សន្និបាតពង្រឹងកងជួរគណៈប្រតិបត្តិការនៃសមាគមនិស្សិតសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 មេសា 2018
- ចុចដង៖ 556
នៅថ្ងៃទី ២០ មេសា ២០១៨ សមាគមនិស្សិតសាកលវិទ្យាល័យត្រាវិញរៀបចំឡើងអង្គសន្និបាតពង្រឹងកងជួរគណៈប្រតិបត្តិការដើម្បីបំពេញតំណែងមួយចំនួនក្នុងគណៈប្រតិបត្តិការ និងគណៈលេខាធិការនៃសមាគមក្នុងនីតិកាល ២០១៥-២០១៨។ លោក ង្វៀនជីញ អនុលេខាធិការនៃគណៈកម្មាធិការបក្សសាកលវិទ្យាល័យត្រាវិញបានអញ្ជើញចូលរួមនិងចង្អុលការអង្គសន្និបាត។
អង្គសន្និបាតបានអនុម័តបញ្ជីឈ្មោះនិងចរចាព្រមព្រៀងសមាជិកទាំង ១៦ រូបបញ្ឈប់តួនាទីពីគណៈប្រតិបត្តិការព្រោះមូលហេតុផ្ទេរតំណែងថ្មី និងសមាជិកមួយចំនួនបានបញ្ចប់ការសិក្សា។ ទន្ទឹមនឹងនោះ អង្គសន្និបាតក៏បានចរចាព្រមព្រៀងជ្រើសសមាជិកថ្មីចំនួន ១៩ រូបចូលកាន់តួនាទីក្នុងគណៈប្រតិបត្តិការនីតិកាល ២០១៥-២០១៨។
លោក ង្វៀន វ៉ាន់ ធឺ បានអង្គសន្និបាតព្រមព្រៀងជ្រើសឡើងកាន់តួនាទីជាប្រធានសមាគមនិស្សិតនៃសាកលវិទ្យាល័យ និងលោក ត្រឹង ដាំង ក្វា ជាអនុប្រធានសមាគមនិស្សិត។
លោក ង្វៀន ជីញ មានប្រសាសន៍ថា៖ «សមាគមនិស្សិតសាកលវិទ្យាល័យត្រាវិញជាអង្គភាពដែលគណៈកម្មាធិការបក្សនិងគណៈនាយកសាកលវិទ្យាល័យមានទំនុកចិត្តនិងប្រគល់ភារកិច្ចសំខាន់ក្នុងកិច្ចការអប់រំសីលធម៌និងសតិអារម្មណ៍ព្រមទាំងអភិវឌ្ឍបំណិនទៅឱ្យនិស្សិត។»
លោកមានសង្ឃឹមយ៉ាងមោះមុតថា៖ ដោយកម្លាំងយុវវ័យ និងទឹកចិត្តមុតមាំនៃសមាជិកទាំងឡាយនឹងបន្តនាំកិច្ចការសមាគមនិងចលនានិស្សិតនៃសាកលវិទ្យាល័យត្រាវិញទទួលបានជោគជ័យបន្ថែមទៀត។
លោក ង្វៀន វ៉ាន ធឺ ប្រធានសមាគមនិស្សិតថ្មីក៏ឡើងប្តេជ្ញាចិត្តថា៖ ជាមួយកងកម្លាំងយុវវ័យនិងទឹកចិត្តដ៏ស្មោះស្មគ្រ គណៈប្រតិបត្តិសមាគមនិស្សិតសាកលវិទ្យាល័យត្រាវិញនឹងបន្តស្ថាបនា និងរៀបចំកម្មវិធីជាច្រើនមានប្រយោជន៍ ប្រាកដនិយម ខិតខំជំរុញកិច្ចការសមាគមនិងចលនានិស្សិតសាកលវិទ្យាល័យត្រាវិញកាន់តែរីកចំរើននិងទទួលបានលទ្ធផលប្រសើរថែមទៀត។»
ហ្វិញសាង