សាកលវិទ្យាល័យត្រាវិញ៖ ទិវាសៀវភៅវៀតណាមទាក់ទាញសន្តានចិត្តនិស្សិតចូលរួមជាច្រើន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 មេសា 2018
- ចុចដង៖ 475
ជារៀងរាល់ឆ្នាំ ក្នុងអំឡុងដើមខែមេសា បណ្ណាល័យសាកលវិទ្យាល័យត្រាវិញគឺតែងរៀបចំសកម្មភាពអបអរសាទរទិវាសៀវភៅវៀតណាម ២១ មេសា ដើម្បីអភិវឌ្ឍចលនាអានសៀវភៅ លើកកម្ពស់នូវតម្លៃចំណេះវិជ្ជា និងវប្បធម៌អានសៀវភៅ - ជាកត្តាប្រសើរក្នុងជីវភាព ស្មារតី ប្រពៃណីរបស់ជនជាតិវៀតណាម។
អ្នកស្រី ថាច់ ធី យ៉ឹន សាកលវិទ្យាធិការរងនៃសាកលវិទ្យាល័យត្រាវិញមានប្រសាសន៍ថា «ទិវាសៀវភៅលើកទី ៥ បានរៀបចំល្អប្រសើរ បង្កលក្ខណៈងាយស្រួលដល់សិស្សនិងនិស្សិតទាំងឡាយនូវមនសិការក្នុងការស្វែងរកសៀវភៅសិក្សាស្រាវជ្រាវ បន្តលើកកម្ពស់ចំណេះដឹង សមត្ថភាពផ្ទាល់ខ្លួន។»
អ្នកស្រី ង្វៀន ធី គីម ថាញ់ នាយិកានៃបណ្ណាល័យសាកលវិទ្យាល័យត្រាវិញថ្លែងថា៖ ទិវាសៀវភៅវៀតណាមបានរៀបចំឡើងដោយមានសកម្មភាពសម្បូរបែប តាំងពិព័រណ៍សៀវភៅជាមួយប្រធានបទ «លត់ដំចំណេះវិជ្ជា-រឹងមាំទៅអនាគត» បំផុសចលនាអានសៀវភៅ ប្រឡងអានសៀវភៅ និងអនុវត្តគំនិតតាមសៀវភៅ សកម្មភាពទាំងនេះគឺប្រព្រឹត្តឡើងទាំងពីដើមខែ រហូតចុងខែមេសានៅបណ្ណាល័យសាកលវិទ្យាល័យត្រាវិញ។
ពេលនិយាយពីទម្លាប់អានសៀវភៅ និស្សិតជាច្រើនមានអារម្មណ៍ថា ការរីកចំរើននៃបច្ចេកវិទ្យាបច្ចុប្បន្ននឹងមានផលប៉ះពាល់ យុវជនបោះបង់ចោលទម្លាប់អានសៀវភៅ និងការស្វែងរកសៀវភៅល្អៗ បានន័យថាពួកគេបង្វែមកស្វែងរកឯកសារនៅលើប្រព័ន្ធអ៊ីនធឺណែតដោយឆ្លងតាមឧបករណ៍ចល័តដូចទូរសព្ទដៃ កុំព្យូទ័រ។ល។
និស្សិត ផាង ង្វៀន ទៀន ថុង ឱ្យដឹងថា «ក្នុងការសិក្សានិងស្រាវជ្រាវ ខ្ញុំបានអាននិងស្វែងរកព័ត៌មានជាច្រើនលើប្រព័ន្ធអ៊ីនធឺណែត ប៉ុន្តែឯកសារទាំងនោះត្រូវពិនិត្យ ឆ្លុះបញ្ចាំងច្បាស់លាស់ ឬធ្វើឱភាសកម្ម មានទឡ្ហីករណ៍ជាក់ស្តែងពេលយកទៅអនុវត្ត កត្តាលំបាកនោះគឺឯកសារលើប្រព័ន្ធអ៊ីនធឺណែតសម្បូរបែប ហេតុដូច្នេះពួកគេត្រូវដឹងនូវប្រភព និងបំណិននៃការស្វែងរកព័ត៌មានដើម្បីមានឯកសារគួរជាទីទុកចិត្ត។
ក្នុងមូលហេតុដែលយុវវ័យឥឡូវមិនសូវមានទម្លាប់អានសៀវភៅ មិត្ត ភឿង ងី មានយោបល់ថា៖ ពួកគេគ្មានទម្លាប់ទៅបណ្ណាគារដើម្បីស្វែងរកនិងទិញសៀវភៅ ឬក៏ទៅបណ្ណាល័យដើម្បីខ្ចីសៀវភៅតាមតម្រូវការរបស់ខ្លួនគឹមកពីកត្តអៀនខ្មាស អសកម្មក្នុងការអានសៀវភៅ ម្យ៉ាងវិញទៀតពួកគេមិនហ៊ានទិញសៀវភៅថ្លៃៗព្រោះសៀវភៅនេះមានតម្លៃ និងទើបបោះពុម្ពថ្មីៗ។ល។
ហ្វិញ សាង