បក្ខភាពសាកលវិទ្យាល័យត្រាវិញបិទអង្គសន្និសីទបូកសរុបពីរឆ្នាំកន្លះអនុវត្តសេចក្តីសម្រេចនៃមហាសន្និបាតបក្សអាណាត្តិកាល២០១៥ - ២០១០
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 មិថុនា 2018
- ចុចដង៖ 567
នៅល្ងាចថ្ងៃទី១៥មិថុនាបក្ខភាពសាកលវិទ្យាល័យត្រាវិញបានរៀបចំឡើងអង្គសន្និសីទបូកសរុបពីរឆ្នាំកន្លះស្តីអំពីការអនុវត្តសេចក្តីសម្រេចនៃមហាសន្និបាតអាណាត្តិកាល ២០១៥ - ២០១០។លោកង្វៀនមីញឡើងអនុលេខាធិការនៃគណៈកម្មាធិការបក្សគ្រប់គ្រងស្ថាប័នរដ្ឋអញ្ញើញចូលរួមនិងចង្អុលការអង្គប្រជុំ។
ក្នុងអង្គប្រជុំបានវាយតម្លៃនូវចំណុចអវិជ្ជមាន កង្វះខាតនិងដកចេញបទពិសោធក្នុងកិច្ចការអនុវត្តសេចក្តីសម្រេចនៃមហាសន្និបាតបក្ខភាព។ម្យ៉ាងវិញដាក់ចេញភារិកិច្ច ដំណោះស្រាយចម្បងដើម្បីអនុវត្តបន្តឱ្យបានជោគជ័យនូវផែនការពាក់កណ្តាលអាណាតចុងក្រោយ។
ជាពិសេសអង្គប្រជុំផ្តោតសំខាន់ទៅលើតួនាទីថ្នាក់នាំប្រតិបត្តិការនៃគណៈកម្មាធិការនិង គណៈកម្មាធិការអចិន្ត្រៃយ៍របស់បក្ស ក្របខ័ណ្ឌផ្ទៃក្នុង ពង្រឹងសមត្ថភាពអ្នកដឹកនាំទទួលខុសត្រូវខ្ពស់ ជំរុញអនុវត្តជោគជ័យចំណុចដែលបានដាក់ចេញក្នុងសេចក្តីសម្រេចនៃអាណាត្តិកាល ២០១៥ - ២០២០។
សមិទ្ធិផលលេចធ្លោមួយចំនួនដូចជា៖ កិច្ចការជ្រើសរើសនិស្សិតកើនឡើង កម្មវិធីសិក្សាបានកសាងឡើងសមស្របនឹងមុខជំនាញបណ្តុះបណ្តាល ពិសេសយកចិត្តទុកដាក់ខ្លាំងចំពោះកម្មវិធីផ្សារភ្ជាប់នឹងសហគ្រាស កម្មវិធីសហការនឹងអន្តរជាតិ កែទម្រង់វិធីសាស្ត្របង្រៀនជំរុញស្មារតីដល់អ្នកសិក្សា អនុវត្តទូលំទូលាយបច្ចេកវិទ្យា ធ្វើឱ្យនិស្សិតសកម្មណនិងម្ចាស់ការក្នុងការសិក្សាស្រាវជ្រាវ។
សាកលវិទ្យាល័យបានកែទម្រង់យន្តការ រៀបចំអង្គភាពឱ្យសមស្របនឹងបម្រែបម្រួលស្ថានភាពថ្មី យកចិត្តទុកដាក់កសាងធនធានមនុស្ស មានផែនការបណ្តុះបណ្តាលបុគ្គលិក សាស្ត្រាចារ្យតាមក្របខ័ណ្ឌស្តង់ដា និងលើស្តង់ដា។
កិច្ចការផ្តល់សេវាកម្ម ថ្នាក់ដឹកនាំមានអារម្មណ៍ថាសិស្សនិស្សិតជាអតិថិជនសំខាន់ ជំរុញលត់ដំអប់រំស្មារតី បើកវេទិកាសំណេះសំណាលផ្ទាល់ជារៀងរាល់ឆ្នាំដើម្បីស្តាប់នូវចំណង់ចំណូលចិត្តនិងការប្រតិកម្មរបស់និស្សិតចំពោះផ្គត់ផ្គង់សេវាកម្មក្នុងការសិក្សានិងស្រាវជ្រាវ។
ម្យ៉ាងវិញទៀត ជំរុញកិច្ចការសហប្រតិបត្តិការអន្តរជាតិបានបើកទូលាយនេះក៏ជាកត្តាអភិវឌ្ឍនិងសមាហរណកម្មដោយប្រសិទ្ធភាព។
លោក ង្វៀន មីញ ឡើង ថ្លែងកោតសរសើរនិងវាយតម្លៃខ្ពស់នូវលទ្ធផលទទួលបានរបស់គណៈកម្មាធិការបក្សក្នុងពាក់កណ្តាលអាណាត្តិកន្លង។ លោកថ្លែងថា៖ បក្ខភាពសាកលវិទ្យាល័យត្រាវិញអនុវត្តល្អរាល់កិច្ចការកសាងបក្ខ លើចំណុចគោលនយោបាយ ស្មារតី សិលធម៌ យកចិត្តទុកដាក់ខ្ពស់ដឹកនាំអនុវត្តភារកិច្ចនយោបាយ ភារកិច្ចជំនាញ កសាងអង្គភាពសាមគ្គីរឹងមាំ លើកកម្ពស់ស្មារតីប្រជាធិបតេយ្យក្នុងបក្ស ផ្សារភ្ជាប់កិច្ចលត់ដំសិល្បធម៌តាមគម្រូរបស់អ៊ំ រុញច្រានគំនិតអសកម្ម ស្មារតីអន្ថ័យ អសិលធម៌ក្នុងការរស់នៅស្របតាមស្មារតីសម្រេចចិត្តរបស់មជ្ឈិមបក្សនាសម័យប្រជុំលើកទី៤។
សាស្ត្រាចារ្យបណ្ឌិត ផាម ទៀត ខាញ់ លេខាធិការនៃគណៈកម្មាធិការបក្សនិងជាសាកលវិទ្យាធិការនៃសាកលវិទ្យាល័យត្រាវិញ គូសបញ្ជាក់ចំណុចសំខាន់ៗមួយចំនួន៖ បន្តអនុវត្តឱ្យបានល្អនូវកិច្ចការអប់រំនយោបាយ ដឹកនាំស្មារតីតាមសេចក្តីចង្អុលការលេខ 05-CT/TW ចុះថ្ងៃទី 15/5/2016 នៃក្រសួងនយោបាយនិងសេចក្តីសម្រេចរបស់មជ្ឈិមបក្សនាសម័យប្រជុំលើកទី ៤ នីតិកាល XII; ក្របខ័ណ្ឌប្រជាធិបតេយ្យនៅមូលដ្ឋាន និង «ចលនាប្រជាជនល្អ»យកចិត្តកែទម្រង់រដ្ឋបាលនិងកិច្ចការប្រឆាំងអំពើពុករលួយ ខ្ជះខ្ជាយ អត់ប្រិតសំចៃ។ល។
អនុវត្តល្អថែមទៀតនូវភារកិច្ចឆ្នាំបន្ត ពង្រឹងកិច្ចការជ្រើសរើសនិស្សិតគ្រប់មុខជំនាញ កិច្ចការវាយតម្លៃនិងត្រួតពិនិត្យគុណភាព កែសម្រួលខ្លឹមសារបណ្តុះបណ្តាលមួយចំនួនធានាបង្កើនគុណភាពតាមស្តង់ដា។ ម្យ៉ាងវិញទៀតត្រួតពិនិត្យវាយតម្លៃនូវបណ្តាមុខជំនាញកំរិតបរិញ្ញាបត្រ គុណភាពបណ្តុះបណ្តាលក្រោយបរិញ្ញាបត្រ បន្តបើកបន្ថែមមុខជំនាញឆ្លើយតបនឹងតម្រូវការសង្គម។ កសាងស្តង់ដាបើកមុខជំនាញថ្មី កែលម្អគុណភាពបណ្តុះបណ្តាលតាមបែសិក្សាបណ្តើរធ្វើការបណ្តើរ បែបសញ្ញាបត្រទី ២ បែសិក្សាពីចម្ងាយនិងសិក្សាបន្តឡើង។
បន្តអនុវត្តប្រព័ន្ធគ្រប់គ្រងគុណភាពតាមស្តង់ដា ISO 9001:2008 ទន្ទឹមនឹងត្រួតពិនិត្យតាមស្តង់ដាអន្តរជាតិ។ លើកកម្ពស់គុណភាព ប្រសិទ្ធភាពអត្តបទស្រាវជ្រាវវិទ្យាសាស្ត្រដើម្បីរួមចំណែកកែលម្អចំណាត់ថ្នាក់លេខនៃសាកលវិទ្យាល័យ។ ផ្ទេរជូននូវបទគំហើញថ្មីៗចូលទៅក្នុងសហគមន៍ កសិករ ឬសហគ្រាស។ កសាងស្តង់ដាគុណភាពស្រាវជ្រាវវិទ្យាសាស្ត្រចម្បង ស្រាវជ្រាវតាមបែបផ្សារភ្ជាប់នឹងការអនុវត្តជាក់ស្តែង។
តំណាងថ្នាក់ដឹកនាំសាកលវិទ្យាល័យត្រាវិញ សាស្ត្រាចារ្យ បណ្ឌិត ផាម ទៀត ខាញ់ ទទួលយកនូវអនុសាសន៍ចង្អុលការនៃលោក ង្វៀន មីញ ឡើង ហើយប្តេជ្ញាចិត្តខិតខំអនុវត្តនិងបន្តពង្រាយសកម្មភាពមានប្រសិទ្ធភាពនូវគោលដៅភារកិច្ចនិងដំណោះស្រាយសមស្របដើម្បីអនុវត្តជោគជ័យសេចក្តីសម្រេចនៃមហាសន្និបាតអាណាត្តិកាល ២០១៥ - ២០២០។
ហ្វិញ សាង