ត្រាវិញទទួលឈាមដែលបានបរិចាគចំនួន ៤៤០០ កញ្ចប់ក្នុង៦ខែដើមឆ្នាំ ២០១៨
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 21 មិថុនា 2018
- ចុចដង៖ 461
ព្រឹកថ្ងៃទី ១៣ មិថុនា ២០១៨ នៅសាកលវិទ្យាល័យត្រាវិញ គណៈចង្អុលការនៃចលនាបរិចាគឈាមស្មគ្រចិត្តខេត្តត្រាវិញបានរៀបចំអង្គពិធីមីទ្ទីញ «ទិវាអន្តរជាតិបរិចាគឈាម ១៤ មិថុនា»។
អង្គពិធីមានការអញ្ជើញចូលរួមពីលោក វ៉ ហ្វាង ខាយ សាកលវិទ្យាធិការរងនៃសាកលវិទ្យាល័យត្រាវិញ អ្នកស្រី ង្វៀន ធី ងៀប អនុប្រធានគណៈចង្អុលការនៃចលនាបរិចាគឈាមខេត្តត្រាវិញ ព្រមទាំងថ្នាក់ដឹកនាំសម្ព័ន្ធយុវជន សមាជិក និងក្រុមនិស្សិតទាំងឡាយ។
លោក ឡេ ហុង កឿង ប្រធានការិយាល័យគណៈចង្អុលការនៃចលនាបរិចាគឈាមស្មគ្រចិត្តខេត្តត្រាវិញថ្លែងថា ក្នុង៦ខែដើមឆ្នាំ ២០១៨ ទូទាំងខេត្តមានសមាជិកចំនួន ២ ពាន់រូបបានចូលរួមបរិចាគឈាម។
គណៈចង្អុលការក៏បានរៀបចំថ្នាក់បំប៉នអំពីបច្ចេកទេសកិច្ចការបរិចាគឈាមចំនួន ៧ លើក និងមានសមាជិកចូលរួម ៧០០ នាក់ អ្នកស្មគ្រចិត្ត ១៥០ នាក់ ផ្តល់រង្វាន់លើកទឹកចិត្ត ៨៨៩ អង្គភាព និងសមាជិក សារុបលទ្ធផលឈាមដែលបានបរិចាគចំនួណ ៤៤០៣ កញ្ចប់ទូទាំងខេត្ត។
អ្នកស្រី ង្វៀន ធី ងៀប អនុប្រធានអចិន្ត្រៃយ៍នៃគណៈចង្អុលការចលនាបរិចាគឈាមស្មគ្រខេត្តត្រាវិញវាយតម្លៃខ្ពស់នៃកិច្ចការគ្រប់គ្រងការបរិចាគឈាមនៅសាកលវិទ្យាល័យត្រាវិញ មាននិស្សិតនិងសាស្ត្រាចារ្យជាច្រើនរូបមានមនសិការនិងយល់ដឹងនូវតម្លៃនៃគ្រាប់ឈាមដែលបរិចាគ។
ក្នុងនោះភាគច្រើនជាសមាជិកយុវជន ពួកគេបានបង្ហាញនូវភាពក្លាហាន ស្មគ្រចិត្តចូលក្នុងសកម្មភាពបម្រើការងារសង្គម។ អ្នកស្រីបានគូសបញ្ជាក់ទៀតថា៖ ការឃោសនា រៀបចំបណ្តាអង្គសិក្ខាសាលា គឺដើម្បីផ្សព្វផ្យាយសកម្មភាពនេះអោយបានទូលំទូលាយ ក្នុងគោលបំណងទទួលបានឈាមបរិចាគថែមទៀតបន្តសង្គោះអ្នកជំងឺដែលកំពុងមានតម្រូវការច្រើន។
នៅអង្គពិធីនេះ គណៈចង្អុលការបានប្រគល់លិខិតសរសើររបស់ប្រធានគណៈកម្មាធិការប្រជាជនខេត្តត្រាវិញដល់សមាជិក ៣៦ នាក់និងអង្គភាពសាកលវិទ្យាល័យត្រាវិញ ដែលបានបំពេញតួនាទីនិងរួមចំណែកក្នុងចលនាបរិចាគឈាមស្មគ្ររបស់ខេត្តក្នុងឆ្នាំកន្លង។
មិត្ត ត្រឹង ធី ថាយ ហឿង និស្សិតសាកលវិទ្យាល័យត្រាវិញរីករាយថ្លែងថា៖ នេះជាលើកទី ៧ ដែលខ្ញុំបានចូលរួមបរិចាគឈាម។ ក្នុងពេលបរិចាគម្តងៗ ខ្ញុំមានអារម្មណ៍រំភើបចិត្តនិងកក់ក្តៅដែលខ្លួនបានបរិចាគឈាមសង្គោះអ្នកជំងឺ។ ប៉ុន្តែសាមីខ្លួននឹងរក្សាសុខភាពឱ្យបានល្អប្រសើរថែមទៀត ដើម្បីអាចបន្តបរិចាគនិងគៀងគរគ្រួសារញាតិមិត្តថែមទៀតចូលរួមក្នុងចលនានេះ។
