សាកលវិទ្យាល័យត្រាវិញមានកម្មវិធីសិក្សាចំនួន៣ ទៀតដែលសម្រេចបានការទទួលស្គាល់គុណភាពបណ្ដុះបណ្ដាលអន្តរជាតិ AUN - QA រួមមាន៖ បរិញ្ញាបត្រគិលានុបដ្ឋាក បរិញ្ញាបត្រកសិកម្ម និងបរិញ្ញាបត្រភាសាខ្មែរ ដូច្នេះចំនួនសរុបនៃកម្មវិធីសិក្សាដែលសម្រេចបានគុណភាពបណ្តុះបណ្ដាលតាមស្តង់ដារអន្តរជាតិដូច AUN-QA FIBAA ABET របស់សាកលវិទ្យាល័យត្រាវិញឡើងទៅចំនួន១៣កម្មវិធីសិក្សា មានដូច៖ កម្មវិធីសិក្សាចំនួន៥ត្រូវបានទទួលស្គាល់ស្របតាមស្តង់ដារ AUN-QA គឺ៖ បរិញ្ញាបត្រកសិកម្ម បរិញ្ញាបត្រវារីវប្បកម្ម បរិញ្ញាបត្របសុពេទ្យ នៃមហាវិទ្យាល័យកសិកម្ម និងជលផល ព្រមទាំងបរិញ្ញាបត្រគិលានុបដ្ឋាកនៃមហាវិទ្យាល័យវេជ្ជសាស្ត្រនិងឱសថសាស្ត្រ និងបរិញ្ញាបត្រភាសាខ្មែរនៃមហាវិទ្យាល័យភាសា វប្បធម៌ និងវិចិត្រសិល្បៈខ្មែរណាមបូ។ កម្មវិធីសិក្សាចំនួន៧ដែលត្រូវបានទទួលស្គាល់ស្របតាមស្តង់ដារ FIBAAរួមមាន៖ បរិញ្ញាបត្រគ្រប់គ្រងពាណិជ្ជកម្ម បរិញ្ញាបត្រសេដ្ឋកិច្ច បរិញ្ញាបត្រគណនេយ្យ បរិញ្ញាបត្រហិរញ្ញវត្ថុ-ធនាគារ និងបរិញ្ញាបត្រនីតិសាស្ត្រ;បរិញ្ញាបត្រជាន់ខ្ពស់ថ្នាក់អនុបណ្ឌិតផ្នែក៖ គ្រប់គ្រងពាណិជ្ជកម្ម និងគ្រប់គ្រងសេដ្ឋកិច្ចនៃមហាវិទ្យាល័យសេដ្ឋកិច្ច-នីតិសាស្ត្រ; ព្រមទាំងកម្មវិធីសិក្សាបរិញ្ញាបត្របច្ចេកវិទ្យាព័ត៌មាននៃមហាវិទ្យាល័យវិស្វកម្មនិងបច្ចេកវិទ្យាស្របតាមស្តង់ដារ ABET ផងដែរ។
ប្រែសម្រួលដោយ៖ Seha Thach