កិច្ចពិភាក្សាស្វែងរកដំណោះស្រាយនិងវិធានការដាក់ប្រើប្រាស់ E- learning
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 19 មិថុនា 2018
- ចុចដង៖ 483
នៅថ្ងៃទី ៨ មិថុនា ២០១៨ ថ្នាក់ដឹកនាំនៃសាកលវិទ្យាល័យត្រាវិញ ទទួលក្រុមការងារនិងសមាជិកដែលពាក់ព័ន្ធអញ្ជើញចូលរួមកិច្ចពិភាក្សាជុំវិញ E-learning។ អង្គប្រជុំមាន លោក វ៉ ហ្វាង ខាយ ជាសាកលវិទ្យាធិការរងបានអញ្ជើញចូលរួមនិងធ្វើជាអធិបតី។
មានប្រសាសន៍បើកវាទិកា អ្នកស្រី ហ្វិញ ម៉ាយ ធ្វី វឹង នាយិការងនៃមជ្ឈមណ្ឌលជំនួយអភិវឌ្ឍការបង្រៀននិងរៀន បានគូសបញ្ជាក់ថា៖ ការរីកចម្រើននៃ E-learning លើពិភពលោកនិងនៅវៀតណាមក្នុងតំណាក់កាលបច្ចេកវិទ្យាទំនើប 4,0 នេះ តើធ្វើយ៉ាងណាដើម្បីប្រើប្រាស់ប្រព័ន្ធ E-learningនេះក្នុងការបង្ហាត់បង្រៀននៅគ្រប់មុខជំនាញនៃសាកលវិទ្យាល័យត្រាវិញ។
ព្រោះថា E-learning ជាមធ្យោបាយសម្រាប់សិក្សាគ្រប់ពេល គ្រប់ទីកន្លែង និងមិនចំពោះអ្នកណាម្នាក់ បើខ្លឹមសារមុខវិជ្ជាណាដែលសមស្របនឹងតម្រូវការប្រើប្រាស់កុំព្យូទ័រមានភ្ជាប់ប្រព័ន្ធអ៊ីនធឺណែត គឺប្រើវិធីនេះទាញបានសារប្រយោជន៍យ៉ាងខ្លាំងក្នុងការបង្រៀននិងរៀន មានអន្តរទំនាក់ទំនងល្អ បង្កើតការចាប់អារម្មណ៍ចំពោះអ្នកសិក្សាទៅលើរូបភាពនិងខ្លឹមសារមេរៀន។
នៅកិច្ចសំណេះសំណាលនេះ មានបទអន្តរាគមន៍ ៥ ដែលបានលើកឡើងវិភាគដោះបំភ្លឺនូវលក្ខណៈងាយស្រួល និងផលវិបាកក្នុងដំណើរអនុវត្ត E-Learning ក្នុងការបង្រៀន។ មានសាស្ត្រាចារ្យចំនួន ៤៦ % ពេញចិត្តនឹងការប្រើប្រាស់កម្មវិធីនេះ ប៉ុន្តែ E-learning ក៏ពិបាកអនុវត្តចំពោះមុខវិជ្ជាណាដែលទាមទារការអនុវត្តច្រើន។ ទោះជាយ៉ាងណាក្តី អ្នកវាគ្មិនទាំងឡាយក៏បានផ្តល់នូវដំណោះស្រាយជាក់ស្តែងដើម្បីជំរុញអនុវត្តវិធីសាស្ត្រណាដែលសមស្រប ប៉ិនប្រសបក្នុងការជ្រើសរើសវិធីទៅតាមស្ថានភាពពិត អាចតាមបែបទំនើបឬប្រពៃណី ឬផ្គួបផ្សំទាំងពីរ។
លោក វ៉ ហ្វាង ខាយ ជាសាកលវិទ្យាធិការរងបានថ្លែងថា៖ នៅពេលខាងមុខសាកលវិទ្យាល័យត្រាវិញនឹងយកចិត្តទុកដាក់ខ្ពស់ទៅលើសម្ភារៈឧបទេស និងប្រព័ន្ធអេឡិចត្រូនិច ដើម្បីធានាអ្នកណាក៏អាចប្រើប្រាស់វិធីសាស្ត្របង្ហាត់បង្រៀន E-learning និងមានគោលនយោបាយសមស្របសម្រាប់វិស័យនេះឱ្យបានទូលំទូលាយគ្របដណ្តប់សាកលវិទ្យាល័យ។
ហ្វិញ សាង