នាដៃបទគំហើញបានចុះផ្សាយនៅលើទស្សនាវដ្តីវិទ្យាសាស្ត្រលំដាប់អន្តរជាតិ។ ទន្ទឹមនឹងនោះលោកសន្យាថានឹងជំនួយសាកលវិទ្យាល័យត្រាវិញដោយអស់ពីចិត្តក្នុងការបណ្តុះបណ្តាលធនធានមនុស្សនិងកិច្ចការស្រាវជ្រាវ។ លោកបានអោយដឹងថា នឹងផ្តល់ឱកាសយ៉ាងងាយស្រួលបំផុត ដើម្បីគ្រូបង្រៀននិងនិស្សិតនៃសាកលវិទ្យាល័យត្រាវិញអញ្ជើញមកសិក្សានៅវិទ្យាស្ថានបច្ចេកវិទ្យាអាស៊ីនិយាយដោយឡែក និងនិស្សិតវៀតណាមនិយាយរួម។ លោកអោយដឹងបន្ថែមថា បច្ចុប្បន្ននិស្សិតវៀតណាមជាប់លំដាប់ទី ២ នៅAITក្រោយនិស្សិតថៃ។
លោកបណ្ឌិត ង្វៀន ទៀន យុង ជំនួសគណៈប្រតិភូថ្លែងអំណរអរគុណដល់អ្នកដឹកនាំវិទ្យាស្ថានបច្ចេកវិទ្យា អាស៊ី ដែលបានស្វាគមន៍យ៉ាងកក់ក្តៅ លោកពេញចិត្តហេដ្ឋារចនាសម្ព័ន្ធនិងគម្រោងបណ្តុះបណ្តាលពហុមុខជំនាញនៃវិទ្យាស្ថានបច្ចេកវិទ្យាអាស៊ី ជាពិសេសទៅទៀតគឺ កម្មវិធី ៣.៥ឆ្នាំ + ១.៥ឆ្នាំ។ លោកមានទំនុកចិត្តថាភាគីទាំងពីរនៅតែបន្តរក្សាចំណងមិត្តភាពនេះ ហើយលោកបានផ្តល់អនុសាសន៍ដល់ថ្នាក់ដឹកនាំនៃបណ្តាមហាវិទ្យាល័យរងសហគមន៍វៀតណាមសិក្សានូវទម្រង់គ្រប់គ្រងទំនើប ផលិតផលកសិកម្ម និងកម្មវិធីសិក្សាថ្មីៗ ជំរុញថែមទៀតឱ្យគ្រូបង្រៀនបានទៅសិក្សានៅបរទេសនិងស្វែងរកគម្រោងសហការរួមដើម្បីអភិវឌ្ឍន៍។
ដា វី