កម្មវិធីប្រឹក្សាស្តីពីការសិក្សានៅប្រទេសជប៉ុនសម្រាប់និស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 មេសា 2018
- ចុចដង៖ 483
ពាក់កណ្តាលខែមេសា ២០១៨ ក្រុមហ៊ុន Global Trust Networks វៀតណាម(GTN) បានអញ្ជើញមកសាកលវិទ្យាល័យត្រាវិញ ដើម្បីប្រឹក្សាស្តីពីការសិក្សានៅប្រទេសជប៉ុនសម្រាប់និស្សិតចំនួនជិត ១៥០រូប។
ស្ថិតនៅក្នុងពេលនោះ លោក Hajime Sasaki - ប្រធាន GTN បានឧទ្ទេសនាមអំពីវប្បធម៌ វិស័យអប់រំ ទេសចរណ៍ សក្តានុពល ឱកាសការងារសម្រាប់និស្សិតដែលចូលរួមក្នុងកម្មវិធីសិក្សានៅជប៉ុន តាមទម្រង់សិក្សាផង ធ្វើការផង។
អ្នកស្រី ប៊ូយ វ៉ឹន ហៀន ប្រធានផ្នែកគ្រប់គ្រងកិច្ចការសិក្សាបរទេស-GTN បានអោយដឹងថា បច្ចុប្បន្នកម្មវិធីសិក្សានៅជប៉ុនតាមទម្រង់ សិក្សាផង ធ្វើការងារផងសម្រាប់និស្សិតផ្នែក៖ សេវាកម្មភោជនីយដ្ឋាន-សណ្ឋាគារ ព័ត៌មានវិទ្យា វិស្វកម្ម សំណង់ ធុរកិច្ចខាងបែងចែកទំនិញ សុខាភិបាល។ល។ យ៉ាងសមស្របសម្រាប់និស្សិតសាកលវិទ្យាល័យត្រាវិញ។
ជាពិសេស ក្នុងកម្មវិធីប្រឹក្សាលើកនេះ GTN បានឧទ្ទេសនាមលោក ឌាំង ក្វួក ថាវ អតីតនិស្សិតសាកលវិទ្យាល័យត្រាវិញទើបតែចូលរួមវគ្គសិក្សាបរទេសនៅប្រទេសជប៉ុនកាលពីដើមខែមេសានិងចូលរួមដោះដូរជាមួយនិស្សិតផងដែរ។
នៅទីនេះ និស្សិតជាច្រើនរូបមានការចំណាប់អារម្មណ៍ដល់ជំនាញកំពុងសិក្សា ដែលពាក់ព័ន្ធដល់ឱកាសសិក្សានៅជប៉ុន បណ្តាវិជ្ជា ឱកាស និងត្រូវរៀបចំកត្តាអ្វីខ្លះដើម្បីចូលរួមក្នុងកម្មវិធីនេះ។
ឡេ ធី បេ តឺ និស្សិតមហាវិទ្យាល័យផ្គត់ផ្គងសេវាកម្មទេសចរណ៍និងកំសាន្តមានសំនួរសួរដល់ ក្វួក ថាវ ពីការធ្វើលិខិតទៅសិក្សាបរទេសនៅជប៉ុន កិច្ចការសព្វថ្ងៃ និងបៀរវត្សរ៍សម្រាប់និស្សិតវៀតណាមនៅជប៉ុន ឬសំនួរពីការរស់នៅរបស់និស្សិតវៀតណាមនៅជប៉ុន។ល។ បណ្តាសំនួរនោះ បាន ក្វួក ថាវ ចែករំលែកដោយអស់ពីចិត្តនិងបរិបូរ។
អនុបណ្ឌិត ង្វៀន ធី ម៉ាយ ខា នាយិការងនៃមជ្ឈមណ្ឌលបម្រើការងាររបស់សាកលវិទ្យាល័យត្រាវិញបានចែករំលែកថា៖ មជ្ឈមណ្ឌលបម្រើការងារជាទីកន្លែងជំនួយនិងតភ្ជាប់អំពីព័ត៌មានការងារសម្រាប់និស្សិតនិងសហគ្រាស ថែមទាំងការងារក្រៅម៉ោងនិងការងារក្រោយពេលបញ្ចប់ការសិក្សា។ ជាពិសេស មជ្ឈមណ្ឌលកំពុងសហការជាមួយនឹងបណ្តាអង្គភាព ដើម្បីអនុវត្តកម្មវិធីសិក្សាបរទេសនិងទៅធ្វើការក្រៅប្រទេស។
អ្នកដឹកនាំមជ្ឈមណ្ឌលសង្ឃឹមថា កម្មវិធីប្រឹក្សានេះនឹងជួយដល់ពួកគេមានពត៌មានគ្រប់គ្រាន់អំពីកម្មវិធីសិក្សានៅបរទេស និងសម្រេចចិត្តចូលរួមកម្មវិធី សិក្សាផង ប្រកបការងារផង ដើម្បីក្រេបយកបាននូវចំណេះវិជ្ជាថ្មី វប្បធម៌ថ្មីពីប្រទេសជប៉ុន ទន្ទឹមនឹងនោះស្វែងរកបានប្រាក់ចំណូល និងកំណត់គោលដៅដើម្បីអភិវឌ្ឍន៍ខ្លួនឯង។
ដា វី