យុវជនសាកលវិទ្យាល័យត្រាវិញនាំមុខក្នុងចលនាយុទ្ធនាការវិស្សមកាល
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 23 កក្កដា 2018
- ចុចដង៖ 574
នៅព្រឹកថ្ងៃទី ១៤ កក្កដា ២០១៨ គណៈប្រតិបត្តិការយុទ្ធនាការវិស្សមកាលនៃសាកលវិទ្យាល័យត្រាវិញបានរៀបចំពិធីបើកយុទ្ធនាការវិស្សមកាលឆ្នាំ ២០១៨ នៅសហសិក្សា E21.105 ទីស្នាក់ការកណ្តាលនៃសាកលវិទ្យាល័យត្រាវិញ។ លោក វ៉ ហ្វាង ខាយ សាកលវិទ្យាធិការរងនិងជាប្រធានបញ្ជាការនៃយុទ្ធនាការអញ្ជើញចូលរួម។
ប្រធានបទ «យុវជនសកម្មក្នុងការកសាងនិងអភិវឌ្ឍសេដ្ឋកិច្ចសង្គម» មានគោលការណ៍សំខាន់ដូចជា៖ សកម្មភាពការពារបរិស្ថាន បង្ការអាកាសធាតុប្រែប្រួល សកម្មភាពស្ម័គ្រចិត្ត «ផឹកទឹកមិនភ្លេចប្រភព» សកម្មភាពដើម្បីសុខុមាលភាពសង្គម, កសាងជនបទថ្មី, អរិយធម៌នគរូបនីយកម្ម,ស្ម័គ្រចិត្តរក្សាសណ្តាប់ធ្នាប់ សុវត្ថិភាពចរាចរ, កសាងផ្លូវលំជនបទ, កសាងផ្ទះមេត្តាធម៌, សកម្មភាពដើម្បីយុវវ័យស្រករក្រោយ។ល។
លោក វ៉ ហ្វាង ខាយ មានប្រសាសន៍លើកទឹកចិត្តស្មារតីយុវជននាំមុខក្នុងការស្ម័គ្រចិត្តដើម្បីការងារសង្គមនៃយុវជនសាកលវិទ្យាល័យត្រាវិញ។ លោកសង្ឃឹមថា យុវជនសាកលវិទ្យាល័យត្រាវិញពោរពេញដោយកម្លាំងកាយ កម្លាំងចិត្តនិងកម្លាំងប្រាជ្ញាបំពាក់ភារកិច្ចស្ម័គ្រចិត្តបម្រើអស់ពីចិត្តជាមួយស្មារតី «រួមហូប រួមនៅ រួមធ្វើ» «ទៅឱ្យប្រជាជននឹក នៅឱ្យប្រជាជនស្រឡាញ់» យុវជនម្នាក់ៗមានសកម្មភាពជាក់ស្តែង និងជាគ្រាប់ពូជនៃសោភ័ណភាពរបស់សាកលវិទ្យាល័យត្រាវិញក្នុងកែវភ្នែកប្រជាជន។
ឆ្នាំនេះយុទ្ធនាការនឹងចាប់ផ្តើមពីថ្ងៃទី ១៥ កក្កដា ដល់ថ្ងៃទី ១៥ សីហា នៅមូលដ្ឋានដែលមានជីវភាពក្រលំបាកដូចជា ឃុំ ថាញ់ ហ្វា សឺន, មី ហ្វា, ទ្វឹង ហ្វា ចំណុះស្រុក កូវ ង៉ាង និងឃុំបីទៀតនៅស្រុកថ្កូវដូចជា ឃុំ ឡុង ហេប, ង៉ុក បៀង, ដាយ អាន។ យុវជនស្ម័គ្រចិត្តចូលរួមឈរជើងមានចំនួន ១២០ នាក់ ក្រៅពីនោះមានក្រុមជំនាញចលត់ ៦ ក្រុម និងយុវជនស្ម័គ្រចិត្តថ្ងៃសៅរ៍និងថ្ងៃអាទិត្យចំនួន ១០០០ នាក់ទៀត ដោយពួកគេមានសកម្មភាព ៖ ហ្វឹកហ្វឺនផ្ទេរបច្ចេកទេស កែជួសជុលអគ្គិសនី បង្ហាត់ភាសាអង់គ្លេស បង្ហាត់ព័ត៌មានវិទ្យា បង្ហាត់ហែលទឹក គូរគំនួរ រចនាសួនច្បារកុមារ។
យុទ្ធជន ង្វៀន ធី ង៉ុក ហឹង ប្រធានក្រុមការងារនៅសមារភូមិឃុំ មី ហ្វា ស្រុក កូវ ង៉ាង ថ្លែងថា៖ ខ្ញុំរីករាយនិងមានមោទកភាព បានចូលរួមយុទ្ធនាការស្ម័គ្រចិត្តវិស្សមកាលឆ្នាំនេះ។ បំពាក់លើស្មាអាវពណ៌បៃតងស្ម័គ្រចិត្ត យើងខ្ញុំជាយុទ្ធជនម្នាក់ៗនឹងចូលរួមសកម្មភាពជាក់ស្តែង យ៉ាងសកម្ម សម្រាប់ប្រជាជននៅភូមិឃុំនិងបានសិក្សាបទពិសោធនៃជីវភាពលំបាករបស់ប្រជាជន ជាពិសេសគឺបានរួមចំណែកអនុវត្តជោគជ័យគ្រប់ភារកិច្ចនៃគណៈប្រតិបត្តិការយុទ្ធនាការដែលបានដាក់ចេញ។»
ហ្វិញសាង
