បន្តដំណាក់កាលទី១, ទី២,ទី៣, ទី៤, ទី៥ ដល់ដំណាក់កាលទី៦ កម្មវិធី “បណ្តុះពន្លកនៃវិជ្ជា”កាន់តែសបញ្ជាក់បាននូវតម្លៃនៃចិត្តសប្បុរសធម៌ដ៏ជ្រាវជ្រៅ ផ្តល់កម្លាំងចិត្តដល់សិស្ស និស្សិតជាច្រើនរូប ដែលមានជីវភាពក្រីក្រ ជំនះបានឧបសគ្គឈានឡើងក្នុងការសិក្សាឆ្ពោះទៅអនាគត។
ដំណាក់កាលទី ៦ សាកវិទ្យាល័យត្រាវិញបានបន្តចុះកិច្ចអនុស្សរណៈសាជាថ្មីជាមួយដៃគូរួមមាន៖ ស្ថានីយ៍ទូរទស្សន៍ត្រាវិញ, VNPT ត្រាវិញ និង Sacombank ត្រាវិញ ដើម្បីអនុវត្តជោគជ័យនូវគម្រោងខាងលើដល់ចុងឆ្នាំ ២០១៨។ កម្មវិធីបានផ្តល់អាហារូបករណ៍ដល់ និស្សិត សិស្សវិទ្យាល័យនានានៅក្នុងនិងក្រៅខេត្ត ដែលពួកគេមានជីវភាពលំបាកប៉ុន្តែព្យាយាមក្នុងការសិក្សា។ កញ្ចប់ថវិកានៃកម្មវិធីនេះមានជាង៣៥០ លានដុង ក្នុងនោះអាហារូបករណ៍ចម្បងមាន ២០ ចំណែក (៧លានដុង/ចំណែក) និងអាហារូបករណ៍បន្ទាប់បន្សំមាន ៨៥ ចំណែក (២ ដល់ ៣លានដុង/ចំណែក)។
គណៈរៀបចំកម្មវិធី "បណ្តុះពន្លកនៃវិជ្ជា” បានអោយដឹងថា តាំងពីឆ្នាំ ២០១៤មកដល់បច្ចុប្បន្ននេះ កម្មវិធីបានជំនួយនិងផ្តល់កម្លាំងចិត្តនិងទឹកប្រាក់ចំនួន ១,១៦៤ពាន់លានដុងដល់និស្សិតចំនួន៣២០រូប កំពុងសិក្សានៅសាកលវិទ្យាល័យត្រាវិញ និងសិស្សវិទ្យាល័យនៅក្នុងខេត្តនិងតំបន់ជិតខាងដែលមានជីវភាពក្រលំបាក តែមានចិត្តតស៊ូ។
ត្រឹន ធី ធ្វី ត្រាង ជានិស្សិតសិក្សាមុខជំនាញអប់រំមតេយ្យឆ្នាំទី៤ បានចែករំឡែកថា “ដោយខ្ញុំយល់ឃើញការសិក្សាជាវិថីមួយគត់ដើម្បីឆ្លងផុតភាពក្រីក្រ ទើបខ្ញុំជ្រើសរើសការសិក្សាជាកិច្ចការចម្បងព្រមជាមួយនឹងបំណងទទួលបានលទ្ធផលល្អបំផុតក្នុងការសិក្សា ដើម្បីមិនធ្វើអោយលោកយាយ មិត្តភក្តិខកបំណង។ ទទួលបានអាហារូបករណ៍នេះ ខ្ញុំពិតជាសប្បាយរីករាយណាស់ និងសូមអរគុណដល់សាកលវិទ្យាល័យព្រមទាំងអង្គភាពដែលបានឧបត្ថម្ភផ្តល់អាហារូបករណ៍ដ៏មានតម្លៃ ផ្តល់កម្លាំងចិត្តដល់ខ្ញុំលើវិថីសិក្សា”។
ង្វៀន ធី ធូ ហ្វៀន សិក្សាមុខជំនាញភាសាអង់គ្លេសឆ្នាំទី២ ក៏បានអរគុណដល់សាកលវិទ្យាល័យនិងម្ចាស់ឧបត្ថម្ភទាំងឡាយព្រមទាំងមាមីងដែលបានជំនួយដល់យើងខ្ញុំ។ ខ្ញុំសន្យាថានឹងព្យាយាមសិក្សាអោយបានល្អ ព្យាយាមកសាងជីវិតក្រោយពេលបញ្ចប់ការសិក្សា។
លោក ង្វៀន វ៉ាន់ ហ្វាញ់ – ស្រុកយ្វៀន ហាយ អ្នកទស្សនាកម្មវិធីលើកញ្ចក់ទូរទស្សន៍បានឱ្យដឹងថា៖ នេះជាកម្មវិធីមួយដ៏មានប្រយោជន៍ មានភាពសប្បុរសធម៌ដ៏ជ្រាវជ្រៅ ផ្តល់កម្លាំងចិត្តដល់ពួកគេអោយចេះឆ្លងកាត់ឧបសគ្គក្នុងជីវិតនិងសិក្សា។ សង្ឃឹមថា កម្មវិធីនឹងអភិវឌ្ឍ បើកទូលាយនិងជំនួយបានប្អូនៗជាច្រើនរូបទៀតដែលមានជីវភាពក្រលំបាកនៅក្នុងខេត្តត្រាវិញ ដើម្បីពួកគេមានឱកាសសិក្សា”។
លោក ង្វៀន វ៉ាន់ ហុង នាយករងនៃមជ្ឈមណ្ឌលធុរកិច្ច-VNPT ត្រាវិញបានអោយដឹងថា កម្មវិធីនេះដំណើរការបាន៦ដំណាក់កាល ហើយដំណាក់កាលនីមួយៗមានការអភិវឌ្ឍន៍ តាំងពីតម្លើងគម្រោងកម្មវិធី ពិនិត្យនិងស្វែងរកបេក្ខសិស្សទទួលអាហារូបករណ៍ ហើយចំនួនអាហារូបករណ៍ក៏កើនឡើងជាងមុន។ លោកមានសេចក្តីមោទនណាស់ដែលបានឧបត្ថម្ភចំពោះកម្មវិធីដ៏មានប្រយោជន៍និងជំនួយត្រូវមនុស្ស ត្រូវនឹងជីវភាព ដើម្បីផ្តល់កម្លាំងចិត្តដល់ពួកគេសម្រេចជោគជ័យនៃក្តីសុបិនរបស់ខ្លួន។
លោក ង្វៀន ដុង ខើយ ប្រធានការិយាល័យ ទូរគមនាគមន៍ និងផ្សព្វផ្សាយនៃសាកលវិទ្យាល័យត្រាវិញបានអោយដឹងថា លោកមានទំនុកចិត្តយ៉ាងខ្លាំងចំពោះកម្មវិធីនេះតាំងពីចាប់ផ្តើមមកម៉្លេះ លោកក៏មានបំណងចង់ជួយសិស្ស និស្សិតជាច្រើនទៀត ដែលកំពុងសិក្សាផង ធ្វើការផងដោយលំបាក ផ្គត់ផ្គងជីវភាពរបស់ខ្លួន ដើម្បីជួយដល់គ្រួសារនិងប្រឹងប្រែងក្នុងការសិក្សា។ តាំងពីខែមករា ២០១៤មកដល់សព្វថ្ងៃ កម្មវិធីទទួលបានការរួមកម្លាំងពីអ្នកឧបត្ថម្ភ សប្បុរសធម៌ គ្រូបង្រៀន ក្រុមការងារ និងសាកលវិទ្យាល័យ បានលើកទឹកចិត្តជម្រុញអោយសិស្ស និស្សិត ជាច្រើនរូបសិក្សាអោយបានល្អ តស៊ូ ព្យាយាមអស់ពីចិត្ត មិនធ្វើអោយគ្រូបង្រៀននិងគ្រួសារខកបំណង។ ឆ្លងតាមការណ៍នេះ យើងខ្ញុំរំពឹងថា កម្មវិធីនឹងទទួលបានការចូលរួម ឧបត្ថម្ភនិងជំនួយដល់ប្អនៗពីបណ្តាស្ថាប័ន ក្រុមហ៊ុន សហគមន៍សហគ្រាសនិងសប្បុរធម៌ទាំងឡាយ។
ដា វី