ឱកាសក្លាយជាកម្មសិក្សាការីនៅក្រុមហ៊ុនសាន្គយ៉ូឌីរីកាប្រទេសជប៉ន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 02 កក្កដា 2018
- ចុចដង៖ 467
នៅថ្ងៃទី២២មិថុនា២០១៨ក្រុមហ៊ុន សាន្គយ៉ូឌីរីកាប្រទេសជប៉នមានកិច្ចនួបនិងពិភាក្សាជាមួយថ្នាក់ដឹកនាំមហាវិទ្យាល័យកសិកម្មនិងជលវប្បកម្មស្តីអំពីកម្មវិធី Internship ចំពោះនិស្សិតមុខជំនាញបច្ចេកវិទ្យាស្បៀងអាហារ។
លោក វ៉ហ្វាង ខាយជាសាកលវិទ្យាធិការរងនៃសាកលវិទ្យាល័យត្រាវិញថ្លែងថា៖កម្មវិធី Internship ជាកម្មវិធីមួយ បង្កឱកាសសម្រាប់និស្សិតមានបំណងទៅចុះកម្មសិក្សានៅទីផ្សារការងារប្រកបដោយជំនាញខ្ពស់និងសកម្ម។កម្មវិធីនេះឈានទៅការអភិវឌ្ឍយូរអង្វែង មិនត្រឹមតែនិស្សិតមុខជំនាញបច្ចេកវិទ្យាស្បៀងអាហារចំនួន៤០នាក់នៅថ្ងៃនេះទេ គឺថែមទាំងបើកទូលាយនៅមុខជំនាញថ្មីៗទៀតដូចជា៖មុខជំនាញថែទាំជំងឺបច្ចេកទេសយន្តកម្ម។ល។
លោក Kamimura Fumichika ថ្លែងអំណរគុណដល់ថ្នាក់ដឹកនាំនៃសាកលវិទ្យាល័យត្រាវិញ បានអនុញាតឱ្យពួកគាត់ជួបសំណេះសំណាលជាមួយនិស្សិតស្តីអំពីកម្មវិធី Internship។លោក ថ្លែងថាក្រុមហ៊ុនសាន្គយ៉ូឌីរីកាជាក្រុមហ៊ុនជំនាញផ្នែកផលិតមីនិងស្បៀងអាហារផ្គត់ផ្គង់ក្នុងប្រព័ន្ធហាង Seven-Eleven នៅប្រទេសជប៉ន។ក្រុមហ៊ុនយកគុណភាពជាចម្បងហេតុដូច្នេះយើងខ្ញុំជ្រើសរើសបុគ្គលិកផ្តោតសំខាន់ទៅលើទឹកចិត្តស្រឡាញ់ការងារនិងអាកប្បកិរិយាល្អ ស្មោះត្រង់ខ្ពស់។ម្យ៉ាងវិញទៀតក្រុមហ៊ុនមានគោលនយោបាយទំនុកបំរុងដ៏សមស្របចំពោះបុគ្គលិកនិងកម្មសិក្សាការី ។
មិត្ត ង្វៀនហាគ្វាងញី និស្សិតឆ្នាំទី៣សួរថា៖ពេលនិស្សិតទៅធ្វើការនៅជប៉ន តើមានអ្នកណាជាអ្នកណែនាំបង្ហាញកិច្ចការងារ និងមធ្យោបាយធ្វើដំណើរយ៉ាងណាដែរ? លោកKamimura Fumichika ឆ្លើយបំភ្លឺថាពេលធ្វើការនៅជប៉ន គឺជនជាតិជប៉នជាអ្នកណែនាំផ្ទាល់និងមានអ្នកជំនួយការបើមានបញ្ហាណាមួយដែលមិនច្បាស់លាស់ចំពោះការធ្វើដំណើរទៅជប៉នគឺក្រុមហ៊ុនយើងខ្ញុំធានាសំបុត្រយន្តហោះទៅនិងមកចំពោះពេលធ្វើការនៅជប៉នគឺក្រុមហ៊ុនមានឡានដឹកជញ្ជូន។
មិត្ត ឡេធីយីម ភឿងមានបារម្ភថា៖ពេលវេលានិងក្របខ័ណ្ឌការងារនៅជប៉នតើដូចម៉្តេចដែរ? តំណាងក្រុមហ៊ុនឱ្យដឹងថាពេលវេលាធ្វើការនៅជប៉នគឺ៨ម៉ោង/ថ្ងៃធ្វើការ ៤ថ្ងៃបានសម្រាប់មួយថ្ងៃ ចំពោះទីស្នាក់នៅគឺក្រុមហ៊ុនទំនុកបំរុងទាំងអស់។
ហ្វិញ សាង